13
Gim Le Hesoh Pet A Panpi Ngaiya David Taona
La Lamkaipa Dia David Labol
1 O Pakai, phat itih chan gei hi nei suhmil ding hitam?
Itih chan keija kon'a kiselmang ding nahim?
2 Itih chan gei ka lhagao hahsatna hi kathoh a,
asun ajan'a lungkhamna dimset a kaum ding ham?
Itih chan kagal miten hanla eisap khum diu hitam?
3 O Pakai, ka Pathen, hung kiheiyin neihin donbut tan!
Kamit tha kiledoh sah in, achuti louleh kathi ding ahi.
4 “Ama hi kajou tai!” tin
ka melmate hi ka lhuh nin kipasah hihbeh in.
5 Amavang na mingailutna long louva chu kingai jing kahi.
Nei huhdoh jeh a keima kipah jing ding kahi.
6 Keiman Pakai vahchoi lan sang e
ajeh chu Aman kei din thilpha tah eibol peh tai.