127
Nai Maromak mak buat diak hotu nia huun
Kantiku peregrinasaun husi Salomão.
1 Se karik NAI Maromak la harii uma,
badaen uma nian servisu saugati.
Se karik NAI la foo seguransa ba sidade,
ema nebee kontrola sidade servisu saugati deit.
2 Imi nebee hadeer molok rai huun mutin
hodi servisu haluha aan too fali kalan boot
atu buka moris, imi servisu saugati deit,
tanba NAI foo deskansa ba ema nebee Nia hadomi.
3 Oan sira hanesan riku-soin husi NAI Maromak;
sira nee prezenti nebee Nia foo.
4 Oan mane nebee moris bainhira nia aman sei joven,
sira hanesan rama oan iha funu nain nia liman laran.
5 Ema nebee iha rama oan barak,
ema nee hetan ksolok.
Bainhira nia koalia hasoru nia inimigu sira iha fatin tesi lia nian,
nia sei la moe leet.