ꠀꠟ-ꠎꠛꠥꠞ ৯৮
1 ꠝꠣꠛꠥꠖꠞ ꠘꠣꠝꠦ ꠉꠤꠔ-ꠉꠎꠟ ꠉꠣꠅ ꠘꠄꠀ ꠘꠄꠀ,
ꠔꠣꠁꠘ ꠔ ꠇꠞꠍꠂꠘ ꠔꠣꠁꠎ꠆ꠎꠥꠛꠤ ꠇꠣꠝ ꠎꠔꠔꠣ।
ꠘꠤꠎꠞ ꠒꠣꠁꠘ ꠀꠔꠞ ꠇꠥꠖꠞꠔꠤ ꠛꠟ ꠖꠤꠀ,
ꠇꠞꠍꠂꠘ ꠇꠔ ꠀꠌꠣꠘꠇ ꠎꠄꠅꠞ ꠟꠤꠟꠣ-ꠈꠦꠟꠣ।
2 ꠝꠣꠛꠥꠖ ꠔꠣꠘ ꠃꠖ꠆ꠖꠣꠞ ꠇꠣꠝ ꠎꠣꠘꠣꠁꠍꠂꠘ ꠢꠇꠟꠞꠦ,
ꠔꠣꠘ ꠢꠇ ꠇꠣꠝ ꠖꠦꠈꠣꠁꠍꠂꠘ ꠎꠣꠔꠤ ꠅꠇꠟꠞ ꠌꠈꠥꠞ ꠍꠣꠝꠘꠦ।
3 ꠔꠣꠘ ꠖꠄꠀ-ꠝꠣꠄꠀ ꠀꠞ ꠢꠇ-ꠢꠣꠟꠣꠟꠤ,
ꠁꠀꠖ ꠞꠣꠈꠍꠂꠘ ꠛꠘꠤ ꠁꠍꠞꠣꠁꠟꠞ ꠟꠣꠉꠤ,
ꠖꠦꠈꠤꠍꠦ ꠎꠉꠔꠞ ꠢꠦꠡ ꠡꠤꠝꠣꠘꠣꠞ ꠝꠣꠘꠡꠦ,
ꠀꠝꠞꠣꠞ ꠝꠣꠛꠥꠖꠞ ꠃꠖ꠆ꠖꠣꠞ ꠇꠞꠣ ꠇꠣꠝꠞꠦ।
4 ꠅꠞꠦ ꠎꠉꠔꠛꠣꠡꠤ ꠉꠣꠅ ꠈꠥꠡꠤꠞ ꠉꠣꠘ ꠝꠣꠛꠥꠖꠞ ꠘꠣꠝꠦ,
ꠛꠣꠁꠖ꠆ꠖ-ꠛꠣꠎꠘꠣꠞ ꠔꠣꠟꠦ ꠔꠣꠟꠦ ꠎꠥꠞꠦ ꠎꠥꠞꠦ,
ꠔꠣꠘ ꠉꠥꠘꠉꠣꠘ ꠉꠣꠅ ꠔꠥꠝꠞꠣ ꠛꠠ ꠉꠟꠣꠄ।
5 ꠛꠤꠘꠣ-ꠛꠦꠢꠣꠟꠣ ꠛꠣꠎꠣꠁꠀ ꠔꠣꠟꠦ ꠔꠣꠟꠦ ꠉꠣꠅ ꠉꠣꠘ,
ꠝꠣꠛꠥꠖꠞ ꠔꠣꠞꠤꠚ ꠇꠞꠤ ꠉꠎꠟ-ꠉꠣꠘ ꠉꠣꠅ ꠔꠣꠘ।
6 ꠔꠥꠝꠞꠣ ꠎꠥꠞꠦ ꠎꠥꠞꠦ ꠌꠥꠋꠉꠣ ꠀꠞ ꠡꠤꠋꠉꠣ ꠛꠣꠎꠣꠁꠀ,
ꠀꠟ꠆ꠟꠣ ꠝꠣꠟꠤꠇꠞ ꠍꠣꠝꠘꠦ ꠉꠣꠅ ꠈꠥꠡꠤ ꠇꠞꠤꠀ।
7 ꠔꠣꠘ ꠔꠣꠞꠤꠚꠦ ꠉꠞ꠆ꠎꠤꠀ ꠃꠑꠃꠇ ꠛꠠ ꠉꠟꠣꠄ,
ꠖꠞꠤꠀ ꠀꠞ ꠔꠣꠞ ꠝꠣꠎꠞ ꠢꠇꠟꠔꠣꠄ,
ꠄꠞꠟꠉꠦ ꠚꠥꠞ꠆ꠔꠤ ꠇꠞꠅ ꠎꠉꠔꠞ ꠡꠛ ꠛꠣꠡꠤꠘ꠆ꠖꠣꠄ।
8 ꠉꠣꠋꠉ ꠅꠇꠟꠦ ꠈꠥꠡꠤ ꠇꠞꠅ ꠀꠔꠞ ꠔꠣꠟꠤ ꠖꠤꠀ,
ꠚꠥꠞ꠆ꠔꠤ ꠇꠞꠅ ꠄꠇꠟꠉꠦ ꠙꠣꠠ-ꠙꠞꠛꠔ ꠝꠤꠟꠤꠀ।
9 ꠝꠣꠛꠥꠖꠞ ꠍꠣꠝꠘꠦ ꠉꠣꠅ ꠈꠥꠡꠤꠄ ꠉꠟꠣ ꠚꠣꠐꠣꠁꠀ,
ꠖꠥꠘꠤꠀꠞ ꠛꠤꠌꠣꠞ ꠇꠞꠣꠔ ꠡ꠆ꠛꠄꠅꠋ ꠝꠣꠛꠥꠖ ꠀꠁꠞꠣ,
ꠢꠇ ꠛꠤꠌꠣꠞ ꠇꠞꠛꠣ ꠔꠣꠁꠘ ꠢꠇ-ꠢꠣꠟꠣꠟ ꠞꠁꠀ,
ꠢꠇꠟ ꠎꠣꠔꠤꠞ ꠛꠤꠌꠣꠞ ꠇꠞꠛꠣ ꠢꠇ-ꠁꠘꠍꠣꠚ ꠖꠤꠀ॥