101
Liurai nia promesa ba Nai Maromak
Salmu David nian.
1 NAI Maromak, hau sei kanta kona ba domin ho justisa;
hau sei hananu hahii Ita Boot.
2 Hau sei kuidadu hau nia aan hodi moris tuir dalan loos.
Bainhira mak Ita Boot atu mai?
Hau sei moris ho laran moos
iha hau nia uma laran.
3 Hau sei la tau buat aat iha hau nia oin;
hau hakribi buat nebee ema fiar-laek sira halo;
hau sei la hola parte iha sira nia hahalok.
4 Hau sei hadook aan husi ema nebee hanoin kleuk;
hau sei la partisipa iha buat aat saida deit.
5 Ema nebee mak hatete aat nia maluk iha kotu-kotuk,
hau sei halo nia mohu;
see-see deit mak foti aan no gaba aan,
hau la tolera.
6 Hau nia matan sei fihir ema nebee foo laran ba Maromak iha rai nee,
atu sira hela hamutuk ho hau;
ema nebee moris tuir dalan loos
sei serbi hau.
7 Lohi door sira sei la hela iha hau nia uma;
bosok-teen sira sei la hamriik iha hau nia oin.
8 Dadeer-dadeer hau sei halo mohu tiha
ema aat hotu-hotu iha rai nee;
ema nebee gosta halo buat aat,
hau sei halakon tiha husi NAI Maromak nia sidade.