6
Suŋuuŋ to ŋeer tau moroghooŋ tiina ighamu
Mbouŋ to David
Ŋeer tau imuuŋ pa mbouŋ na, aat isaav pa tamtamon to tirav gita ve timbou mbouŋ tane
O Yoova, uyaon ghau toman atem yavyav sov.
Ve isaav ighe yo ughur pataŋani iŋarui ghau to upaduduuŋ ghau,
na ughamu toman atem yavyav kat sov. *
 
Yoova, yau besooŋa tsio. Lolom isaghatin ghau ve uul ghau lak!
Pa tapirig isov wa.
O Maaron, ugham ghau tinig poia.
Pa tuag isov iyavyav.
 
Yoova, lolog ipataŋan kat.
Pale upul ghau tauvene ila ila le ŋeez o isov?
 
Yoova, yo lolom isaghav tamtamon tsio ariaaŋ ve uluul zi.
Tauvene matam iŋgal ghau muul, ve upas ghau navot pa pataŋani tane.
Ugham mulin ghau lak.
 
Pa mateegha irau matazi iŋgal ghom muul mako.
Sei ta pale ighengheen ila naal ve ipait ghom? Mako. *
 
Yau nayakyak le tapirig isov.
Mboŋ ta naol ne, nataŋtaŋ le matag suuru ipot ila moogh tsiau.
 
Lolog ipataŋan kat ve nataŋ tiina le matag isarsar.
Pasaa, koiagŋa katini.
 
Yam zeran tau aghamgham ŋgar sasaghati na, asov aghau payau!
Pa taŋiiz tsiau, Yoova ilooŋa wa.
 
Yau nataŋ rarai Yoova pa uleeŋ, ve i ilooŋ suŋuuŋ tsiau.
Ghasoniiŋ tsiau, i aat iyok pani.
 
10 Pale igham koiagŋa tisov tiroi tiina ve mayazi.
Yes pale tivaghamgham, ve titoor zi rekia mon, ve titud mon ve tila.
* 6:1 Mbo 38:1 * 6:5 Mbo 30:9, 88:10+