15
Judah Phung Mite Gam Kipe
1 Judah phung sunga chun a insung dungjui cheh a achan diu chu hiti hin akihoppeh in ahi. Zin gammanga Edom gamgi lhanglang chu alhangnung penna gamgi chu ahitai.
2 Chuleh lhanglang gamgi chu lhanglang twikol apat Chitwilen lang chan gei ahin,
3 hiti chun Akrabbim lhanglang ninga achesuh in Zin gam ahopan, Kadesh-barnea lhanglang ning langa akaltouvin, chuleh Hezron ahopan chuleh Adar langa akaltouvin chuleh Karka vel kollang ahopan ahi.
4 Hichea kon chun Azmon lang ajonin achainan Egypt vadung langa achepeh in Mediterranean Twikhanglen chan gei alhungin ahi. Hiche hi amaho lhanglang gamgi chu ahitai.
5 Chutengleh solam gamgichu Chitwilen chan gei akilhung doh in Jordan kom chan geijin achepeh in ahi. Sahlang gamkaiya gamgi chu Jordan vadung ola chun akipanin. Chitwilen achun alonglutnin ahi.
6 Beth-hoglah a kon'in achetouvin Beth-arabah sahlang geijin ache in Bohan songphung geiya chu gamgi akilhungdoh peh in ahi. (Bohan chu Reuben chapa ahi).
7 Hichea patna gamgi chu Achor phaicham apat Debir chan, Gilgal langa chetouva ahi. Hiche hi Adummin kaltouna masang ahi. Gamgi chu En-shemesh twitah geijin achepeh in En-rogel mun'ah akichaijin ahi.
8 Gamgi chun Ben-Hinnom phaicham chu apal galkaijin Jerusalem khopi kitundohna munlang Jebus mite chenna lhangsuh achun akilhungdoh peh in ahi.
9 Hichea kon chun gamgi molsang chungvum'a kon'in ahung kijedoh in, Nephtoah twiputna chan geijin achetoupeh in, hichea kon chun Ephron lhang khopiho chan geijin akilhunglut in ahi. Hichea kon chun Baalah (Hichu Kiriath-jearim akiti’e) a kiheilut ahi.
10 Gamgi chun Baalah lhumlam avellin Seir thinglhang chu ajonlutnin, Jearim Molsang sahlama Kesalon khopi sung ahopan, chuin Beth-shemesh langa akigolsuh in, Timnah lang ajotpaije.
11 Hichea kon chun gamgi chu Ekron sahlang thinglhang chu ajonlutnin hichea kon chun Shikkeron leh Baalah lhanglang ajonin ahi. Hiche ban a chun Jabneel ahopan Mediterranean twikhanglen'ah akichaijin ahi.
12 Lhumlam gamgi chu Mediterranean twikhanglen pangjui chu ahipeh e.
Hiche hi Juda phung bahkaiho gamgi chu ahi.
Caleb Dinga Gam Kipe
13 Pakaijin Judah gambih khat chu Jephunneh chapa Caleb apeh dingin Joshua chu thu apen ahi. Hijeh chun Caleb chu Kiriath-arba (Hebron tina ahi) khopi chu apen ahi. Hiche Hebron hi Anak apu apateu min khat a ana kiminvo ahi.
14 Caleb chun Anak chate Sheshai, Ahiman leh Talmai chilhah hon thum ho chu ana nodoh in ahi.
15 Hichea kon chun Debir khopi (tumasanga chu Kiriath-sepher kiti ahi) a chengte gal kisatpi din ana kontai.
16 Caleb in aseijin, “Koi hileh Kiriath-sepher nokhumna gal'a gajou pen chu ka chanu Acsah akichenpi dinga kapeh ding ahi” ati.
17 Caleb sopipa Kenaz chapa Othniel chun aga joutan ahileh Acsah chu Othniel ji ahung hitai.
18 Acsah in Othniel akichenpi chun amanun apa kom'a loumun khat thum din ajipa chu angeh in ahi. Amanu asangan chunga konna akum lhah chun Caleb in “Ipi nadei ham?” tin ana donge.
19 Amanun aseijin, “Negev a gam khat bon neipeh ahitah leh twinah khat jong nei pehthan” ati. Hiti chun Caleb injong sahlang twinah leh lhanglang twinah khat apen ahi.
Judah Phung Mite Khopi Ho
20 Hiche hi Judah phung bahkai dungjuiya a insung cheh uva achenna diu kipe chu ahi.
21 Judah khopiho chu Edom gamgi chin anoinung penna umho chu: Kabzeel, Eder, Jagur,
22 Kinah, Dimonah, Adadah,
23 Kedesh, Hazor, Ithnan,
24 Ziph, Telem, Bealoth,
25 Hazor-hadattah, Kerioth-hezron (Hichu Hazor tina ),
26 Amam, Shema, Moladah,
27 Hazar-gaddah, Heshmon, Beth-pelet,
28 Hazar-shual, Beersheba, Biziothiah,
29 Baalah, Iim, Ezem,
30 Eltolad, Kesil, Hormah,
31 Ziklag, Madmannah, Sansannah,
32 Lebaoth, Shilhim, Ain chuleh Rimmon–agoma khopi somni le ko chule avel'a khojouse ahi.
33 Lhumlam molbulla um khopi ho chengse jong hi Judah anakipe ho chu ahiuve: Eshtaol, Zorah, Ashnah,
34 Zanoah, En-gannim, Tappuah, Enam,
35 Jarmuth, Adullam, Socoh, Azekah,
36 Shaaraim, Adithaim, Gederah chuleh Gederothaim – khopi som le li toh avel'a khojouse ahi.
37 Hiche tilouvin jong, Zenan, Hadashah, Migdal-gad,
38 Dilean, Mizpeh, Joktheel,
39 Lachish, Bozkath, Eglon,
40 Cabbon, Lahmam, Kitlish,
41 Gederoth, Beth-dagon, Naamah chuleh Makkedah – khopi som le gup le avel'a khojouse jong ahi.
42 Hiche tilouvin jong, Libnah, Ether, Ashan,
43 Iphtah, Ashnah, Nezib,
44 Keilah, Aczib chule Mareshah – khopi ko ho leh avel'a khojouse ahiuve.
45 Judah phung miten atoupha diuva kipe gam ho chu Ekron leh avel'a khoho jong ahopmin ahi.
46 Ekron a kon chun lhumlam gamgi chin geijin akijedoh in Ashdod kom'a khoho jouse jong ahop in ahi.
47 Ashdod vel'a khojouse chule Gaza le asunga khojouse, Egypt vadung leh Mediterranean twikhanglen pang chan gei ahopmin ahi.
48 Judah chan chu noija thinglhang khopiho: Shamir, Jattir, Socoh,
49 Dannah, Kiriath-sannah (Hichu Debir tina),
50 Anab, Eshtemoh, Anim,
51 Goshen, Holon chuleh Giloh – khopi som le khat toh avel'a khoho ahiuve.
52 Chukitleh Arab khopi, Dumah, Eshan,
53 Janim, Beth-tappuah, Aphekah,
54 Humtah, Kiriath-arba (hichu Hebron tina), chuleh Zior – khopi ko leh avel'a khoho ahiuve.
55 Hiche tilou jong chun, Maon, Carmel, Ziph, Juttah,
56 Jezreel, Jokdeam, Zanoah,
57 Kain, Gibeah chuleh Timnah – khopi som leh avel'a kho ho ahiuve
58 Hiche banna jong chun Halhul, Beth-zur, Gedor,
59 Maarath, Beth-anoth chuleh Eltekon – khopi gup leh avel'a khoho ahiuve.
60 Kiriath-baal (Hichu Kiriath-jearim tina ahi) chuleh Rabbah – khopi ni leh avel'a khoho ahiuve.
61 Gamthip gam'a khopiho chun Beth-arabah, Middin, Secacah,
62 Nibshan, Chi khopi len chule En-gedi – khopi gup leh avel'a khoho ahiuve.
63 Ahin Judah phungin Jerusalem a cheng Jebus mite ana nodoh jou pouvin, hijeh chun tuni chan geijin Jebus mite hi Judah te toh acheng khom jingun ahi.