49
Yakobo natunatuna i wenevakukusisiya eketa kasi sawanuwagabubu nenei, i iyavisiya ibasima yawane sina kikinomana nenesiyai. Eketa Yuda nenei o nofemaise i bwaduwa.
Yakobo Yuda I Sawanuwagabubuwiya
8 “Yuda, unaunau sina daviwa
keta sina koduwa neneweu.
Ka aviya kuna gikayusiya keta kuna vatanisiya.
9 O Yuda, kwaḡa maise naiyoni mwanavauna,
kimoki mani yomuyomu kuna fiwanateweisiya keta kuna visimeisiya.
Naki naiyoni maise, tovanama ina gevagevamunuwa muninei yo ina makaviniya ina ketosebaḡa,
atu aitevana simo fatafatana yo ina vikasanegwanegwai?
Naki mukamokena!
10 Tufomu yana visime kana kiwana Yuda nimanei ina fakwa
keta susukwana o tova kana matatafu sina vivitovisimeya
kana nivaniva tonikiwana ina nemiya.
Nokomai kunuma matatafusi sina vimogumoguwiya.”
33 Tovanama Yakobo natunatuna nenesiyai i nusifufukooḡa, i sioviniya keta i kenofana. Tovanama nenei yawasina i tununoviya keta i vidawana.
Yakobo Itifita i fakwa manamana 17, eketa manamana kana vikatutamokeina na yawasina i fakwa o 147.