129
Orasaun hasoru inimigu
Kantiku peregrinasaun nian.
1 “Hau nia inimigu sira hanehan hau husi joven kedas.”
Israel oan sira hatete tuir ba:
2 “Hau nia inimigu sira hanehan hau husi joven kedas,
maibee sira nunka manaan hau.
3 Sira taa hau nia kotuk too kanek todan,
hanesan fali toos nain taa rai.
4 Maibee NAI Maromak sempre halo buat nebee loos;
ema aat nia talin nebee futu hau, Nia hakotu tiha.”
5 Hau harohan atu Siaun nia inimigu sira hotu
hakiduk ho moe.
6 Husik sira sai hanesan duut nebee moris iha uma kakuluk;
foin tubun, namlaik tiha ona.
7 La iha ema ida mak interese atu tesi duut nee;
la iha ida mak hakarak atu futu hamutuk.
8 Hau hein katak ema nebee liu husi nebaa nunka kumprimenta sira dehan,
“NAI Maromak nia bensaun hela ho imi;
ami foo bensaun ba imi hodi NAI nia naran.”