17
दमस्‍कस नु इस्राएल कली श्‍येत
येरमीया ४९:२३-२७; आमोस १:३-५
मिनु परमप्रभु यावेम दमस्‍कस आ पर्बम यसैया कली “दमस्‍कस सहर खतम दुम्‍शा मलीब। मेकेर ब्रेश्‍शो खिं ला बाक्‍नीम। आरोएर ङा सहरपुकी प्रोंइसीशो दुम्‍शा, क्‍यारश भेडा योव़तीके दुम्‍ब। मेको काइ महिक्सीशो नाइक्‍तीक दुम्‍ब। एफ्राइम ङा बोल्‍यो दरवार नुप्‍नीम। दमस्‍कस ङा राज्‍य मलीब। अराम ङा लीशो मुरपुकी इस्राएली आन जाम्‍शो छेङछेङ खोदेंशो दुम्‍नीम” दे मुर नेल्‍ल आन परमप्रभु यावेम देंत। २राजा १६:९
मिनु परमप्रभु यावेमी “मेको नाक्‍ती याकूब आ मुर आन रिम्‍स नेल्‍ल लाइब। मेको नेल्‍ल गेयनीम। मिनु दोदेंशो पा चेरब रिक्‍ब मुरुमी गुइ कामी चेरब ग्‍याइश्‍शा, अर्को गुइमी रिक्‍बा, मोदेंशो पा रेफाइम ङा बेंसीम सिला गुप्‍तीक बाक्‍ब। तेल रवा हिक्‍शा गेडा नेल्‍ल तोक्‍शा यो का निक्‍शी लीशो खोदेंशो पा, मेको आ ङल नु राशीमी का निक्‍शी ला लीनीम” दे परमप्रभु यावे, इस्राएली आन परमप्रभुमी देंत।
मेको नाक्‍ती मुरपुकीमी आंम कली सेल्‍ब कली मिम्‍नीम। मिनु इस्राएली आन का ला बाक्‍शो परमप्रभु यावे गे कोव़नीम। मेकोपुकीम आंम आन गुइमी सेल्‍शो देवी देवता आन कली चढ़ेचा ममिम्‍नीम। आंमा आन सेल्‍शो मूर्ति पाइश्‍शो थाम नु धूप चोतीके कली मकोव़नीम।
मेको नाक्‍ती आन बोल्‍यो सहरपुकी हिव्‍वी नु एमोरी आन प्रोंइ‍शो सहर खोदेंशो दुम्‍नीम। मेको आन सहर इस्राएली आन पर्बम प्रोंइशो बाक्‍तेक्‍म। मेकेर ङा मारेइ मारेइ नेल्‍ल खतम दुम्‍शो बाक्‍तेक्‍म।
10 मारदे हना गे इन कली पाप रे प्रोंइब परमप्रभु कली प्रेंताक्‍नी। मिनु इन ख्रुइक्‍तीक सेरथे फुल्‍लु कली मफ्रुक्‍नी। गे अर्को रागी ङा रिम्‍शो अङगुर ख्रुम्‍तीनी। यसैया ६:२-३; ब्‍यवस्‍था ३२:१५ 11 गे दारशो बोट ख्रुम्‍तीनी हना यो, मिनु आ दीसा सुनी बोइक्‍पाइक्‍तीनी हना यो, मेकेर खुप्‍चा कली मारेइ मलीब। श्‍येत जतीके नु खाइश्‍शो मसातीके नाक्‍त मोदेंशो दुम्‍ब।
शुश रागी ङा मुर आन हुल
12 आबी, शुश रागी ङा मुर आन रेयके, समुन्‍द्र ङा ब्‍वाक्‍कु खोदेंशो पा नेंसीब। आबी, रागी रागी ङा मुर आन ग्रीशो बारशो खोला आ रेयके खोदेंशो बाक्‍ब। 13 रागी रागी ङा मुरपुकी ठेयब ब्‍वाक्‍कु ग्रीशो खोदेंशो पा ग्रीनीम। तन्‍न परमप्रभुमी मेको आन कली हुइक्‍ब। मिनु मेकोपुकी ङोन प्रोक्‍नीम। मेको डांडा ङा फश गिवारम बेरपाइश्‍शो भूस फुरक खोदेंशो दुम्‍नीम। 14 नाक्‍दो हिंचा ङा श्‍येत जाइनीम। नां सोव़चा क्‍येङा ङोंइती मेको नेल्‍ल बेक्‍नीम। आंइ मार मार रोइक्‍ब नु खुइ पाइबपुकी मोदेंशो दुम्‍नीम। यसैया ३७:३६