ꠀꠟ-ꠎꠛꠥꠞ ১৪
ꠄꠛꠣꠖꠔ-ꠛꠘ꠆ꠖꠦꠉꠤ ꠙꠞꠤꠌꠣꠟꠇꠞ ꠟꠣꠉꠤ: ꠢꠎꠞꠔ ꠖꠣꠃꠖꠞ ꠝꠤꠎꠝꠞ।
1 ꠛꠦꠀꠈꠟꠦ ꠝꠘꠦ ꠝꠘꠦ ꠇꠄ, “ꠀꠟ꠆ꠟꠣ ꠛꠟꠔꠦ ꠇꠦꠃ ꠘꠣꠁ।”
ꠀꠍꠟꠦ ꠔꠣꠞꠣ ꠛꠦꠖꠤꠘ-ꠛꠦꠁꠝꠣꠘ, ꠇꠞꠦꠞ ꠈꠣꠟꠤ ꠎꠊꠁꠘ꠆ꠘ ꠇꠣꠝ,
ꠢꠇ ꠇꠣꠝ ꠇꠞꠦ ꠁꠟꠣ ꠇꠦꠃ ꠘꠣꠁ।
2 ꠀꠞꠡꠦ-ꠀꠎꠤꠝ ꠕꠣꠇꠤ ꠀꠟ꠆ꠟꠣ ꠙꠣꠇꠦ ꠀꠖꠝ ꠎꠣꠔꠤꠞ ꠛꠣꠄ ꠌꠣꠁꠘ,
ꠌꠣꠁꠀ ꠖꠦꠈꠂꠘ, ꠢꠣꠍꠣꠞꠞ ꠀꠈꠟꠖꠣꠞ ꠇꠥꠘꠥ ꠝꠣꠘꠥꠡ ꠀꠍꠦ ꠘꠤ,
ꠀꠟ꠆ꠟꠣꠞ ꠀꠡꠤꠇ-ꠖꠦꠅꠀꠘꠣ ꠇꠦꠃ ꠀꠍꠦ ꠘꠤ।
3 ꠔꠣꠁꠘ ꠖꠦꠈꠟꠣ, ꠢꠇꠟ ꠝꠣꠘꠥꠡ ꠛꠦ-ꠙꠕꠤ ꠅꠁꠉꠦꠍꠦ,
ꠢꠇ꠆ꠇꠟ ꠄꠇꠟꠉꠦ ꠘꠣꠚꠞꠝꠣꠘ ꠛꠘꠤꠉꠦꠍꠦ,
ꠢꠇ ꠇꠣꠝ ꠇꠞꠦ ꠁꠟꠣ ꠇꠦꠃ ꠘꠣꠁ, ꠄꠇꠎꠘꠅ ꠘꠣꠁ।
4 ꠅꠃ ꠛꠎ꠆ꠎꠣꠔ ꠅꠇꠟꠞ ꠝꠣꠎꠦ ꠇꠥꠘꠥ ꠀꠈꠟ ꠘꠣꠁ ꠘꠤ?
ꠝꠣꠘꠡꠦ ꠎꠦꠟꠣ ꠈꠣꠘꠣ-ꠈꠣꠁꠖ꠆ꠖ ꠈꠣꠁꠘ,
ꠔꠣꠞꠣ ꠅꠟꠣ ꠀꠝꠣꠞ ꠛꠘ꠆ꠖꠣꠞꠦ ꠈꠣꠁꠟꠣꠄ,
ꠀꠟ꠆ꠟꠣ ꠝꠣꠛꠥꠖꠞ ꠘꠣꠝꠅ ꠀꠄ ꠘꠣ ꠔꠣꠞꠣꠞ ꠝꠥꠈꠦꠖꠤ।
5 ꠔꠣꠞꠣ ꠒꠞꠞ ꠌꠥꠐꠦ ꠕꠞ-ꠕꠞꠣꠁꠀ ꠇꠣꠙꠤꠛꠣ,
ꠀꠟ꠆ꠟꠣ ꠙꠣꠇ ꠔ ꠔꠣꠘ ꠀꠡꠤꠇꠞ ꠝꠣꠎꠦ ꠛꠡꠔ ꠇꠞꠂꠘ।
6 ꠔꠥꠝꠞꠣꠞ ꠌꠤꠘ꠆ꠔꠣ ꠅꠁꠟ ꠛꠤꠘꠣꠡ ꠇꠞꠣ ꠖꠥꠈꠤ-ꠇꠣꠋꠉꠣꠟꠞ ꠀꠡꠣ-ꠜꠞꠡꠣ,
ꠅꠁꠟꠦ ꠝꠣꠛꠥꠖꠃ ꠔꠣꠞꠣꠞ ꠀꠡꠞꠄ ꠑꠤꠇꠣꠘꠣ।
7 ꠛꠘꠤ ꠁꠍꠞꠣꠁꠟꠞ ꠛꠣꠌꠣꠞ ꠙꠕ ꠍꠤꠅꠘ ꠙꠣꠠ ꠕꠣꠇꠤ ꠟꠣꠝꠤꠀ ꠀꠃꠇ!
ꠝꠣꠛꠥꠖꠦ ꠎꠦꠛꠟꠣ ꠔꠣꠘ ꠙ꠆ꠞꠎꠣ ꠅꠇꠟꠞ ꠢꠣꠟꠔ ꠛꠖꠟꠣꠁꠛꠣ,
ꠁꠀꠇꠥꠛꠞ ꠈꠣꠘ꠆ꠖꠣꠘꠦ ꠅꠃ ꠡꠝꠄ ꠚꠥꠞ꠆ꠔꠤ-ꠀꠝꠥꠖ ꠇꠞꠛꠣ,
ꠛꠘꠤ ꠁꠍꠞꠣꠁꠟꠦ ꠈꠥꠡꠤꠞ ꠡꠥꠇꠥꠞ-ꠉꠥꠎꠣꠞꠤ ꠉꠣꠁꠛꠣ॥