ꠀꠟ-ꠎꠛꠥꠞ ৯৭
1 ꠝꠣꠛꠥꠖꠦ ꠛꠣꠖꠡꠣꠁ ꠇꠞꠂꠘ, ꠖꠥꠘꠤꠀꠄ ꠇꠞꠃꠇ ꠚꠥꠞ꠆ꠔꠤ,
ꠖꠥꠞ-ꠖꠥꠞꠣꠘ꠆ꠔꠞ ꠖꠤꠙ ꠅꠇꠟ ꠅꠃꠇ ꠝꠢꠣ ꠈꠥꠡꠤ।
2 ꠔꠣꠘ ꠌꠣꠁꠞꠅꠛꠣꠄ ꠀꠍꠦ ꠔ ꠉꠁꠘ ꠀꠘ꠆ꠖꠣꠁꠞ ꠀꠞ ꠇꠣꠟꠘꠤ,
ꠔꠣꠘ ꠉꠖꠤꠞ ꠜꠤꠔ ꠅꠁꠟ ꠢꠇ ꠛꠤꠌꠣꠞ ꠀꠞ ꠙꠞꠦꠎꠉꠣꠞꠤ।
3 ꠀꠉꠥꠁꠘ ꠎꠣꠄ ꠔꠣꠘ ꠀꠉꠦ ꠀꠉꠦ,
ꠎꠣꠟꠣꠁꠀ ꠝꠣꠞꠦ ꠔꠣꠘ ꠌꠣꠁꠞꠅ ꠉꠣꠟꠣꠞ ꠖꠥꠡꠝꠘꠞꠦ।
4 ꠔꠣꠘ ꠎꠤꠟꠇꠤꠄ ꠚꠞ ꠅꠁꠎꠣꠄ ꠢꠣꠞꠣ ꠖꠥꠘꠤꠀ,
ꠁꠔꠣ ꠖꠦꠈꠤꠀ ꠀꠡ꠆ꠔꠣ ꠎꠉꠔ ꠃꠑꠦ ꠇꠣꠙꠤꠀ।
5 ꠖꠤꠘ-ꠖꠥꠘꠤꠀꠞ ꠝꠣꠟꠤꠇ ꠀꠟ꠆ꠟꠣꠞ ꠍꠣꠝꠘꠦ,
ꠙꠣꠠ-ꠙꠞꠛꠔ ꠅꠇꠟ ꠝꠝꠞ ꠟꠣꠈꠣꠘ ꠉꠟꠦ।
6 ꠀꠍꠝꠣꠘ ꠅꠇꠟꠦ ꠄꠟꠣꠘ ꠇꠞꠦ ꠔꠣꠘ ꠙꠞꠦꠎꠉꠣꠞꠤ,
ꠢꠇꠟ ꠎꠣꠔꠤꠄ ꠖꠦꠈꠦ ꠔꠣꠘ ꠝꠢꠤꠝꠣꠞ ꠛꠣꠢꠣꠖꠥꠞꠤ।
7 ꠅꠡꠣꠠ ꠖꠦꠛ-ꠖꠦꠛꠤꠞ ꠛꠠꠣꠁ ꠇꠞꠦ ꠎꠣꠞꠣ,
ꠡꠞꠝ-ꠟꠁꠎ꠆ꠎꠣ ꠙꠣꠃꠇ ꠅꠔꠣ ꠝꠥꠞ꠆ꠔꠤ ꠙꠥꠎꠣꠞꠤꠞꠣ,
ꠀꠟ꠆ꠟꠣꠞ ꠍꠣꠝꠘꠦ ꠍꠁꠎꠖꠣ ꠇꠞꠃꠇ ꠅꠃ ꠖꠦꠛ-ꠖꠦꠛꠤꠞꠣ।
8 ꠔꠥꠝꠣꠞ ꠢꠇ ꠛꠤꠌꠣꠞꠞ ꠇꠕꠣ ꠢꠥꠘꠤꠀ ꠍꠤꠅꠘ ꠅꠁꠟ ꠈꠥꠡꠤ,
ꠄꠢꠥꠖꠣ ꠖꠦꠡꠞ ꠉꠣꠃ-ꠉꠦꠞꠣꠝꠦ ꠇꠞꠦꠞ ꠔ ꠚꠥꠞ꠆ꠔꠤ।
9 ꠔꠥꠝꠤ ꠝꠣꠛꠥꠖ ꠔ ꠢꠣꠞꠣ ꠎꠉꠔꠞ ꠃꠙꠞꠀꠟꠣ,
ꠢꠇꠟ ꠖꠦꠛ-ꠖꠦꠛꠤꠞ ꠛꠃꠔ ꠃꠙꠞꠦ ꠔꠥꠝꠣꠞ ꠑꠤꠇꠣꠘꠣ।
10 ꠘꠣꠚꠞꠝꠣꠘꠤꠞꠦ ꠊꠤꠘ꠆ꠘꠣꠅ ꠔꠥꠝꠞꠣ ꠝꠣꠛꠥꠖꠞ ꠀꠡꠤꠇ ꠎꠣꠞꠣ,
ꠀꠟ꠆ꠟꠣꠅꠀꠟꠣꠞ ꠎꠣꠘ ꠛꠣꠌꠣꠁꠘ ꠘꠣꠚꠞꠝꠣꠘꠞ ꠀꠔ ꠕꠣꠇꠤꠀ।
11 ꠙꠞꠦꠎꠉꠣꠞꠞ ꠟꠣꠉꠤ ꠛꠣꠠꠦ ꠘꠥꠞꠞ ꠇꠥꠠꠤ-ꠙꠣꠔꠣ,
ꠈꠣꠐꠤ ꠖꠤꠟꠞ ꠜꠤꠔꠞꠦ ꠔ ꠅꠄ ꠈꠥꠡꠤ-ꠚꠥꠞ꠆ꠔꠤ ꠖꠦꠅꠀ।
12 ꠙꠞꠦꠎꠉꠣꠞ ꠎꠘ ꠚꠥꠞ꠆ꠔꠤ ꠇꠞꠅ ꠝꠣꠛꠥꠖꠞ ꠘꠣꠝꠦ,
ꠔꠣꠘ ꠙꠣꠇ-ꠙꠛꠤꠔ꠆ꠞꠔꠣꠞ ꠉꠥꠘꠉꠣꠘ ꠉꠣꠅ ꠢꠇꠟꠦ॥