34
“परमप्रभु ठीक पाइब बाक्‍ब” देंशो
मिनु एलीहुमी “जोक्‍ब तुइक्‍ब मुरपुकी आं लोव़ नेनीन। शुश जोक्‍ब मुरपुकी आं लोव़ इन नोफा दाइश्‍शा नेनीन। अय्‍युब १२:११ मारदे हना दोपा नोफाम लोव़ नेंबा, मोपान लेंम जचा थोव़क थाम्‍ब। मोपतीके मार ठीक बाक्‍बा, मेको गो आंमा योव़य। मिनु तेको लोव़ रिम्‍शो बाक्‍मे, मेको आंमा गारशा कोव़य। मारदे हना अय्‍युबम ‘गो दोस मताइब मुर बाक्‍नुङ। तन्‍न परमप्रभुम आं कली ठीक निसाफ मगेयी। अय्‍युब ३३:९; अय्‍युब २७:२ गो ठीक पाइब बाक्‍ती हना यो, आं कली जोल पाइब सुइक्‍‍ती। गो हेंथे मपाता हना यो, आं गार मसा’ दें‍त। अय्‍युब ९:१५,२०; अय्‍युब ६:४ ब्‍वाक्‍कु तूशो खोदेंशो पा शुक्‍शी पाइब, अय्‍युब खोदेंशो अरु सुइ मबाक्‍नीम। मेको मरिम्‍शो गेय पाइब नु बाक्‍‍ब। मिनु परमप्रभु यावे आ अरेशो मटीब नु गाक्‍ब। भजन संग्रह १:१ मारदे हना मेकोमी ‘परमप्रभु कली ग्‍येरशा टिचा, शोर गाक्‍शो बाक्‍ब’ देंब। अय्‍युब ९:२२
10 मोपतीके मारेइ मारेइ तुइक्‍ब मुरपुकी आं लोव़ नेनीन। परमप्रभुम गेनायो मरिम्‍शो मपाइब। नेल्‍ल क्‍येङा ठेयब सक्ति पाइश्‍शोमी गेनायो दूली मपाइब। अय्‍युब ८:३; ब्‍यवस्‍था ३२:४; २इतिहास १९:७ 11 मेकोमी मुर आन कली मेको आन पशो खोदेंशो पा पाइब। मार पाइनीमी, मेकोन ताइनीमी। 12 एको थमा लोव़ बाक्‍ब। परमप्रभुम गेनायो मरिम्‍शो मपाइब। नेल्‍ल क्‍येङा ठेयब सक्ति पाइश्‍शोमी दूली निसाफ मपाइब। अय्‍युब १९:६ 13 सुम रागी मेको आ जिम्‍माम गेवा? सुम मेको कली रागी नेल्‍ल ङा अधिकार गेवा? 14 मेकोमी ब्रोंइचा गेब सोक्‍त नु आ सास लेश्‍शा लाइक्‍चा मिम्‍ताक्‍व हना, 15 याम कामीन सोक्‍त पाइश्‍शो नेल्‍ल बेक्‍नीम। मिनु मुर लेंशा फुरकुम लेश्‍शा लाइनीम। भजन संग्रह १०४:२९
16 गे इन के रुप्‍तीक थुं बाक्‍त हना, आं देंशो नेनीन। गो मार देंङा, मेको नोफा दाइश्‍शा नेनीन। 17 ठीक निसाफ कली काइ मदाक्‍ब मुर सासन पने चाप्‍बा ङा? मार, गे ठीक पाइब नु सक्ति पाइश्‍शो कली दोस ताइब मिम्‍नीनी? 18 सुमी पिप कली ‘हिंचा ङा मरिम्‍शो पाइब बाक्‍नीनी’ देंबा? मिनु ठेयब मुर आन कली ‘परमप्रभु यावे आ अरेशो मटीब बाक्‍नीनी’ देंबा? 19 मेकोम पिप आ तौ आन कुल मकोव़ब। मेकोम शोंप पाइश्‍शो नु प्रुङग नेल्‍ल आन कली उइक्‍थ मिम्‍ब। मारदे हना मेको नेल्‍ल आ सेल्‍शो नम। 20 मेकोपुकी याम कामीन बेक्‍शा लाइनीम। नाक्‍दो उइक्‍थ दुम्‍मेनु, मेकोपुकी ख्रिंख्रि पा बेक्‍नीम। सक्ति पाइश्‍शो मुर यो सुइम मारेइ मपाइक्‍थु बेक्‍नीम।
21 मेकोमी मुर नेल्‍ल आन पतीके कोव़शो बाक्‍ब। मिनु मेको आन गाक्‍शो नेल्‍ल कोव़शो बाक्‍ब। अय्‍युब ३१:४; हितोपदेस ५:२१ 22 मेकेर मरिम्‍शो पाइब आन ख्रुंइसी‍तीक छिङछिङ मबाक्‍ब। भजन संग्रह १३९:११-१२ 23 परमप्रभुम आ ङोंइती निसाफ पुंइथ जाक्‍ब मुर आन कली ‘एको नाक्‍त जाक्‍कीन’ मदेंशो बाक्‍ब। 24 मेकोम खुदील निदील मपथुन सक्ति पाइश्‍शो आन कली तिल्‍ब। मिनु मेको आन पा ङा अरु आन कली वोइक्‍ब। 25 मारदे हना मेकोम मेको आन पशो गेय नेल्‍ल तुइक्‍ब। मिनु मेको आन कली काबु नाक्‍दोमीन तिल्‍‍ब। मिनु मेकोपुकी खतम दुम्‍नीम। 26 परमप्रभु यावे आ अरेशो मटिशो आ पर्बम मेको कली खतम पोक्‍ब। मिनु मेको मुर नेल्‍लेम ताइनीम। 27 मारदे हना मेकोपुकी मेको आ नोले खोइक्‍चा प्रोंइतेक्‍म। मिनु आ कोंइशो लां ममिम्‍तेम। 28 मेकोपुकीम प्रुङग आन ङाक्‍शो मेको आ ङोंइती जाक्‍दीपपाइक्‍तेक्‍म। मेकोम मारेइ मथीब आन पुंइशा ब्रेश्‍शो नेंतु। उत्‍पत्ती १६:११ 29 तन्‍न मेको सिक्‍सी पा बाक्‍‍त हना, सुम मेको कली दोस गेने चाप्‍बा ङा? मेकोम आ कुल ख्रुइक्‍ताक्‍व हना, सुम मेको कली तने चाप्‍बा ङा? रागी ङा मुर नेल्‍ल कली नु मुर का कली मेको कान बाक्‍ब। 30 मिनु परमप्रभु कली मटीब मुरुम सासन मपवल। मिनु मुर आन कली श्‍‍येत गेब सासन पाइब मदुमल।
31 मिनु मेकोमी परमप्रभु कली ‘गो सजाइ फाल्‍ता। गो मुल रे मरिम्‍शो गेय मपाइक्‍नुङ। 32 आं मतुइश्‍शो आं कली शेंदीनी। गो मरिम्‍शो पाता हना यो, मुल रे मो मपाइनुङ’ देंब। 33 मार, मेकोम इन देंशो खोदेंशो पा इन कली पचा माल्‍बा ङा? मारदे हना गे आ देंशो मबित्‍नीनी। गे इन लां योव़चा माल्‍नीनी। गो मो मपाइनुङ। मोपतीके इन तुइश्‍शो आं कली शेंदीनी। 34 निप्‍स पाइश्‍शो मुर नेल्‍लेम नु जोक्‍ब तुइक्‍ब कामी आं लोव़ नेंशा 35 ‘अय्‍युब मजोक्‍थु, लोव़ पाइब बाक्‍ब। आ लोव़ मरुप्‍चा ङा बाक्‍ब’ देंनीम। अय्‍युब ३८:२ 36 अय्‍युबम मेको क्‍येङा तेम्‍शा श्‍येत जवल। मारदे हना आ लोव़ परमप्रभु आ अरेशो मटीब आन लोव़ खोदेंशो बाक्‍ब। 37 मेकोमी आ पाप तेम्‍ब। आंइ दातेमी शु‍श हेंथे पना पन बाक्‍ब। मिनु मेकोमी परमप्रभु आ पर्बम मरिम्‍शो लोव़ शुश तेम्‍ब” दे एलीहुमी देंमाक्‍त।