23
David In Pakaijin A Kelngoi Bangtah A Eichin Ahi Ti.
David Labol.
1 Pakai chu akelngoi keima eiching pa ahi;
keiman lhahsamna nei ponge.
2 Aman hamhing dum lah-lah a kelngoi bangin eikicholdo sahjin;
kiling louhel twiveina pang dungah eipuilei.
3 Pakaijin katha akiledoh sahji.
Amintheng khohsahna jalin,
lamdih lang jenga eipuilen ahi.
4 Thim jinna pen
phaicham palgalkai jongleng,
keima kicha ponge,
ajeh chu nangma naum jinge.
Na tenggol le na moljol chun
nei hongin nei lhamon jinge.
5 Ka melma te masang tah jenga jong
nangin kaneh ding ankong nei luipeh e.
Na phattheina thao ka lujang'ah nei nupeh e.
Kadon ding khon jong phattheina aletset in ahi.
6 Tahbeh in phatna le hepi nan
ka hinkho lhung keiya eijui jing ding,
chuleh keijong tonsotna Pakai insunga
kachen jing ding ahi.