126
Orasaun atu Nai Maromak hadia fali povu nia moris
Kantiku peregrinasaun nian.
1 Uluk NAI Maromak hadia fila fali povu Siaun nia moris,
ita senti ida nee mehi deit.
2 Iha tempu nebaa ita nia ibun nakonu ho hamnasa;
ita nia nanaal hananu haksolok.
Ema husi nasaun sel-seluk dehan,
“NAI halo tiha buat boot ba sira.”
3 Loos duni, iha tempu nebaa NAI halo duni buat boot ba ita,
nunee ita haksolok.
4 NAI, agora hadia fali ami nia moris ba,
hanesan bee suli hodi haburas rai fuik maran Negebe.
5 Ema nebee kuda fini ho matan been,
too tempu kolheta sei hananu haksolok.
6 Ema nebee tanis tuir dalan
bainhira lori fini atu kuda iha toos,
sira sei lori rezultadu toos nian ba uma
hodi hananu ho haksolok.