11
यरूसलेम सहरम बाक्ब मुर
१इतिहास ९:२-१७
1 मिनु इस्राएली आन ठेयब मुरपुकी यरूसलेममी बाक्शो बाक्तेक्म। लीशो मुर आन दाते रे सु परमप्रभु यावे आ सहर यरूसलेममी बाक्चा ताइबा, दे १० जना मुर आन दाते रे का योव़चा कली फेन्टे आप्तेक्म। अरु ९ जना मुर चहिं अरु बाक्तीकेमी बाक्तेक्म।
2 मुरपुकीमी यरूसलेममी ग्येरशा लाइब नेल्ल आन कली आसीक गेम्तेक्म।
3 गाउं गाउं ङा ठेयब मुर यरूसलेम सहरम बाक्शो बाक्तेक्म। अरु मुरपुकी, चढ़ेबपुकी, लेवीपुकी, परमप्रभु यावे आ खिंमी गेय पाइबपुकी नु सोलोमन आ खिं ङा गेय पाइब आन चच युइ नेल्ल यहूदा ङा सहर सहर, गाउं गाउंम आंम आंम बाक्तीक उइ बाक्चा माल्बाक्तेक्म।
यरूसलेमम बाक्ब यहूदी
4 यरूसलेममी यहूदा नु बेन्यामीन आस थर ङा मुर का निक्शी बाक्शो बाक्तेक्म। यहूदा आ थर ङा मुर सु सु बाक्तेक्म देंशा हना, उज्जीयाह आ तौ अथायाह, मेको उज्जीयाह आ आफ जकरिया बाक्त। जकरिया आ आफ अमारयाह बाक्त। अमारयाह आ आफ शेफत्याह बाक्त। मिनु शेफत्याह आ आफ मा-हालालेल बाक्त। मिनु मेको पेरेस आ चच युइ बाक्तेक्म।
5 मिनु बारुक आ तौ मासेयाह बाक्त। बारुक आ आफ कोल-होजे बाक्त। कोल-होजे आ आफ हाजायाह बाक्त। हाजायाह आ आफ अदायाह बाक्त। अदायाह आ आफ योयारीब बाक्त। योयारीब आ आफ जकरिया बाक्त। मेको शिलो ङा मुर आ खिं ङा मुर बाक्तेक्म।
6 यरूसलेमम बाक्ब पेरेस आ चच युइ नेल्ल पा ४ सहे ६८ जना बोल्यो नु महिंब वोंइश मुर बाक्तेक्म।
यरूसलेमम बाक्ब बेन्यामीनी
7 मिनु बेन्यामीन आ थर ङा मुर सु सु बाक्तेक्म देंशा हना, मेशुल्लाम आ तौ सल्लु बाक्त। मेशुल्लाम आ आफ योएद बाक्त। योएद आ आफ पेदायाह बाक्त। पेदायाह आ आफ कोलायाह बाक्त। कोलायाह आ आफ मासेयाह बाक्त। मासेयाह आ आफ इथीएल बाक्त। इथीएल आ आफ येशायाह बाक्त।
8 मिनु मेको सल्लु आ नोले गब्बाइ नु सल्लाइ बाक्ताक्से। मेको नेल्ल पा ९ सहे २८ जना बाक्तेक्म।
9 जिक्री आ तौ योएल मेको आन कली कोव़ब, ठेयब मुर बाक्त। हास्सेनुआ आ तौ यहूदा योएल नोले सहर ङा ठेयब मुर दुम्शो बाक्त।
यरूसलेमम बाक्ब चढ़ेबपुकी
10 मिनु चढ़ेब सु सु बाक्तेक्म देंशा हना, योयारीब आ तौ येदायाह, याकीन,
11 हिल्कीयाह आ तौ सेरायाह, हिल्कीयाह आ आफ मेशुल्लाम, मेशुल्लाम आ आफ सादोक, सादोक आ आफ मेरायोथ, मेरायोथ आ आफ अहीतुब चढ़ेब बाक्तेक्म। मिनु अहीतुब परमप्रभु आ खिं ङा ठेयब मुर बाक्त। २राजा २५:१८; एज्रा २:२
12 मिनु मेको नु परमप्रभु आ खिंम गेय पाइब लोक्बपुकी ८ सहे २२ जना बाक्तेक्म। मिनु येरोहाम आ तौ अदायाह, येरोहाम आ आफ पेलायाह, पेलायाह आ आफ अम्जी, अम्जी आ आफ जकरिया, जकरिया आ आफ पश्हुर, पश्हुर आ आफ माल्कीयाह बाक्त।
13 मिनु मेको आ लोक्ब आन खिं ङा ठेयब मुरपुकी बाक्तेक्म। मेको नेल्ल पा २४२ जना बाक्तेक्म। मिनु अजारेल आ तौ अमाशै बाक्त। मेको असारेल आ आफ अहजाइ, अहजाइ, आ आफ मेशील्लेमोथ, मेशील्लेमोथ, आ आफ इम्मेर बाक्त।
14 मिनु मेको आन लोक्बपुकी महिंब ठेयब थुं पाइश्शो लडाइ पाइब वोंइश मुर बाक्तेक्म। मेको नेल्ल पा १२८ जना बाक्तेक्म। मेको आन ठेयब मुर हग्गेदोलीम आ तौ जब्दीएल बाक्त।
यरूसलेमम बाक्ब लेवीपुकी
15 लेवीपुकी सु सु बाक्तेक्म देंशा हना, हश्शुब आ तौ शेमायाह, हाश्शुब आ आफ अज्रीकाम, अज्रीकाम आ आफ हशाब्याह, हशाब्याह आ आफ बुन्नी बाक्त।
16 मिनु लेवी आन ठेयब मुरपुकी शब्बेथाइ नु योजाबाद बाक्ताक्स। मेको निक्शी परमप्रभु आ खिं ङा लाङगा माल्शो मारेइ मारेइ गेय पचा कली कोव़ब वोइश्शो बाक्ताक्स।
17 मिनु मीका आ तौ मत्तन्याह बाक्त। मीका आ आफ जब्दी बाक्त। जब्दी आ आफ आसाफ बाक्त। आसाफमी परमप्रभु कली पुंइची ना “गे रिम्शो पाइब ननी” दे ठेयब सेल्शा, कुम्सो पपाइक्ब बाक्त। मेको आसाफ आ नोले ङा शेंब आ लोक्ब बाकबुकीयाह बाक्त। मिनु शम्मुआ आ तौ अब्दा, शम्मुआ आ आफ गालाल, गालाल आ आफ येदुथून बाक्त।
18 मेको सहरम बाक्ब लेवी नेल्ल पा २८४ जना बाक्तेक्म।
लाप्चो खाल पाइबपुकी
19 लाप्चो खाल पाइब सु सु बाक्तेक्म देंशा हना, अक्कुब ताल्मोन नु आन लोक्ब नेल्ल पा सहे का ७२ जना बाक्तेक्म।
20 मिनु लीशो इस्राएली, चढ़ेबपुकी नु लेवीपुकी यहूदा ङा सहरपुकीमी आंम आंम आन बाक्तीकेमी बाक्शो बाक्तेक्म।
21 मिनु परमप्रभु यावे आ खिं ङा गेय पाइबपुकी यरूसलेम सहर ओफेल माइक्तीकेमी बाक्शो बाक्तेक्म। सीहा नु गिश्पा परमप्रभु यावे आ खिं ङा गेय पाइब आन कली कोव़ब बाक्ताक्से।
22 यरूसलेममी बाक्ब लेवी आन कली कोव़ब सु सु बाक्तेक्म देंशा हना, बानी आ तौ उज्जी बाक्त। उज्जी आ आफ हशाब्याह बाक्त। हशाब्याह आ आफ मत्तन्याह बाक्त। मत्तन्याह आ आफ मीका बाक्त। मेको नेल्ले परमप्रभु आ खिंम कुम्सो पाइब शेंब आसाफ आ चच युइ बाक्तेक्म।
23 मिनु पिपमी मेको कुम्सो पाइब आन पर्बम आन नाक्त किंत किंत ङा पतीके आंमान ब्रेक्शा, अरेवा बाक्त। मेको आन कली मार मार गेचा, दे यो ब्रेक्शो बाक्त।
24 मिनु जेराह आ चच युइ रे मेशेजाबेल आ तौ पेथायाह बाक्त। मेको मशेजाबेल आ आफ बाक्त। मिनु जेराह आ आफ यहूदा बाक्त। मेको पेथायाह चहिं मुरपुकीम मार मार माल्नीमी, दे कोव़ब, पिप आ खिंम गेय पाइब बाक्त।
यरूसलेम एर ओंथ ङा गाउं
25 मिनु यहूदा आ थर ङा मुरपुकी का निक्शी आंम आंम आन खिंम नु रूम बाक्शो बाक्तेक्म। मेकोपुकी किरयथ-अरबा नु मेको मेर ङा गाउंपुकी, दीबोन नु मेको मेर ङा गाउंपुकीम, येकाब्सेल सहर नु मेको मेर ङा गाउंपुकीम, यहोसु २०:७
26 येशुआ, मोलादा नु बेथ-पेलेत सहरम,
27 हासार-शुआल, बेयर-शेबा सहर नु मेको मेर ङा गाउंपुकीम,
28 सिकलाग, मेकोनाह सहर नु मेको मेर ङा गाउंपुकीम, यहोसु १५:३१
29 एन-रिम्मोन, सोराह, यरमुथ,
30 जानोह, अदुल्लाम सहर नु मेको मेर ङा गाउंपुकीम, लाकीश नु मेको मेर ङा रूपुकीम नु आजेका नु मेको मेर ङा गाउंपुकीमी बाक्तेक्म। मोपा बेयर-शेबा रे हिन्नोम बेंसी सम्म बाक्शो बाक्तेक्म।
31 बेन्यामीन आ चच युइ गेबा सहर रे मिकमाश, अय्या, बेथेल नु मेको मेर ङा गाउंपुकीम, यहोसु १८:२२
32 अनाथोथ, नोब, अनान्याह,
33 हासोर, रामाह, गित्ताइम,
34 हादीद, सेबोयीम, नेबल्लात
35 लोद नु ओनो सहरमी गेय पाइब आन बाक्तीक सम्म बाक्तेक्म।
36 यहूदामी बाक्ब का निक्शी लेवीपुकी बेन्यामीन थर नु बाक्थ लशो बाक्तेक्म।