15
David Labol.
1 Pakai, na intheng sunga kon nangma nahou ding hitam?
Koi ham nalhang thenga na angsunga hunglut ding?
2 Hitobang mi themmona bei thil dih jeng bol,
lungthim theng pum'a thudih jeng seiho.
3 Akam a mi seiset ding nomlou
ahiloule aheng akom chunga thilse bollou
ahiloule aloi agol chunga thilse seinomlou.
4 Chonset kithang-atpi ho theinom louva,
Pakai dihtah a juiho ngaisanga,
chuleh itobangin hahsa jongleh akitepna nitjing ho.
5 Athoi lalouva sumpa homho,
chuleh setna neilouho ahethemlou ho lhemlha a phatchomna sum hollou.
Hitobang miho chu ahinkho uva dingdet jing ding ahiuve.