42
परमप्रभु यावे आ गेय पाइब
परमप्रभुमी “आं गेय पाइब कली कोव़ङीन। गो मेको कली सक्ति गेनुङ। आं योव़शो गेय पाइब तशा, आं थुं ग्‍येरसीब। गो मेको कली आं सोक्‍तीम प्रिंताक्‍ङ। मेकोमी रागी रागी ङा मुर आन कली ठीक निसाफ पाइ‍ब। यसैया ४९:१-६; यसैया ५०:४-११; यसैया ५२:१३-यसैया ५३:१२; मत्ती १२:१८-२१; मत्ती ३:१७ मेकोमी जिचा मपोक्‍ब। शुश रेयके मपाइब। लां पित्‍थ आ सेंदा मनेंसीब। मेकोमी जिक्‍चशो किन्‍दा मजिक्‍ब, काप्‍चशो मी यो मकाप्‍ब। मेकोमी थमा पा ठीक निसाफ पाइब। भजन संग्रह ३४:१९ मेकोम रागी नेल्‍लेम मुर आन कली ठीक निसाफ पतीक लां मकोंइदा सम्‍म ग्‍युम्‍शा मगोल्‍ब। समुन्‍द्र आ नेक्‍थाम बाक्‍ब मुरपुकी आ शेंशो नेंचा दाक्‍शा, मेको कली रिम्‍नीम” देंत।
मेको परमप्रभु, परमप्रभु यावे आ लोव़ बाक्‍ब। मेकोमी सरीङ कली सेल्‍शा प्राक्‍तु। मिनु रागी खप फ्राशा, मेकेर मार मार वापाइक्‍तु। मेकोमी मेकेर बाक्‍शो मुर आन कली आ ब्रोंइतीक गेब। मेकेर बाक्‍ब आन कली यो आ सोक्‍त गेब। उत्‍पत्ती १:- मेकोमी “गो, परमप्रभु यावे नङ। गो इ कली आं ठीक पतीकेमी ब्रेत्‍ताक्‍न। गो इ गुइ ग्‍याइश्‍शा, इ कली कोव़शा बाक्‍नुङ। गो मुर आन पा ङा इ कली आं कबल खाप्‍ब सेल्‍तन। रागी रागी ङा मुर आन कली छेङछेङ दुम्‍पाइक्‍चा कली सोइक्‍ताक्‍न। यसैया ४९:६,८ मारदे सोइक्‍ताक्‍न देंशा हना, मिक्‍च मताइब आन कली तपाइक्‍चा, जेल्‍खानम बाक्‍ब आन कली प्रोंइचा नु छिङछिङ रे ग्रुंइचा कली सोइक्‍ताक्‍न। यसैया ३५:५; यसैया ४५:१९; भजन संग्रह १२६:१-४ गो, परमप्रभु यावे नङ। आं नें मेकोन बाक्‍ब। आं मान ततीक अरु आन कली मगेनुङमी। आं ठेयब दुम्‍तीके मूर्ति आन कली मगेनुङमी। प्रस्‍थान ३:१५; यसैया ४८:११ कोव़ङीन, ङोंइती ङा देंशो लोव़ दुम्‍ने थुम्‍तु। गो दुम्‍चा क्‍येङा ङोंइती नक लोव़ शेंनुङ। मेको दुम्‍चा क्‍येङा ङोंइती इन कली तुइक्‍पाइक्‍नुङ” देंत। यसैया ४८:६
रागी ङा मुरपुकीम कुम्‍सो पामेक्‍ल
10 परमप्रभु यावे कली नक कुम्‍सो का पने। रागी आ सुर ङा मुरपुकी परमप्रभु यावे कली कुम्‍सो पशा ठेयब सेलीन। समुन्‍द्र नु समुन्द्रम बाक्‍बपुकी परमप्रभु कली ठेयब सेलीन। समुन्‍द्र आ नेक्‍था बाक्‍ब नेल्‍लेमी मेको कली ठेयब सेलीन। भजन संग्रह ३३:३ 11 गोरशो रागी नु मेकेर ङा सहर कुम्‍सो पने। केदार आ बाक्‍तीक ङा मुर नेल्‍ले कुम्‍सो पने। सेला ङा मुरपुकी ग्‍येरशा कुम्‍सो पने। डांडा तार रे ठेयब सेंदा पा ग्रीङीन। 12 मेकोपुकीमी परमप्रभु यावे कली मान पा‍मेक्‍ल। मिनु “परमप्रभु यावे गिश ठेयब बाक्‍बा” दे समुन्‍द्र आ नेक्‍था बाक्‍ब मुर आन कली शेंदमेक्‍ल। 13 परमप्रभु यावे बोल्‍यो लडाइ पाइब खोदेंशो पा ग्रूब। लडाइ पाइब खोदेंशो पा आ जोंब बोक्‍पाइक्‍ब। मेको ठेयब रेयके पा ग्रीब। मिनु आ जोरी सत्रु आन कली आ ठेयब सक्ति कोंइब।
14 मिनु “गो शुश सिक्‍सी पा बाक्‍ती, ब्‍वालेइ पा आंम कली तेक्‍शा बाक्‍ती। मुल आल थिचशो मीश मुर बुदी, वाइ ब्रेत्‍नुङ। आं सोक्‍त कीनुङ। 15 गो डांडा नु पहाड आन कली गोरशो सेल्‍नुङ। गिगी मारेइ मारेइ सोव़पाइक्‍नुङ। गो ब्‍वाक्‍कु बाक्‍तीक कली सोव़शो रागी सेल्‍नुङ। दोम्‍ली सोव़पाइक्‍नुङ। 16 मिनु मिक्‍च मताइब आन कली आन मतुइश्‍शो लांमी खुल्‍नुङमी। आन मतुइश्‍शो गाक्‍तीक लांमी गाक्‍पाइक्‍नुङमी। मेको आन ङोंइती बाक्‍शो छिङछिङ कली छेङछेङ सेल्‍नुङ। मिनु फुल्‍लु बाक्‍तीक कली दिंम सेल्‍नुङ। एको मप्रोंइथु पाइनुङ। यसैया ४०:४ 17 मुशा सेल्‍शो मूर्ति नु चेम्‍शा सेल्‍शो मूर्ति आन कली थमा सुइश्‍शा ‘गे आं देवी देवता बाक्‍नीनी’ देंबपुकी गिम्‍सीशा, मुने दोक्‍नीम” देंत।
18 परमप्रभु यावेम “गे नोफा मनेंबपुकी नेनीन। गे मिक्‍च मताइबपुकी एक कोव़ङीन। यसैया ४३:८ 19 आं गेय पाइब खोदेंशो पा मिक्‍च मताइब सु बाक्‍नीमी? आं सोइश्‍शो लोव़ कुरब खोदेंशो नोफा मनेंब सु बाक्‍नीमी? सु आं कली जिम्‍मा गेंसीशो खोदेंशो मिक्‍च मताइब बाक्‍नीमी? सु परमप्रभु यावे आ गेय पाइब खोदेंशो मिक्‍च मताइब बाक्‍नीमी ङा? यसैया ४१:८ 20 मेकोमी शुश मार मार ताइब। तन्‍न मकोव़ब। मेको नोफा नेंब बाक्‍ब, तन्‍न मनेंब” देंत। यसैया ५३:१
21 परमप्रभु यावेमी आ ठीक पतीके तशा, ग्‍येरसीशो बाक्‍त। मेकोमी आ शेंतीके ठेयब सेल्‍शा नु थम रिम्‍शो दुम्‍पाइक्‍‍ब। 22 तन्‍न मेको मुरपुकी रोइश्‍शो नु खुइ पचा पुंइसीशो बाक्‍नीम। मेको नेल्‍ल बिक्‍तीकेमी बिक्‍शो नु जेल्‍खानमी ख्रुइश्‍शो बाक्‍नीम। मेको सिखार खोदेंशो दुम्‍शो बाक्‍नीम। मेको आन कली प्रोंइब सुइ मबाक्‍ब। मेको रोइक्‍चा पुंइसीब दुम्‍शो बाक्‍नीम। मिनु “मेको आन कली लेंशा गेने” देंब सुइ मबाक्‍ब। 23 इन दातेमी मेको नेंशा वारच पाइब, सु बाक्‍बा? मुल रे नोफा दाइश्‍शा, होस पा बाक्‍ब, सु बाक्‍बा? 24 सुमी याकूब आ मुर आन कली रोइक्‍ब आन गुइमी गेवा? सुमी इस्राएली आन कली खुइ आन गुइमी गेवा? मेको पपाइक्‍ब परमप्रभु यावे ममाइ? मेकोपुकीम मेको कली पाप पाम्‍तेक्‍म। मेकोपुकी मेको आ लांम गाक्‍ने मबिस्‍सम नु आ अरेशो मटीम। 25 मोपतीके परमप्रभु यावे मेको आन पर्बम शुश गाइक्‍ताक्‍व। मेको आन कली लडाइ ङा श्‍येत दुम्‍पाइक्‍तु। मेको आन एर ओंथ नेल्‍ल मी जेत्‍ताक्‍व। मो हना यो मेकोपुकीमी काइ मरुबेम। मी जेश्‍‍शा यो आन थुं परमप्रभु यावे गे मलेत्‍तेम।