6
Bada Isaiah i ḡorei da ina viperoveta.
1 Madeḡana gulau Uziah i ʼraḡe, tau Bada a inanai. Tauna ana au anikiala, au aidamo telarana i kiakiala ma ana gara adana tempol i vioai.
2 Au ririvana lamna Seraph ruaḡa. Tagotagogi ava papei six; papena ruaḡei naoi i purui, ruaḡei aei i purui ma ruaḡei, i lavelave.
3 Ma tauiava i viḡoreḡore vivira;
“Vivivirem, vivivirem, vivivirem tam Bada, Vivirewapanana;
Dobu anatapuna am boruma i oai.”
4 Ponai gugurana tempol tuatuana i gui ma bau tempol i vioai.
5 Ma a riwa, “Aio! A kauana-boai! Babani apoapoei gamou i vimiramirai, ma rava gamoi miramirai au poui a mamae, wate matauei gulau, Bada vivirewapana kaukauana a inanai.”
6 Ma seraph tagogi incense aniapuna au tepana ai moniana i kavini ma i lavenei awariu.
7 Ma ai monianei gamou i vodadani ma i riwa, “Ma inanai, wei ipirim i vodadani; am apoapoe vinimalana i vaitawanei ma am ḡoʼapoapoe i notatawanei.”
8 Anina ma Bada ponana a nonori i riwa i pa, “Aiai ana paritawanei? Aiai aubaita ina nae?”
Ma a riwa a pa, “Tau weka. Ma paritawaneu!”