19
सिमियोन आ मुर आन रागी
1 मिनु नोले योव़ङमेनु, सिमियोन आ खिं खिं ङा मुरपुकीमी आन रागी ताम्तेक्म। मेको आन रागी यहूदा आ खिं खिं ङा मुर आन रागी आ दातेमी बाक्त। उत्पत्ती ४९:५
2 मेको आन रागी तेको तेको बाक्त देंशा हना, बेयर-शेबा, मेको कली शेबा यो देंनीम, मोलादा, उत्पत्ती २१:१४,३१,३३
3 हासार-शुआल, बलाह, एसेम,
4 एल्तोलद, बेथुल, होरमा,
5 सिकलाग, बेथ-मारकाबोथ, हासार-सूसाह,
6 बेथ-लेबाओथ नु शारूहेन मेको आन के बाक्तीक नेल्ल पा १३ ओटा सहर नु गाउंपुकी बाक्तेक्म।
7 ऐन, रिम्मोन, एथेर नु आशान। मेको आन के बाक्तीक नेल्ल पा ४ ओटा सहर नु मेकेर ङा गाउंपुकी बाक्तेक्म। मेको आन एर ओंथ ङा गाउं नेल्ल बालाथ-बेर, दक्खिन गे ङा रामाह सम्म बाक्तेक्म।
8 मेको सिमियोन आ थर ङा खिं खिं ङा मुर कोव़शा, मेको सहर नेल्ल आन एर ओंथ ङा गाउं बालाथ-बेएर नु नेगेब ङा रामाह सम्म बाक्ब।
9 मेको सिमियोन आ खिं खिं ङा मुर आन रागी बाक्त। मिनु मेको आन रागी यहूदा आ खिं खिं ङा मुर आन रे पा तशो बाक्तेक्म। मारदे हना यहूदा थर आन रागी माल्शो क्येङा यो शुश बाक्माक्त। मोपतीके सिमियोन आ खिं खिं ङा मुरपुकीमी मेको आन रागी यहूदा आन रागीमी ताम्तेक्म।
जबूलून आ मुर आन रागी
10 मिनु नोले योव़ङमेनु, जबूलून आ खिं खिं ङा मुरपुकीमी आन रागी ताम्तेक्म। मेको आन सांद सारीद सम्म बाक्त। उत्पत्ती ४९:१३
11 मिनु पच्छिम गे मरलाह सम्म लशा, दब्बेशेत लाक्शा, योकनाम आ नेक्था ङा खोला सम्म जाक्दीत्त।
12 सारीद रे पा लशा, पूर्ब नां दाप्तीक गे किस्लोथ-ताबोर रागी रे दाबेराथमी ग्रूशा याफीया सम्म ङोइश्शा लशो बाक्त।
13 मेकेर रे मेको पूर्ब गे लशा, गाथ-हेफेर नु एथ-कासीन सम्म जाक्दीश्शा, यो रिम्मोन सम्म ग्रूशो बाक्त। मेको सांद नेआह सम्म जाक्दीश्शो बाक्त।
14 मिनु मेको सांद हन्नातोन उत्तर गे लशा, हिरशा इफ्ताह-एल ङा दिंममी जाक्दीश्शा नुप्शो बाक्त।
15 मेको सांद आगाम कात्ताथ, नहालाल, शिम्रोन, इदलाह नु बेथलेहेम यो बाक्तेक्म। मेको आन के बाक्तीक नेल्ल पा १२ ओटा सहर नु मेकेर ङा गाउंपुकी बाक्तेक्म। न्यायाधीस १:३०
16 जबूलून आ खिं खिं ङा मुर आन सहर नु गाउंपुकी एकोन बाक्तेक्म।
इस्साकार आ मुर आन रागी
17 मिनु नोले योव़ङमेनु, इस्साकार आ खिं खिं ङा मुरपुकीमी आन रागी ताम्तेक्म।
18 मेको आन सहर तेको तेको बाक्तेक्म देंशा हना, येज्रेल, केसुल्लोथ नु शुनेम, २राजा ४:८
19 हाफ्राइम, शीओन नु अनाहारथ,
20 रब्बीत, किश्योन नु एबेस,
21 रेमेथ, एन-गन्नीम, एन-हददाह नु बेथ-पस्सेस बाक्तेक्म।
22 मेको सांद ताबोर, शहसूमा नु बेथ-शेमेश सम्म जाक्दीश्शा, यर्दनमी नुप्शो बाक्त। मेको आन के बाक्तीक सहर नेल्ल पा १४ ओटा सहर नु मेकेर ङा गाउंपुकी बाक्तेक्म।
23 इस्साकार आ खिं खिं ङा मुर आन सहर नु गाउंपुकी एकोन बाक्तेक्म।
आशेर आ मुर आन रागी
24 मिनु नोले योव़ङमेनु, आशेर आ खिं खिं ङा मुरपुकीमी आन रागी ताम्तेक्म। मेको आन रागी तेको तेको बाक्तेक्म देंशा हना, उत्पत्ती ४९:२०
25 हेल्काथ, हाली, बेतेन नु आकशाफ,
26 अल्लाम्मेलेक, अमाद नु मिशाल बाक्तेक्म। मिनु मेको सांद पच्छिममी कारमेल नु शीहोर-लिब्नाथ सम्म जाक्दीश्शो बाक्त।
27 मिनु नोले पूर्ब गे बेथ-दागोन गे लशा, जबूलून नु इफ्ताह-एल ङा दिंम सम्म जाक्दीश्शो बाक्त। मेको उत्तर गे ङा बेथ-एमेक नु नेइल लशा, पेरा गे काबुल रागीमी ग्रूशो बाक्त।
28 मिनु एब्रोन, रेहोब, हम्मोन नु कानाह सहर रे पा ठेयब सीदोन सम्म जाक्दीश्शो बाक्त।
29 मिनु मेको सांद रामाह नु गारो पाइश्शो टायर सहर गे हिरशो बाक्त। मेको सांद लशा, होसाह गे समुन्द्र आ नेक्था ङा अकजीब सहरमी नुप्शो बाक्त। यहोसु १५:४४; न्यायाधीस १:३१
30 उम्मा, अफेकाह नु रेहोब, नेल्ल पा मेको आन के २२ ओटा सहर नु मेकेर ङा गाउंपुकी बाक्तेक्म।
31 आशेर आ खिं खिं ङा मुर आन सहर नु गाउंपुकी एकोन बाक्तेक्म।
नाप्ताली आ मुर आन रागी
32 मिनु नोले योव़ङमेनु, नाप्ताली आ खिं खिं ङा मुरपुकीमी आन रागी ताम्तेक्म। उत्पत्ती ४९:२१
33 मेको आन सांद हेलेफ, सा-अनानीममी बाक्शो ठेयब रवा, अदामी-नेकेब लाक्शा, यब्नेल रे लक्कुम सम्म लशा, यर्दनमी नुप्शो बाक्त।
34 मेको सांद पच्छिममी अच्नोथ-ताबोर रे लाइश्शा, हुक्कोकमी ग्रूशो बाक्त। मिनु मेको दक्खिन गे जबूलून सम्म, पच्छिम गे आशेर सम्म, नु पूर्ब गे यहूदा आ यर्दन सम्म जाक्दीश्शो बाक्त।
35 मिनु गारो पाइश्शो सहरपुकी चहिं सिददीम, सेर, हम्माथ, रक्कत, किन्नेरेथ,
36 आदामाह, रामाह, हासोर,
37 केदेश, एद्रेइ, एन-हासोर
38 इरोन, मिग्दल-एल, होरेम, बेथ-अनात नु बेथ-शेमेश बाक्तेक्म। मेको नेल्ल पा मेको आन के १९ ओटा सहर नु मेकेर ङा गाउंपुकी बाक्तेक्म। न्यायाधीस १:३३
39 मिनु मेको नाप्ताली आ खिं खिं ङा मुर आन सहर नु गाउंपुकी एकोन बाक्तेक्म।
दान आ मुर आन रागी
40 मिनु नोले योव़ङमेनु, दान आ खिं खिं ङा मुरपुकीमी आन रागी ताम्तेक्म। मेको आन रागी तेको तेको बाक्तेक्म देंशा हना, उत्पत्ती ४९:१६
41 सोराह, एश्ताओल नु इर-शेमेश,
42 शा-आलब्बीन, आइयालोन नु इथ्लाह,
43 एलोन, तिम्नाह नु एक्रोन, यहोसु १५:१०
44 एल-तेके, गिब्बेथोन नु बालाथ,
45 येहुद, बेने-बेराक नु गाथ-रिम्मोन,
46 मे-यारकोन, रक्कोन नु योप्पा आ ङोंइती ङा रागी बाक्तेक्म। योना १:३
47 मिनु दान आ खिं खिं ङा मुर मेको रागी ग्राचा कली श्येत जाम्तेक्म। मिनु मेकोपुकीमी लेशेम सहरमी लशा, लडाइ पा तरवारमी मुर नेल्ल आन कली साइश्शा ग्रातेक्म। मेकोपुकी मेको सहरमी बाक्शा, मेको कली आंम किकी आ नें दान वोइक्तेक्म। न्यायाधीस १८:२७-२९
48 मिनु मेको दान आ खिं खिं ङा मुर आन सहर नु गाउंपुकी एकोन बाक्तेक्म।
यहोसु आ रागी
49 मिनु मेकोपुकीमी रागी नेल्ल योव़शा, योक्ने थुम्मे नोले इस्राएलीपुकीमी नून आ तौ यहोसु कली मेको आन दातेम रागी गेम्तेक्म।
50 परमप्रभु यावेमी देंशो खोदेंशो पा यहोसुमी पुंइशो एफ्राइम ङा पहाड रागी ङा तिम्नाथ-सेराह सहर मेको कली गेम्तेक्म। मिनु यहोसुमी सहर सेल्शा मेकेन बाक्त। यहोसु २४:३०; न्यायाधीस २:९
51 मिनु चढ़ेब एलाजर, नून आ तौ यहोसु नु इस्राएली आन थर थर ङा ठेयब मुर नेल्ल परमप्रभु यावे आ ङोंइती शिलोम ग्रुम्तीक ताम्बु आ लाप्चोमी रागी नेल्ल योक्ने थुम्तेक्म। मोपा मेकोपुकीमी रागी योक्तीके गेय यो थुम्तेक्म। यहोसु १४:१; यहोसु १८:१