11
Bekazi ba mu Yeruzalemu ni bekazi ba mu mizi inge
1 Pa kyamba, banombozi ba bantu baikeele mu Yeruzalemu. Bange bonse baateele bubale evi basaakulepo lupua lumo pa elia lyanondo lwa kuti luye lwikale mu Yeruzalemu muzi uzuuke, ni elia inge fundi ilikusyalapo, i ya kuya kwikala mu mizi inge.
2 Bantu baapaalile balia bonse baipeele mu kutona kwabo kuya kwikala mu Yeruzalemu.
3 Baba i bakulu ba biputu bya byalo baali baikeele mu Yeruzalemu, Baizraeli bamo, ni babitambua, ni Balawi, ni babombi ba mu Nghanda yakua Leza, pamo ni bena Solomoni baali baikeele mu Yudea kubalua muntu pa nkendo yakue mu mizi ilekenkeene.
4 Inzi bange ba mu mukowa wakua Yuda ni ba mu mukowa wakua Benyamina baile kwikala mu Yeruzalemu.
Baana balalume ba mu mukowa wakua Yuda baile kwikala mu Yeruzalemu ni baba:
Ataia mwina Uzia, Uzia mwina Zakaria, Zakaria mwina Amaria, Amaria mwina Sefatia, Sefatia mwina Mahalaleli, Mahalaleli mwina Peresi.
5 Peresi mwina Maseia, Maseia mwina Baruki, Baruki mwina Koli-Hose, Koli-Hose mwina Hazaia, Hazaia mwina Adaia, Adaia mwina Yoyaribu, Yoyaribu mwina Zakaria, Zakaria mwina Musiloni.
6 Baana balalume bena Peresi baali baikeele mu Yeruzalemu, baali babipami 468.
Ba mu luvyalo lwakua Benyamina ni baba:
7 Salu mwina Mesulamu, Mesulamu mwina Yoedi, Yoedi mwina Pedaia, Pedaia mwina Kolaia, Kolaia mwina Maseia, Maseia mwina Itieli, Itieli mwina Yesaia.
8 Ni pa kyamba kyakue kwaali, Gabai, ni Salai.
Bonse pamo baali balalume 928.
9 Ni Yoeli mwina Sikiri i waali kiloolo wabo, ni Yuda mwina Hesenua i waali kiloolo wa bubili mu muzi.
Babitambua ni baba:
10 Yedaia, mwina Yoyaribu, ni Yakini.
11 Seraia mwina Hilkia, Hilkia mwina Mesulamu, Mesulamu mwina Sadoki, Sadoki mwina Merayoti, Merayoti mwina Ahitubu mukulu wa mu Nghanda yakua Leza,
12 ni ba mu mukowa wabo baali babombela mu Nghanda yakua Leza baali bali balalume 822:
Adaia mwina Yerobohamu, Yerobohamu mwina Pasuri, Pasuri mwina Malkia,
13 ni ba mu mukowa wabo, ni masiiko a basibo, baali 242,
ni Amasai mwina Azarieli, Azarieli mwina Azai, Azai mwina Mesilomoti, Mesilomoti mwina Imeri,
14 ni babipami ba mu mukowa wabo bali ni buvinde, bonse pamo baali 128, ni mulombozi wabo waali Zabdieli mwina Hagedolimu.
Balawi ni baba:
15 Semaia mwina Hasubu, Hasubu mwina Azirikamu, Azirikamu mwina Hasabia, Hasabia mwina Buni.
16 Sebetai, ni Yozabadi, bakulu ba mu mukowa wa Balawi, i baali bakenteleele miilo ya panze pa Nghanda yakua Leza.
17 Ni Matania mwina Mika, Mika mwina Zabudi, Zabudi mwina Asafu, ozu i waali mulombozi wa nghimbo ya kutasia ni mapepo.
Bakubukia i waali wa bubili mu ba kwakue.
Abuda mwina Samua, Samua mwina Galali, Galali mwina Yedutuni.
18 Balawi ba mu muzi uzuuke, bonse pamo baali 284.
Bakalinda ba pa mulyango ni baba:
19 Akubu, Talmoni, ni ba kwabo. Bakalinda ba pa milyango bonse pamo baali balalume 172.
20 Baizraeli bange, ni babitambua, ni Balawi, baali bali mu mizi yonse ya Yudea kubalua muntu mu nkendo yakue.
21 Inzi babombi ba mu Nghanda yakua Leza baali baikeele mu Yeruzalemu ku kapili ka Ofeli balombwelue na Ziha, ni Gisipa.
22 Kabili mwimanizi wa Balawi baali mu Yeruzalemu waali Uzi, mwina Bani, Bani mwina Hasabia, Hasabia mwina Matania, Matania mwina Mika, wa mu mukowa wakua Asafu. Ozu Uzi i waali mulombozi wa bakemba ba mu Nghanda yakua Leza.
23 Paali ni mizilo yaali yabiikilue na likolo ni milao ya kisinka yaali yabiikiilue bakemba, nga mwaali mwabeeleele miilo yabo ya kubalua busiku.
24 Petahia mwana mwalalume mwina Mesezabeli, Mesezabeli mwina Zera, Zera mwina Yuda, i waali wakwasia likolo mu milandu yonse ya bantu.
Bantu ba mu inge mizi ikata ni iniini
25 Bantu bamo basyaile kwikala mu Yeruzalemu, baikeele mu mizi ya mumbali, pepi ni makaba abo. Bangepo pa ba mu mukowa wakua Yuda baikeele ku Kiriati-Araba ni mu mizi ya mumbali, ni mu Diboni ni mu mizi ya mumbali, ni mu Yekabuseli ni mu mizi ya mumbali.
26 Bange ni bo baikeele mu Yeshua, ni mu Molada, ni mu Beti-Peleti,
27 ni mu Hazari-Suali, ni mu Beri-Seba pamo ni mu mizi ya mumbali.
28 Bange ni bo baikeele mu Ziklagi, ni mu Mekoma, ni mu mizi ya mumbali.
29 Bange ni bo baikeele mu Eni-Romoni, ni mu Zora, ni mu Yarmuti.
30 Bange ni bo baikeele mu Zanoa, ni mu Adulamu, ni mu mizi yabo ya mumbali, Lakishi ni makaba a mumbali, Azeka ni mizi ya mumbali. I kulanda nangue Bayuda baikeele mu nkendo ili pa bukata bwa Berseba lya ku nkungulua ni mu lulambe lwa Hinomu lya ku kabanga.
31 Ba mu mukowa wakua Benyamina baafumine ku Geba, baikeele ku Mikimasi, ni ku Aya, ni ku Beteli ni mu mizi ya mumbali.
32 Bange baikeele ku Anatoti, ni ku Nobu, ni ku Anania,
33 ni ku Hazori, ni ku Rama, ni ku Gitaimu,
34 ni ku Hadidi, ni ku Zeboimu, ni ku Nebalati,
35 ni ku Lodi ni ku Ono, ni mu lulambe momo mwaali mwaikala bantu bamanine kukita bintu bilekenkeene.
36 Balawi bange bamo ba ku Yudea, baakuukile ni kuya kwikala pamo ni baana bena Benyamina.