125
Hakmatek Tanba Nai Maromak foo mahon
Kantiku peregrinasaun nian.
1 Ema nebee laran metin ba NAI Maromak, sira hanesan foho Siaun;
sira nunka atu nakdoko, sira metin nafatin ba nafatin.
2 Hanesan foho haleu Jerusalém,
nunee mos NAI Maromak haleu Nia povu
agora too tinan ba tinan.
3 Nai ulun laran aat ukun iha ema moris loos nia rain,
sira nia ukun sei la dura;
se lae keta halo be ema moris loos lolo sira nia liman
hodi halo fali buat aat.
4 NAI, halo diak ba ema nebee diak;
foo bensaun ba ema nebee laran moos.
5 Maibee ema nebee tuir fali dalan kleuk,
NAI sei soe sai hamutuk ho ema nebee hahalok aat.
Pas ho hakmatek ba Israel!