121
Nai Maromak kuidadu Nia povu
Kantiku peregrinasaun nian.
1 Hau foti matan hateke ba foho;
hau atu hetan tulun husi nebee?
2 Hau hetan tulun husi NAI Maromak,
Ida nebee halo lalehan ho rai.
3 Nia sei la husik o nia ain sidi;
Ida nebee tau matan ba o sei la dukur.
4 Tebes duni, Ida nebee tau matan ba Israel nee,
Nia matan sei la dukur, Nia matan moos hela deit.
5 NAI Maromak tau matan ba o;
NAI iha hela o nia sorin loos hodi foo mahon ba o.
6 Loromatan meudia nian sei la halo o terus;
fulan iha kalan mos lae.
7 NAI Maromak sei kuidadu o husi buat aat hotu-hotu;
Nia sei tau matan ba o nia moris.
8 NAI sei kuidadu o bainhira o sai husi uma no fila fali ba uma,
agora too tinan ba tinan.