24
Thempu Hon Atohdiu Ho
1 Aaron chilhah, thempuho, ahon dungjuijin natoh akihom khen uve. Aaron chapa te chu Nadab, Abihu, Eleazer leh Ethamar ahiuve.
2 Nadab le Abihu hi apa sang'in athimasa lhon'in, chapa jong anei lhon tapoi. Eleazer leh Ithamar chun thempu natoh ahin tongpeh lhon e.
3 Eleazar chapa te lah a Zadok le Ithamar chapa te lah a Ahimelech panpina jal’in David chun ama-ama natoh ding toh kisaijin agoltoh sohkeiyun ahi.
4 Ithamar chapa te sang'in, Eleazar chapa te sunga chun mi upa atam un, hijeh chun Eleazar chapa te lah a chun apu apateu insung lhahdol cheh in, lamkai som le gup alhengdoh un, amaho lamkai nan aum un ahi. Chule Ithamar chapate dingin lamkai miget bou ana lhengdoh un ahi.
5 Akilhengdoh le lamkaija kipansah ho hi kibang chetna vang kisansah ahiuvin, hitia akibolnaa kon chun Eleazar leh Ithamar chapa te lah a kon'in, muntheng a natong vaihom ding leh Pathen natohna vaibol ding tampi kisepdoh ahi.
6 Nethanel kiti Levi mi Shemiah hi danthu them ahin, amaho chengse chu lengpa le milen milalte angsung, Zadok thempupa angsung le Abiathar chapa Ahimelech angsung le thempu ho chule Levi miho, apu apa teuva pat phung upa chengse lekha in ajihlut tan ahi; ajeh chu pa khang khat lhahse chu Eleazar insunga kon kilhengdoh ahin, chule pa khang khat lhah chengse ma chu Ithamar insunga dia kilhengdoh ahi.
7 Vang kisan masapen chu Jehoiarib chunga achun ahi.
Anina chu Jedaiah chunga achun ahi.
8 Thumna chu Harim chunga achun ahi.
Lina chu Seorim chunga achun ahi.
9 Ngana chu Malkijah chunga achun ahi.
Gupna chu Mijamin chunga achun ahi.
10 Sagina chu Hakkoz chunga achun ahi.
Gietna chu Abijah chunga achun ahi.
11 Kona chu Jeshua chunga achun ahi.
Somna chu Shecaniah chunga achun ahi.
12 Som le khatna chu Eliashib chunga achun ahi.
Som le nina chu Jakim chunga achun ahi.
13 Som le thumna chu Huppah chunga achun ahi.
Som le lina chu Jeshebeab chunga achun ahi.,
14 Som le ngana chu Bilgah chunga achun ahi.
Som le gupna chu Immer chunga achun ahi.
15 Som le sagina chu Hezir chunga achun ahi.
Som le gietna chu Happizzez chunga achun ahi.
16 Som le kona chu Pethahiah chunga achun ahi.
Somni na chu Jehezkel chunga achun ahi.
17 Somni le khatna chu Jakin chunga achun ahi.
Somni le nina chu Gamul chunga achun ahi.
18 Somni le thumna chu Delaiah chunga achun ahi.
Somni le lina chu Maaziah chunga achun ahi.
19 Amaho chengse hi akipansahna cheh uvin, natoh ding anei cheh un, Pathen Hou-In sung ahung lut phat uleh, Pakai, Israel Pathen'in apupau Aaron thu anapeh bang leh, Aaron in amaho chengse toh ding agontoh bangin atoh diuva kilom cheng chu atong jiuvin ahi.
Levi Mite Insung Lamkaiho
20 Hiche ho hi Levi insung khailhah a insung lamkai ho chu ahiuve:
Amram chilhah a kon, alamkai chu Shubael ahi.
Shubael chilhah a kon, alamkai chu Jehdeiah ahi.
21 Rehabiah chilhah a kon, alamkai chu Isshiah ahi.
22 Izhar chilhah a kon, alamkai chu Shelomith ahi.
Shelomith chilhah a kon, alamkai chu Jahath ahi.
23 Hebron chilhah a kon, Jeriah chu alamkai ahin, ani channa pa chu Amariah ahin, athum channa pa chu Jahaziel ahin, ali channa pa chu Jekameam ahi.
24 Uzziel chilhah a kon, alamkai chu Micah ahi.
Micah chilhah a kon, alamkai chu Shamir ahin.
25 Micah sopipa chu Isshiah ahi.
Isshiah chilhah a kon, alamkai chu Zechariah ahi.
26 Merari chilhah a kon, alamkai chu Mahli le Mushi ahilhon e.
Jaaziah chilhah a kon, alamkai chu Beno ahi.
27 Merari chilhah chu Jaaziah chan a alamkai ho chu Beno, Shoham, Zaccur le Ibri ahiuve.
28 Mahil chilhah a kon, alamkai chu Eleazar ahin, amapa hin chapa ana hing tapoi.
29 Kish chilhah a kon, alamkai chu Jerahmeel ahi.
30 Mushi chilhah a kon, alamkai chu Mahli, Eder chule Jerimoth ahiuve.
Amaho chengse hi Levi mitea kon chapa, apu apateu lhah’a ama insung cheh’a kon kisimdoh ahiuve.
31 Aaron chilhah bangin, akum ahilouleh apanmun dungjuiyun vang asangun toh ding akipeuvin ahi. Vang sanna hi Lengpa David, Zadok, Ahimelech, chule thempu ho le Levi te insung lamkai ho umna a kibol ahi.