1 CHRONICLES
THUSIMBU KHATNA
1 Chronicles Sung Thu Umdan
1 Chronicles lekhabu akon hin Pathen'in Israel te chunga thil agontoh dan muchet ahi. Hiche lekhabua kon hin Pathen chate ihinau photchetna tampi aum'in ahi. 1 Chronicles lekhabu kipatna lang hi, insung khat thingphung banga kisong Adam in akipan in—hiche hin Pathen dinga lhentum insung khat chule thusim hi akimatna aum sohkeijin ahi. Bung phabep, tichu (Bung 10) sunga hin, Saul lengpan vai ahin hom in, adang bung amoh chengsea hin David lengpa in Israel te dinga abolthei sun abolin, chule achainan David thi thudol aum'in ahi. Bung khat apat bung ko sunga hin Pathen tohgon dungjui’a Israel te agam uva ahung kinungle nau thudol aseijin chule David in atoh ding Israel mite alamkaijin Pathen ahou khom un ahi.
Lekhabu Jihpa Chule Akijih Kum
Judah te chondan toh kilhon'in 1 Chronicles hi Ezra Themgao jih ahi, ti akicheh in ahi.
Hichu 450-400 BC sunga anajih ahi.
Lekhabu Hi Koi Henga Chule Itih Phatlai Thusim Ham?
Israel mipite jouse dinga ana jih ahi. 1 Chronicles hin khanggui thusim akipatna’a pat Babylon aum geiju thudol aseijin ahi. Chule bung som le khat apat achaina chan hi David lengpan lengvai apoh thudol aseijin ahi. David chu ama le ama akingaiton, Pakaijin ama chu Israel chate chunga lenga atundoh mong-mong ahitai ti, ahedoh tan chule ama lenggam chu amite khohsah jal’in akichoi sang lheh jeng tai (14:2).
1
Adam Apat Noah Chapate
1 Adam son le achilhah ho Seth, Enosh;
2 Kenan, Mahalalel, Jared,
3 Enoch, Methuselah, Lamech,
4 Chule Noah.
Noah chate ho * Shem, Ham chule Japheth.
Japheth Chilhah Ho
5 Japheth chilhahho chu Gomer, Magog, Madai, Javan, Tubal, Meshech, chule Tiras ahiuve.
6 Gomer son achilhah ho chu Ashkenaz, Riphath * chule Togarmah ahiuve.
7 Javan son achihlhahho chu Elishah, Tarshish, Kittim chule Rodanim ahiuve.
Ham Chilhah Ho
8 Ham chapa te chu Cush, Mizraim, *Put chule Canaan ahiuve.
9 Cush son achilhah ho chu Seba, Havilah, Sabtah, Raamah, chule Sabteca ahiuve. Raamah chapa teni chu Sheba le Dedan ahi lhon'e.
10 Cush jong hin Nimrod ahingin, Nimrod hi leiset chunga gal-hang masapenin ahung pang tai.
11 Mizraim hin Ludim toh, Anamim toh, Lehabim toh, Naphtuhim toh,
12 Pathrusim toh, Casluhim toh, Caphtorim toh ahingin, amaho hi Philistine hung kondohna chu ahiuve.
13 Canaan chapa tahpen chu Sidon ahin, Sidon chu Sidon mite ahung pen nau bulpi ahung hitai. Canaan in Hit kitipa chu ahingin,
14 Jebus mite, Amor mite, Girgash mite,
15 Hivi mite, Ark mite, Sin mite,
16 Arvad mite, Zemar mite, chule Hamath mite jong ahiuve.
Shem Chilhah Ho
17 Shem chapa te chu Elam, Asshur, Aphaxad, Lud, chule Aram ahiuve.
Aram chapa te chu Uz, Hul, Gether, chule Mash ahiuve.
18 Arphaxad kitipa hin Shelah ahing'e.,
Shelah kitipa hin Eber ahing'e.
19 Eber hin chapa ni ahingin. Chapa masapa chu amin Peleg akiti (hichu “kikhentel” tina ahi); ijeh-inem itileh ama khang laiya leiset mite chu pao le ham chom-chom’a kikhentel anahi. Asopipa min chu Joktan ahi.
20 Joktan hin Almodad, Sheleph, Hazarmaveth, Jerah,
21 Hadoram, Uzal, Diklah,
22 Obal,*Abimael, Sheba,
23 Ophir, Havilah, chule Jobab ahingin ahi. Mi hichengse hi abonchauva Joktan son chilhah jeng ahiuve.
24 Shem son achilhah: Arphaxad, Shelah, *
25 Eber, Peleg, Reu,
26 Serug, Nahor, Terah,
27 chule Abram, ama hi khonunga Abraham kitipa chu ahi.
Abraham Chilhah Ho
28 Abraham chapa teni chu Isaac le Ishmael ahi lhon'e.
29 Akhanggui kisim dan’u chu hiti hi ahiye :
Ishmael chapa te chu Nebaioth ( apeng masapen ), Kedar, Adbeel, Mibsam,
30 Mishma, Dumah, Massa, Hadad, Tema,
31 Jetur, Naphish, chule Kedemah ahiuve. Hichengse hi Ishmael chapa te ahiuve.
32 Abraham thaikemnu Keturah chapa te chu Zimran, Jokshan, Medan, Midian, Ishbak, chule Shuah ahiuvin ahi.
Jokshan chapa teni chu Sheba le Dedan ahi lhon'e.
33 Midian chapa te chu Ephah, Epher, Hanoch, Abida, chule Eldaah ahiuve. Mi hichengse hi Abraham thaikemnu Keturah son achilhah jeng ahiuvin ahi.
Isaac Chilhah Ho
34 Abraham hin Isaac anahingin ahi. Isaac chapa teni chu Esau le Israel* ahi lhon'e.
Esau Chilhah Ho
35 Esau chapa te chu Eliphaz, Reuel, Jeush, Jalam, chule Korah ahiuve.
36 Eliphaz chapa te chu Teman, Omar, Zepho, Gatam, Kenaz chule Amalek ahiuve. Amalek hi Timna sung peng ahi.
37 Reuel son achilhah ho chu Nahath, Zerah, Shammah, chule Mizzah ahiuvin ahi.
Edom Mibul Ho
38 Seir son achilhah ho chu Lotan, Shobal, Zibeon, Anah, Dishon, Ezer, chule Dishan ahiuve.
39 Lotan chapa teni chu Hori le Heman ahi lhon'in, chule Lotan sopinu min chu Timna akiti.
40 Shobal son achilhah ho chu Alvan, *Manahath, Ebal, Shepho,* chule Onam ahiuve.
Zibeon chapa teni chu Aiah le Anah ahi lhon'e.
41 Anah chapa chu Dishon ahi.
Dishon chapa te chu Hemdan, * Eshban, Ithran, chule Keran ahiuve.
42 Ezer chapa te chu Bilhan, Zaavan, chule Akan * ahiuve.
Dishan chapa teni chu Uz le Aran ahi lhon'e.
Edom Vaipoho
43 Israel te chunga mi koima lengvaipoa pang anaum masanga Edom gamsunga lengvaipoa ana pang miho chu leng hichengse hi ahiuve:*
Boer chapa Bela ahin, a leng vaipohna khopi min chu Dinhabah akiti.
44 Bela athi phat in, ama khel’in Bozrah kho a mi Zerah chapa Jobab chun lengvai anapon ahi.
45 Jobab athi kit phat chun, ama khel’in Teman mite gamsunga mi Husham kitipa chun lengvai anapon ahi
46 Husham athi phat in, ama khel’in Moab gamsunga midan sepai te kisatpia jou lengpa Bedad chapa Hadad chun, akhopi min Avith kiti mun a kon chun lengvai anapon ahi.
47 Hadad athi kit phat chun, Masrekah khoa mi Samlah chun ama khel’in lengvai apotai.
48 Samlah athi phat in, ama khel’in luipi dunga cheng Rehoboth khoa mi Shaul kitipa chun lengvai apotan ahi.
49 Shaul thi nungin, ama khel’in Acbor chapa Baal-hanan kitipa chun lengvai apon ahi.
50 Baal-hanan athi kit phat in ama khel’in Hadad chun akhopi min Pau kiti munna kon chun lengvai anapon ahi. Ajinu min chu Mehetabel ahin, Matred chanu chule Me-zahab tunu anahi.
51 Chuti chun Hadad athi tan ahi.
Edom gam'a ahung lamkai ho chu Timna, Alvah,* Jetheth,
52 Oholibamah, Elah, Pinon,
53 Kenaz, Teman, Mibzar,
54 Magdiel, chule Iram ahiuve. Mi hichengse hi Edom gam'a phung lamkai jeng ahiuvin ahi.