3
Orasaun husu tulun iha tempu susar
Salmu David nian, bainhira nia halai sees husi nia oan Absalão.
1 NAI Maromak, hau nia inimigu barak loos;
iha ema barak hamriik kontra hau!
2 Ema barak koalia kona ba hau dehan,
“Maromak sei la salva nia.”
3 Maibee NAI, Ita Boot defende hau;
Ita Boot tane aas hau no foti sae hau nia ulun.
4 Hau bolu NAI Maromak;
husi Nia foho santu Nia hataan hau.
5 Hau toba hakmatek no hadeer fali ho diak,
tanba NAI kuidadu hau.
6 Hau la tauk hau nia inimigu rihun ba rihun
nebee asalta hau husi sor-sorin.
7 NAI, hamriik ba;
hau nia Maromak, mai salva hau ba!
Tuku tiha hau nia inimigu sira nia hasan;
halo tohar tiha ema aat sira nia nehan.
8 NAI Maromak, salvasaun mai husi Ita Boot.
Foo bensaun ba Ita Boot nia povu.