7
Imanuel ana mataira.
10 Muriai, Bada, gulau Ahaz i riwana-melei i pa,
11 “Bada am God ma vibaḡai da mataira piripirina, doa au ipu dewadewana, irairaḡei ai au animae bo mara au tepa dewadewana, ina viatataiem.”
12 Wate Ahaz i paribelei, “Tau eḡa Bada ana vibaḡai mataira aubaina. Eḡa ata ḡoei da Bada ana raudadani.”
13 Ma Isaiah i riwa i pa, “Gulau David ana epaepaia, ona rautaniḡana kaua! Taumi ami orapotei rava orai o vivibadoi ma marina o ḡoei da kauana tagogina ona kauei Bada awarina bo?
14 Lamna aubaina Bada ainelana mataira ina viatataiemi: Matatapu ina duama ma tevera orotona ina ḡuni ma ina viwavai Imanuel.” Wei anona God tauta maiteni.