2
Israel Chilhah ho
1 Israel chapa te chu Reuben, Simeon, Levi, Judah, Issachar, Zebulun,
2 Dan, Joseph, Benjamin, Naphtali, Gad, chule Asher ahiuve.
Judah Chilhah ho
3 Judah chun Canaan numei nu Bathshua kitinu a kon'in chapa thum ahingin ahi. Amaho min chu Er, Onan, chule Shelah ahiuve. Achapa apeng masapa Er kitipa hi Pakai mitmun agilou behseh jengin ahileh Pakaijin jong amapa chu athat tai.
4 Judah hin amounu meithainu Tamar chutoh chapa pengkop ni Perez le Zerah chu ahing kit in, hijeh chun Judah hin chapa nga jen aneijin ahi.
5 Perez chapa teni chu Hezron le Hamul ahi lhon'e.
6 Zerah chapa te chu Zimri, Ethan, Heman, Calcol, chule Darda ahiuvin mi nga alhing uve.
7 Carmi ( Zimri son achilhah ) chapa chu Achan ahin, ama hin Pakaiya thet umtah gal thil ana kichom jeh in Israel dinga gimna hin lhut pa chu ahi.
8 Ethan chapa chu Azariah ahi.
Judah Tupa Hezron Apat David Chan
9 Hezron chapa te chu Jerahmeel, Ram, chule Caleb* ahiuve.
10 Ram hin Amminadab ahingin ahi.
Amminadab hin Judah te lamkai, Nahshon ahingin ahi.
11 Nahshon hin Salmon ahingin ahi.
Salmon hin Boaz ahingin ahi.
12 Boaz chun Obed ahingin ahi.
Obed in Jesse ahingin ahi.
13 Jesse chapa apeng masapaen chu Eliab ahin, anina pa Abinadab ahin, athum lhinna pa Shimea ahin,
14 ali lhinna pa chu Nethanel ahin, Raddai chu nga lhinna ahin,
15 Ozem chu achapa gup lhinna ahin, chule asagi lhinna chu David ahitai.
16 Amaho hin sopi numei ni aneiyun amin lhon jong Zeruiah leh Abigail ahi lhon'e. Zeruiah hin chapa thum ahingin, Abishai, Joab, chule Asahel ahiuve.
17 Abigail hin Ishmael mi Jether kitipa chutoh akichengin, chule achapa lhon chu Amasa ahi.
Hezron Chilhah Adang Ho
18 Hezron chapa Caleb jong hin ajinu Azubah kitinu Jerioth khoa minu chutoh chapa phabep ahing lhon'in ahi. Amanu chapa te chu Jesher, Shobab, chule Ardon ahiuvin ahi.
19 Azubah hi athi nungin Caleb in Ephrathah akichenpi in, chule chapa khat Hur kitipa chu ahing lhon'e
20 Hur hin Uri ahingin, Uri in Bezalel ahinge.
21 Hezron hin akum kum somgup jen alhin nungin, Gilead sopinu Makir chanu chu akichenpin ahileh, chapa khat amin Segub kitipa chu ahing lhon'in ahi.
22 Segub hin Gilead gamsunga khopi somni le thum chunga lengvaipoa pang Jair kitipa chu ahingin ahi.
23 (Ahin Geshur le Aram chun Jair ngahmun khopi toh Kenath khopi toh chule akimvel'a kho somgup jen alah tha lhon tai.) Mi hichengse hi Gilead hingpa Makir son achilhah jeng ahiuvin ahi.
24 Hezron chu Caleb-ephrathah ngahmun khopia athi nungin ajinu Abijah chun chapa khat Ashhur kitipa chu ahinpeh in ahi (Tekoa hingpa ahi).
Hezron Chapa Jerahmeel Chilhah Ho
25 Hezron chapa apeng masapen Jerahmeel chapa te chu apeng masapen Ram ahin, Bunah ahin, Oren ahin, Ozem ahin, chule Ahijah ahiuve.
26 Jerahmeel kitipa hin ji chom khat jong aneijin, amin chu Atarah akiti. Amanu hin Onam chu ana hinge.
27 Jerahmeel chapa masapen Ram chapa te chu Maaz, Jamin, chule Eker ahiuve.
28 Onam chapa teni chu Shammai le Jada ahilhon'e. Shammai chapa teni chu Nadab le Abishur ahi lhon'e.
29 Abishur le ajinu Abihail chapa teni chu Ahban leh Molid ahi lhon'e.
30 Nadab chapa teni chu Seled le Appaim ahi lhon'e. Seled chu cha nei louvin athitan,
31 ahin Appaim hin chapa khat amin Ishi kitipa chu aneijin ahi. Ishi chapa chu Sheshan ahi. Sheshan chapa chu Ahlai ahi.
32 Shammai sopipa Jada chapa teni chu Jether le Jonathan ahi lhon'e. Jether hi chanei louvin athi tan,
33 hinlah Jonathan hin chapa ni Peleth le Zaza ahinge.
Mihem hijat hi Jerahmeel son achilhah ahiuve.
34 Sheshan in chapa te aneipon, ahin chanu tampi ahinge. Ama hin Egypt mi pasal khat soh aneijin, amin jong Jarha akiti.
35 Sheshan in hiche asohpa Jarha kitipa hi achanu khat toh akichen sah in ahileh achanun amapa chutoh chapa khat amin Attai kitipa chu ahing lhon'e.
36 Attai hin Nathan ahinge.
Nathan in Zabad ahinge.
37 Zabad hin Ephlal ahinge.
Ephlal chun Obed ahingin ahi.
38 Obed hin Jehu ahinge.
Jehu hin Azariah ahinge.
39 Helez hingpa chu Azariah ahi.
Eleasah hingpa chu Helez ahi.
40 Sismai hingpa chu Eleasah ahi.
Shallum hingpa chu Sismai ahi.
41 Jekamiah hingpa chu Shallum ahi.
Elishama hingpa chu Jekamiah ahi.
Hezron Chapa Caleb Chilhah Ho
42 Jerahmeel sopipa Caleb chapa te lah a Mesha (apeng masapen) chun Ziph ahingin, chule Mareshah hin Hebron ahinge.
43 Hebron chapa te chu Korah, Tappuah, Rekem, chule Shema ahiuve.
44 Shema hin Raham ahingin, Raham hin Jorkeam ahinge. Chule Rekem hin Shammai ana hingin ahi.
45 Shammai chapa chu Maon ahin, chule Maon chun Beth-zur ahingin ahi.
46 Caleb thaikemnu chun Haran, Moza le Gazez ahinge; chule Haran hin Gazez chu ahingin ahi.
47 Jahdai chapa te chu Regem, Jotham, Geshan, Pelet, Ephah, chule Shaaph ahiuvin ahi.
48 Caleb thaikemnu achom khat Maachah kitinu jong chun Sheber le Tirhanah ahingin ahi.
49 Amanu ma-ma hin Shaaph (Madmannah pa) chule Sheva (Macbenah le Gibea pa) ana hingin ahi. Caleb hin chanu khat aneijin amin Achsah akiti.
50 Mihem hijat hi abonchauva Caleb son achilhah jeng ahiuve.
Caleb Chapa Hur Chilhah Ho
Caleb jinu Ephrathah chapa masapen Hur chapa te chu Shobal (Kiriath-Jearim tungdohpa) ahin,
51 Salma (Bethlehem tungdohpa), chule Hareph (Beth-gader tungdohpa) ahiuve.
52 Shobal (Kiriath-Jearim tungdohpa) son achilhah ho chu Haroeh sung kon Manahath mi akeh khat jen toh,
53 chule Kiriath-jearim insung mite Ithir miho ahiuvin, Puth miho ahiuvin, Sumath miho ahiuvin, chule Mishrai miho toh ahiuve; amahoa konna hi Zorah miho le Eshtaol miho hung kondoh ahiuvin ahi.
54 Salma chapa te chu Bethlehem miho ahiuvin, Netophath miho ahiuvin , Atroth-beth-joab miho ahiuvin , adang miho chu Manahath miho leh Zor miho akeh khat jen jong ahiuvin,
55 chule Jabez khoa cheng danthu sun'a pang miho insung mite jong Tirath miho ahiuvin, Shimeath miho hi Sucath miho ahiuve. Recab insung penna Hammath kitipa sung peng ngen ahiuvin, Ken mi jeng ahiuve.