33
Israel te Egypt Akon Ahung Kitol Dan Nungvet Kitna
1 Hiche hi Egypt a konna Israel te Mose leh Aaron lamkaina a ahung kitol nau lampi ahi.
2 Pakai thupeh bangin Mose’n bannei chan ana jihlut in ahi. Hiche ho hi amun kikhel dungjuiya akitol nau, akingahna hou chu ahi.
3 Khal kipattil'in Rameses khopi a konin ahung kitoldoh un—lhamasa pen, nisom le ninga lhinni jingkah Kalchuh Kut masapen kichai ahi. Israel mite chu Egypt mite jouse mitmu tah a hung kitoldoh ahiuve.
4 Hiti chun, Egypt miten achapau peng masa jouseu avuiyun, Pakaiyin janlhah a athau ahi. Pakaijin Egypt pathen ho chunga thutanna lentah aneijin ajou tai!
5 Rameses ahin dalhah jouvun, Israel te Succoth a abusa uvin ahi.
6 Chuin Succoth adlhauvin gamthip chin'a Etham a abusa uvin ahi.
7 Etham mun'a kon'in Baal-zephon gal a Pi-hahiroth lam mano'n akileheiyun, chule Migdol a abusa uvin ahi.
8 Pi-hahiroth adalha uvin chule gamthip gal'a Twipi San agalkaiyun ahi. Chuti chun Etham gamthip noiya nithum sung ahung kitol'un Marah a abusa uvin ahi.
9 Marah a konin Elim a abusa uvin, hiche mun'a chun twinah som-le-ni toh tom phung somsagi aum'in ahi.
10 Elim adalha uvin Twipi San panga abusa uvin ahi.
11 Twipi San pang adalha uvin Sin gamthip noiya abusa uvin ahi.
12 Sin gamthip noi adalha uvin Dophkah a abusa uvin ahi.
13 Dophkah adalha uvin Alush a abusa uvin ahi.
14 Alush adalha uvin Rephedim a abusa uvin, hiche lai mun achun mipi don ding twi aumpon ahi.
15 Rephidim adalha uvin Sinai gamthip noiya abusa uvin ahi.
16 Sinai gamthip adalha uvin Kibroth-hattaavah a abusa uvin ahi.
17 Kibroth-hattaavah adalha uvin Hazeroth a abusa uvin ahi.
18 Hazeroth adalha uvin Rithmah a abusa uvin ahi.
19 Rithmah adalha uvin Rimmon-perez a abusa uvin ahi.
20 Rimmon-perez adalha uvin Libnah a abusa uvin ahi.
21 Libnah adalha uvin Rissah a abusa uvin ahi.
22 Rissah adalha uvin Kehelathah a abusa uvin ahi.
23 Kehelathah adalha uvin Shepher Mol a abusa uvin ahi.
24 Shepher Mol adalha uvin Haradah a abusa uvin ahi.
25 Haradah adalha uvin Makheloth a abusa uvin ahi.
26 Makheloth adalha uvin Tahath a abusa uvin ahi.
27 Tahath adalha uvin Terah a abusa uvin ahi.
28 Terah adalha uvin Mithcah a abusa uvin ahi.
29 Mithcah adalha uvin Hashmonah a abusa uvin ahi.
30 Hashmonah adalha uvin Moseroth a abusa uvin ahi.
31 Moseroth adalha uvin Bene-jaakan a abusa uvin ahi.
32 Bene-jaakan adalha uvin Hor-haggidgad a abusa uvin ahi.
33 Hor-haggidgad adalha uvin Jotbathah a abusa uvin ahi.
34 Jotbathah adalha uvin Abronah a abusa uvin ahi.
35 Abronah adalha uvin Ezion-geber a abusa uvin ahi.
36 Ezion-geber adalha uvin Zin gamthip noiya Kadesh a abusa uvin ahi.
37 Kadesh adalha uvin Edom gamgichin a Hor Molsang a abusa uvin ahi.
38 Hor Molsang aum laiyun, Pakai thupeh bangin Aaron thempu chu molchunga akal touvin, chu achun ama athi tan ahi. Hiche hi nipi laitah ahin, Israel ten Egypt adalhah jou uva lha nga lhinna nikho masapen ni ahi.
39 Hor Molchung’a Aaron athi chun kum 123 alhing tan ahi.
40 Hiche laitah chun Canaan gam a Negev a cheng Canaan mite lengpa Arad chun Israel miten agam ahinnai u thu ajadoh tan ahi.
41 Chuti chun, Israel ten Hor Molsang adalha uvin Zalmonah a abusa uvin ahi.
42 Chuin Zalmonah adalha uvin Punon a abusa uvin ahi.
43 Punon adalha uvin Oboth a abusa uvin ahi.
44 Oboth adalha uvin Moab gamgi a Iye-abarim a abusa uvin ahi.
45 Iye-abarim adalha uvin Dibon-gad a abusa uvin ahi.
46 Dibon-gad adalha uvin Almon-diblathaim a abusa uvin ahi.
47 Almon-diblathaim adalha uvin Nebo Mol kom'a vadung solam mol a abusa uvin ahi.
48 Vadung solam mol adalha uvin Jericho gal, Moab phaicham a Jordan Vadung panga abusa uvin ahi.
49 Jordan vadung pang adalha uvin Moab phaicham a Beth-jeshimoth apat Acacia thinglei chanin abusa uvin ahi.
50 Moab phaicham a Jericho toh kigalsai Jordan vadung pang a abusah laiyun, Pakiajin Mose henga thu aseijin,
51 Israel chate heng’a hiche thupeh ho hi pen: Canaan gam'a Jordan Vadung na galkai teng uleh,
52 chu a cheng miho chu aboncha na nodoh diu ahi. Songa a ki-atdoh lim hihen thih kisongtuiya kisem lim hileh chule a milim hou nau in ho aboncha na suhmang diu ahi.
53 Agamsung khu nalo uva na chen diu ahi, ajeh chu hiche gamsung hi nalo diuva ka pehdoh sau ahitai.
54 Ama phung cheh in chenna ding’a gam hi anei thei ding vangsan na jong na nei diu, phung sung’a mitamte agam jeng jong na keh let peh diu, mi lhom deu phung sung chu agamlo jeng jong neojo hi ding ahi. Thulhuh chaina chu vangsan chu hi ding ahi. Hitia chu, na pului u phung dungjuiya agam chu nakihop diu ahi.
55 Amavang agam sunga cheng te khu na delmang lou uva ahile, namit uva bohhal aningsih hem toh nadiuva ling tobang hi diu ahi. Na chenna gam uva nasugim uva hung pang diu ahi.
56 Chule achung uva bol ding ka tohgon chu nangho chunga kabol ding ahi,” ati.