128
Bensaun ba ema nebee hamtauk Nai Maromak
Kantiku peregrinasaun nian.
1 Ema nebee hamtauk NAI Maromak
hodi lao tuir Nia dalan, ema nee hetan ksolok.
2 O sei haan husi o nia kosar been rasik;
o sei hetan bensaun no moris diak.
3 O nia feen sei hanesan ai uvas nebee foo fuan barak iha o nia uma;
o nia oan sira sei hanesan ai oliveira dikin hodi haleu o nia meza.
4 Loos duni, ema nebee hamtauk NAI Maromak,
sei hetan bensaun nunee.
5 Hau harohan atu NAI Maromak foo bensaun ba o husi Siaun;
hau harohan atu o haree Jerusalém moris diak
iha o nia vida tomak.
6 Hau harohan atu o moris too haree o nia bei-oan sira.
Pas ho hakmatek ba Israel!