130
Laran metin hodi hein Nai Maromak nia tulun
Kantiku peregrinasaun nian.
1 NAI Maromak, hau iha hela susar boot laran,
nee mak hau halerik husu tulun ba Ita Boot.
2 Nai, rona hau nia lian ba;
see tilun ba hau nia harohan.
3 NAI Maromak, se karik Ita Boot hanoin nafatin ami nia sala,
Nai, see mak bele aguenta?
4 Maibee Ita Boot foo perdaun,
atu ami bele hamtauk Ita Boot.
5 Hau laran metin hodi hein NAI Maromak;
hau nia aan tomak hein hela Nia;
hau konfia Nia liafuan.
6 Hau laran metin hodi hein Nai Maromak,
liu fali ema seguransa hein loro matan sae;
liu fali ema seguransa hein atu rai loron lalais.
7 Israel, laran metin ba NAI Maromak ba,
tanba NAI nia domin rohan-laek,
no Nia gosta teb-tebes atu salva ita.
8 Nia rasik sei halo ema Israel livre
husi sira nia sala hotu.