21
बेबीलोन आ पर्बम लोव़ पशो
यसैया १३:-; यसैया १४:-
1 मिनु परमप्रभु यावेम समुन्द्र आ नेक्था ङा गोरशो रागी आ पर्बम यसैया कली “नेगेब रे फश पिना पिन बाक्ब। मेको गोरशो रागी रे पीब। मेको हिंचा ङा रागी बाक्ब।
2 गो हिंचा ङा लोव़ का नेंता। श्येत गेबपुकीम श्येत ला गेनीम। खतम पोक्बपुकीमी खतम ला पोक्नीमी। एलाम, गे कुवो। गे लशा, मादी रागी ङा मुर पुम्दीने। गो मेको आन हुकयी पचा तेक्नुङ” देंत।
3 मोपतीके आं पोक्च ख्रिंख्रि पाइनीम। गो सुत्केरी रोइ पशो आल थिचशो मीश मुर खोदेंशो दुम्ती। गो राप्ने मचाप्थु, नेंने नु तने मचाप्चा ङा श्येत जशो बाक्नुङ।
4 गो ग्रांग्ये माग्ये दुम्शो बाक्नुङ। आं दाक्शो हाम्सोमी नाइक्चा मलुनु, आं कली ख्रिंख्रि पपाइक्ती।
5 मेकोपुकीमी जचा कली ठीक सेल्नीम। वा ब्राइनीम। जाइनीम, तूनीम। ए, कप्तानपुकी, बोक्कीन इन तेक्तीक तेल ख्रेक्तीन।
6 मारदे हना परमप्रभुमी आं कली “कोव़ब मुर का वोतो। मेकोम मार ताइबा, शोव़ङल।
7 मेकोमी शारा ङोइक्ब आन कली जोड जोड पा जाक्ना जाक्न ताइब, गधा ङोइक्ब नु दलओंठ ङोइक्ब ताप्तु हना, शुश कोव़शा, नोफा दाइश्शा नेनल” देंत।
8 मिनु कोव़ब मुरुमी गुप्स खोदेंशो पा, ठेयब सेंदा पा “परमप्रभु, गो नाक्दो नाक्ती खाल पतीकेमी खाल पा राप्शा बाक्शो बाक्नुङ।
9 कोव़ङीन, शारा ङोइक्ब जोर जोर पा जाक्ना जाक्न बाक्नीम” देंत। मिनु मेकोमी “बेबीलोन ब्रुत। मेको आन देवी देवता आन मूर्ति नेल्ले खपीम ताइक्चा पुंइसाक्म” देंत। प्रकाश १८:२
10 गे आं तुप्शो नु क्राप्शो रागी ङा मुरपुकी, मुर नेल्ल आन परमप्रभु यावे, इस्राएली आन परमप्रभु रे नेंशो लोव़ गो इन कली देंती।
एदोम आ पर्बम पशो लोव़
येरमीया ४९:७-२२,२८-३३
11 मिनु परमप्रभु यावेमी दुमा आ पर्बम यसैया कली ब्यवस्था २:५
12 गो सेइर रे सेंदा का नेंता। मेको सेंदामी “ए, खाल पाइब मुर, नाक्दो दोशो दुम्मे? दोशो लीमे? ए, खाल पाइब नाक्दो दोशो दुम्मे? दोशो लीमे?” देंत। मिनु खाल पाइबमी “नां सोव़ब, मिनु नां रिक्ब। मारेइ हिल्लो पचा बाक्त हना, आं बाक्तीक जाक्कीन। मिनु हिल्लो पयीनी” देंत।
अराब रागी आ पर्बम पशो लोव़
13 मिनु परमप्रभु यावेमी गोरशो रागी आ यसैया कली “ए, अराब रागी ङा मुरपुकी गे अराब ङा मुर मबाक्तीकेमी बाक्स बाक्चा माल्नीनी। गे दलओंठ ङोइश्शा देदान आ थर ङा ग्याप्ब लेयब पिने।
14 तेमा रागी ङा मुरपुकी, ब्वाक्कु तूतू दाक्ब आन कली ब्वाक्कु चाक्कीन। प्रोक्शा जाक्ब आन कली शोब्ले कुरशा, ग्रुम्थ लने।
15 मारदे हना मेकोपुकी शोइश्शो तरवार, खुक्शो लिब्रा नु ठेयब लडाइ रे ब्रोंइशा जाक्शो बाक्नीम” देंत।
16 मिनु परमप्रभुमी आं कली “गाल्च ताइबम आ बर्स हिक्शो खोदेंशो पा बर्स का नोले केदार आ दारस नेल्ल जाम्ब। यसैया १६:१४
17 मिनु केदार ङा लडाइ पाइब लिब्रा आप्ब मुर का निक्शी ला लीनीम। मारदे हना एको परमप्रभु यावे, इस्राएली आन परमप्रभु आ देंशो लोव़ बाक्ब” देंत।