31
रिम्शो पाइब आन कली योव़शो
प्रस्थान ३५:३०-३५
1 मिनु परमप्रभु यावेमी मोसा कली प्रस्थान ३५:३०-३५
2 “नेनो, गो यहूदा आ थर ङा हुर आ चच ऊरी आ तौ बेचालेल आ नें थिशा आं गेय पचा कली योव़ता।
3 गो मेको कली आं सोक्तीमी प्रिंशा, मार मार सेल्चा कली जोक्ब तुइक्ब सेल्ता। मिनु पने चाप्तीक सक्ति यो गेता।
4 मेकोमी नेल्ल मिम्शा, सुन, चांदी नु कांसा के मारेइ मारेइ चेम्ने चाप्ब।
5 हीरा ख्रोइक्तीक नु सुनम क्येप्तीके, शी मुतीके नु मारेइ मारेइ सेल्स जोक्ब दुम्पाइक्ता।
6 गो दान आ थर ङा अहीसामाक आ तौ ओहोली-आब कली बेचालेल नु गेय पचा कली योव़ता। गो इस्राएल ङा जोक्ब रिम्शो गेय पाइब मेको आस कली वारच पाइब यो योव़तामी। गो इ कली मार मार देंङा, मेको नेल्ल आन कली सेल्ने चाप्तीक सक्ति गेतामी।
7 ग्रुम्तीक ताम्बु, कबल पशो सन्दोस, मेको आ तार ङा सुम्तीके नु ताम्बु आ गा ङा माल्शो मारेइ मारेइ, प्रस्थान ३५:११-१९
8 टेबल नु मेको आ मारेइ मारेइ, बत्ती दातीके नु आ मारेइ मारेइ, धूप चोशा चढ़ेतीके,
9 चोशा चढ़ेतीके नु आ मारेइ मारेइ, ठेयब चिक्तीक बोस नु आ राप्पाइक्तीके,
10 आं कली चढ़ेब दुम्तीके रिम्शो प्रोव़शो वा नेल्ल, चढ़ेब हारून आ चढ़ेची ना फेक्तीक वा नु आ तौ आन फेक्तीक वा,
11 लुक्तीक तेल नु ब्रोव़शो रिना पाइब धूप गोम इ कली देंशो खोदेंशो पा मेकोपुकीमी आं बाक्तीक कली सेल्चा माल्नीम” देंत।
नाइक्तीक नाक्त आ पर्बम अरेशो
प्रस्थान ३५:१-३
12 मिनु परमप्रभु यावेमी मोसा कली
13 “गे इस्राएली आन कली मार माइक्चा माल्नेवे देंशा हना ‘गेपुकीमी थमा पा आं नाइक्तीक नाक्ती मानेचा माल्नीनी। मारदे हना मेको गेपुकी नु इन चच युइ सम्म कली चिन्ड लीब। गो, परमप्रभु यावेमी, इन कली आं मुर सेल्ता, दे गे तुइक्नीनी। प्रस्थान २०:८; इजीकीएल २०:१२
14 मोपतीके गेपुकीमी नाइक्तीक नाक्त मानेचा माल्नीनी। मारदे हना मेको परमप्रभु आ नाक्त बाक्ब। सु सुमी मेको नाक्ती ममानेथु, गेय पाइनीमी, मेको मुर आ जात ङा मुर रे तिल्शा, साइक्चा पुंइसीनीम। गन्ती १५:३२-३५; येरमीया १७:२१-२३
15 मोपा ६ नाक्त सम्म गेय पामेक्ल, तन्न ७ नाक्त चहिं नाइक्तीक नाक्ती बाक्ब। मेको परमप्रभु यावे आ नाक्त बाक्ब। सु सुम मेको नाक्ती गेय पाइनीमी मेको थमा पा साइक्चा पुंइसीनीम।
16 मोपतीके इस्राएलीपुकीमी नाइक्तीक नाक्ती मानेचा माल्नीम। मेको नाक्ती गेना हना यो आन चच युइ सम्म कबल पतीके बाक्ब। मर्कूस २:२७-२८
17 गो नु इस्राएली इन दातेमी मेको गेना हना यो लीब चिन्ड बाक्ब। परमप्रभु यावेमी ६ नाक्तीमी सरीङ नु रागी सेल्ने थुम्तु। ७ नाक्ती चहिं नांइसीशा, आ दशो सात’ दे इस्राएली आन कली माइक्चा माल्नेवे” देंत। प्रस्थान १६:२३,२५; उत्पत्ती २:२
18 मिनु परमप्रभुमी मोसा नु सीनै डांडाम लोव़ पने थुम्शा, आ देंशो फुल्लु निक्शीमी मुशा आंम ब्रेक्शो लोव़ मोसा कली गेप्तु। प्रस्थान २४:१२; प्रस्थान ३२:१५-१६; प्रस्थान ३४:२८; ब्यवस्था ४:१३; ब्यवस्था ५:२२; ब्यवस्था ९:१०; ब्यवस्था १०:१-५