54
Orasaun husu Nai Maromak proteje
Salmu David nian, bainhira ema Zifi sira baa kesar ba Saul dehan, “David subar hela iha ami nia leet.” Salmu nee para hanorin ema. Akompanha ho viola. Ba dirijenti koru.
1 Maromak, hodi Ita Boot nia naran salva hau ba;
hodi Ita Boot nia kbiit foo justisa mai hau.
2 Maromak, rona hau nia orasaun;
see tilun ba hau nia lia fuan.
3 Ema foti aan sira mai hodi ataka hau;
ema laran aat hakarak hasai hau nia vida;
sira la interese Maromak.
4 Maibee Maromak mak ajuda hau;
Nai Maromak sempre kuidadu hau.
5 Husik hau nia inimigu sira nia hahalok aat fila fali ba sira;
harahun tiha sira, tanba Ita Boot sempre halo buat nebee loos.
6 NAI Maromak, ho laran tomak hau sei oferese sakrifisiu ba Ita Boot;
hau sei hahii Ita Boot nia naran, tanba Ita Boot nee diak.
7 Ita Boot salva tiha ona hau husi susar laran;
hau nia matan haree tiha ona hau nia inimigu sira lakon.