48
याकूब, एफ्राइम नु मनस्‍से
मिनु नोले मुर कामी योसेफ कली “इन आफ रोइ पाप्‍तु” दे शेंदा बाक्‍त। मिनु योसेफमी मनस्‍से नु एफ्राइम आ तौ निक्‍शी लाइश्‍शा, ग्रुम्‍थ लमाक्‍त। मिनु मुर कामी याकूब कली “नेनीन, इन तौ योसेफ इन कली ग्रुम्‍थ जाक्‍त” दे नेंपदा बाक्‍त। मिनु इस्राएल बोल पा बोक्‍शा, आ ब्राख्‍येम निस्‍से बाक्‍त। मिनु याकूबमी योसेफ कली “नेल्‍ल सक्ति पाइश्‍शो परमप्रभुमी कनान रागी ङा लूज सहरम ग्रूशा, आं कली आसीक गेती। उत्‍पत्ती २८:१७-१९ मेकोमी आं कली ‘नेनीन, गो इन कली सोशा बोशा, शुश सेल्‍नुङ। गो इ रे शुश थर ङा मुर सेल्‍नुङ। इ कली नु इ चच युइ आन कली मेको रागी गेना हना यो इन केन बाक्‍ब, दे गेनुङ’ देंत। उत्‍पत्ती ३५:११-१२ आं जाक्‍चा ङोंइती, इजीप्‍त रागीम जरमेशो एफ्राइम नु मनस्‍से, इ तौ निक्‍शी आं मुर दुम्‍चा माल्‍नीस। रूबेन नु सिमियोन खोदेंशो पा आं केन दुम्‍चा माल्‍नीस। उत्‍पत्ती ४१:५०-५२ इ नोले थिशो आल चहिं इ के दुम्‍मल। मिनु आन लोक्‍ब आन जात ङा नें वोइश्‍शो, इजीप्‍त रागीम अङस ताइब दुम्‍मल। गो पदान रे गाक्‍ङानु, कनान रागी ङा एफ्राथ आ ङोंइती राहेल बेक्‍त। मिनु गो मेको कली एफ्राथ माइश्‍शो बेथलेहेम सहर लतीक लांमी थिम्‍ता” देंमाक्‍त। उत्‍पत्ती ३५:१९ मिनु इस्राएलमी योसेफ आ तौ निक्‍शी आस कली तशा “मेको निक्‍शी सु नसी?” दे हिल्‍लो पवा बाक्‍त। मिनु योसेफमी आ आफ कली “परमप्रभुमी आं कली गेशो तौ बाक्‍नीसी” देंमाक्‍त। मिनु याकूबमी “मेको आस कली एक चाक्‍सी। मिनु गो मेको आस कली आसीक गेनुङ” दे मदा बाक्‍त। 10 इस्राएल खाल्‍पा दुम्‍शा, आ मिक्‍च रिम्‍शो मताइब दुम्‍शो बाक्‍माक्‍त। मोपतीके मेको आस कली मतुइक्‍ता बाक्‍त। मिनु योसेफमी मेको आस नेक्‍था चाक्‍दीस्‍सी बाक्‍त। मिनु इस्राएलमी मेको आस कली पुक्‍पु पाइश्‍शा, मुबा बाक्‍त। 11 मिनु योसेफ कली “गो इ कुल ताइनुङ दे ममिम्‍शो नङ। तन्‍न परमप्रभुमी आं कली इ आल आन कली यो कोंइताक्‍यी” देंमाक्‍त। उत्‍पत्ती ३७:३३-३५; उत्‍पत्ती ४५:२६; भजन संग्रह १२८:६ 12 मिनु योसेफम मेको आस कली आ आफ आ थुकु रे याक्‍शा, खुम्‍की पा सेउ पवा बाक्‍त। 13 मिनु योसेफमी आ तौ निम्‍फा आस कली लाइश्‍शा, एफ्राइम आ ग्‍युरा गुइ नु मनस्‍से आ पेरा गुइ ग्‍याइश्‍शा लाइश्‍शा आ आफ आ ङोंइती वोदा बाक्‍त। मोपा मनस्‍से याकूब आ ग्‍युरा गुइ नु एफ्राइम याकूब आ पेरा गुइ आ नेक्‍था वोदा बाक्‍त। उत्‍पत्ती ४१:५१-५२ 14 तन्‍न इस्राएलमी आ गुइ ख्राक्‍शा आ ग्‍युरा गुइ एफ्राइम आ पिया तारी नु आ पेरा गुइ मनस्‍से आ पिया तारी वोदा बाक्‍त। मनस्‍से चहिं योसेफ आ ङोंइती जरमेशो तौ बाक्‍माक्‍त। 15 मिनु याकूबमी योसेफ कली आसीक गेशा “आं किकी पिपी अब्राहाम नु इसहाक परमप्रभु आ ङोंइती गाक्‍शो बाक्‍ताक्‍से। मेको परमप्रभुमी आं कली आं ब्रोंइतीक नाक्‍त नेल्‍ल मुल सम्‍म कोव़ती। उत्‍पत्ती ३२:१०; भजन संग्रह २३:१ 16 आं कली श्‍येत रे प्रोंइब परमप्रभु यावे आ स्‍वर्ग ङा गेय पाइबम एको वोंइश आल आस कली आसीक गेवल। मिनु एको आस पतीके आं नें नु आं किकी पिपी अब्राहाम नु इसहाक आस नें मप्रेंसेक्‍ल। एको निक्‍शी रे पा रागीमी शुश दुम्‍मल” दे आसीक गेम्‍सी बाक्‍त। उत्‍पत्ती ३२:२५-३०; यसैया ४१:१४ 17 मिनु योसेफमी आ आफ आ ग्‍युरा गुइ एफ्राइम आ पिया तारी वोइश्‍शो तशा, आ थुं मनुमाक्‍त। मिनु आ आफ आ गुइ एफ्राइम आ पिया रे शोल्‍शा, मनस्‍से आ पियाम वोइक्‍नुङ, दे मिम्‍ता बाक्‍त। 18 मिनु योसेफम आ आफ कली “ममाइ आं आफ, मेको आं ङोंइती जरमेशो बाक्‍ब। इन ग्‍युरा गुइ एको आ पिया तारी वोतीन” देंमाक्‍त। 19 तन्‍न आ आफ मबित्‍थु “गो तुइक्‍नुङ, आं तौ, गो तुइक्‍नुङ। एको यो थर का दुम्‍ब, एको यो ठेयब दुम्‍ब। तन्‍न एको क्‍येङा आ लोक्‍ब एफ्राइम ठेयब दुम्‍ब। मिनु आ चच युइ शुश ठेयब जात दुम्‍नीम” दे आसीक गेम्‍सी बाक्‍त। गन्‍ती १:३३,३५; ब्‍यवस्‍था ३३:१७ 20 मिनु मेको नाक्‍ती मेको आस कली आसीक गेशा “इस नें थिशा इस्राएलीमी आसीक गेनीम। मेकोपुकीमी ‘परमप्रभुमी इ कली एफ्राइम नु मनस्‍से खोदेंशो सेलल’ दे आसीक गेनीम” देंमाक्‍त। मोपा याकूबमी मनस्‍से क्‍येङा एफ्राइम ङोंइती वोदा बाक्‍त। हिब्रू ११:२१ 21 मिनु इस्राएलमी योसेफ कली “नेनो, गो बेक्‍नुङ। मिनु परमप्रभु गे नु बाक्‍शा, इ कली लेंशा इ किकी पिपी आ रागी लाइक्‍ब। 22 गो इ कली इ लोक्‍ब आन क्‍येङा निक्‍शी अङस गेतन। आं तरवार नु लिब्रामी एमोरी आन गुइ रे रोइश्‍शो रू इ कली गेतन” दे याकूबमी योसेफ कली मदा बाक्‍त। यूहन्‍ना ४:५