14
Mihem Ngolna David In Ahilchet
La Lamkaipa Dia David Labol
1 Mingol'in bou alungthim in,
“Pathen aumpoi” ati.
Amaho hi lepche ngen ahiuvin, chule athilbol ujong adihlou jeng ahin;
khatcha jong thilpha bol aum pouve!
2 Pakaijin van'a kon'in
lei mihemte jouse ahinven;
mikhat tou aching tahbeh um em,
chule Pathen ngaicha a hol'a um em, atin ahi.
3 Hinlah aumpoi, abon'un akiheimang gam tauve;
abonchauva lepche ngen ahiuve.
Koimacha apha aumpoi,
khatcha jong aumpoi!
4 Setna bolten hetna anei lou u hintem?
Amaho hin kamite changlhah bangin aneuvin
Pakai kom'a lah tao ding agel pouve.
5 Amaho hi tijatnan alodim diu ahi,
ajeh chu Pakaijin athua nung ho aumpin ahi.
6 Migilou ten bol gentheija umho tohgon asuhset peh jiuvin,
ahin Pakaijin amite ahuhdoh jingin ahi.
7 Zion molsang a kon'a Israel huhdoh dinga koi hung ding ham?
Pakaijin amite akiledoh sah kit teng,
Jacob in kipana asap phong a, Israel in Pathen athangvah ding ahi.