1 سِقِكَيٍ نَشَ سِفَ سْلُ يِرٍ، عٍ سَ عَ قَلَ عَ بّ، عَ دَوُدَ نْشُنشِ شَكِلَ فٍيَيٍ قَرِ فبٍنفبٍرٍنيِ يَ رَ. 2 سْلُ نَشَ عِسِرَيِلَ سْورِ قَنيِ وُلُ سَشَن شَنِن سِقِ فبٍنفبٍرٍنيِ مَ دَوُدَ قٍندٍ. 3 عٍ نَشَ يٌنكِن شَكِلَ فٍيَيٍ يِرٍ، فبٍنفبٍرٍنيِ يَ رَ كِرَ دّ رَ. دَوُدَ تَن نُ نَ فبٍنفبٍرٍنيِ مَ. عَ تٌ عَ مّ عَ سْلُ نَ عَ قٍنقٍ فبٍنفبٍرٍنيِ مَ، 4 عَ نَشَ قٍ رَبّنيِيٍ شّي. نَ كُي عَ نَشَ عَ كٌلٌن عَ سْلُ بَرَ قَ. 5 نَ تّمُي، دَوُدَ نَشَ سِفَ سْلُ يٌنكِندٍ. عَ نَشَ يِرٍ تٌ سْلُ نُن عَ شَ سْورِيٍ شُنيِ عَبٍنٍرِ، نٍرِ شَ دِ، نُ شِقٍ دّننَشّ عٍ شَ سْورِيٍ تَفِ.

6 دَوُدَ نَشَ عَشِمٍلٍكِ شِتِكَ نُن سٍرُيَ شَ دِ عَبِسَيِ، يٌوَبَ شُنيَ، مَشْرِن، «ندٍ ﭑ مَتِمَ سْلُ يِرٍ؟» عَبِسَيِ نَشَ عَ يَابِ، «ﭑ تَن.» 7 دَوُدَ نُن عَبِسَيِ نَشَ فٌرٌ حَمَ يِرٍ كْي رَ. سْلُ نُ سَشِ حَمَ تَفِ، عَ نَ شِقٍ، عَ شَ تَنبّ سْرْنشِ عَ شُن سَدٍ رَ. عَبٍنٍرِ نُن حَمَ بِرِن سَشِ عَ رَبِلِنيِ. 8 عَبِسَيِ نَشَ عَ قَلَ دَوُدَ بّ، «عَلَ بَرَ عِ يَشُي سَ عِ بّلّشّ تٌ. عَ لُ ﭑ تَن شَ عَ بَنبَن بْشِ مَ ﭑ مَ تَنبّ رَ سَنمَيَ كٍرٍن. عَ مُ قِندِ مَ قِرِن نَ!» 9 كْنْ دَوُدَ نَشَ عَ قَلَ عَبِسَيِ بّ، «عِ نَشَ عَ قَشَ! ندٍ نْمَ عَلَتَلَ شَ مِشِ سُفَندِشِ قَشَدٍ، نَ يُنُبِ مُ قَ لُ عَ شُن مَ؟ 10 ﭑ بَرَ عَ قَلَ عِ بّ عَلَتَلَ شِلِ رَ، عَلَتَلَ نَن كٍرٍن نْمَ عَ قَشَدٍ، عَ شَ سِمَيَ كَمَلِمَ تّمُي نَشّ، شَ نَ مُ فٍرٍ ندٍ كُي. 11 عَلَتَلَ شَ ﭑ نَتَنفَ ﭑ بّلّشّ سَقٍ رَ عَلَتَلَ شَ مِشِ سُفَندِشِ مَ! عَ شَ تَنبّ نُن عَ شَ يٍ كُندِ تٌنفٌ تُن، وٌن شّي.» 12 نَ كِ دَوُدَ نَشَ سْلُ شَ تَنبّ نُن عَ شَ يٍ كُندِ شَنِن، مِشِ يٌ مُ عٍ تٌ، مِشِ يٌ مُ نَ قٍ كٌلٌن، مِشِ يٌ مُ شُنُ. عَلَتَلَ نُ بَرَ شِ شْلِ تِلِنشِ رَدَنفِ عٍ بِرِن مَ.

13 دَوُدَ نَشَ دَنفِ بٌورٍ سّيتِ مَ يِرٍ مَكُيَشِ، عَ سَ تِ فٍيَ شُن تَفِ. 14 دَوُدَ نَشَ عَ شُي رَ مِنِ حَمَ نُن نٍرِ شَ دِ عَبٍنٍرِ مَ، عَ نَشّ، «عَبٍنٍرِ، عِ مُ ﭑ شُي رَتِنمَ؟» عَبٍنٍرِ نَشَ عَ مَشْرِن، «ندٍ نَ عِ رَ، نَشَن فبٍلٍفبٍلٍقٍ مَنفّ رَ يِ كِ؟» 15 دَوُدَ نَشَ عَ قَلَ عَبٍنٍرِ بّ، «شّمّ فبَنفبَلَنيِ مُ عِ رَ، نَشَن مَنِيّ مُ نَ عِسِرَيِلَ؟ ثٍ، مُنقٍ رَ عِ مُ قَ عِ شَ مَنفّ كَنتَ، عِ مَرِفِ؟ مِشِ ندٍ سٌ نّ وٌ تَفِ عَ شَ مَنفّ قَشَ. 16 عِ نَشَن نَبَشِ نَ كِ، نَ مُ قَن. ﭑ شَ عَ قَلَ عِ بّ عَلَتَلَ شِلِ رَ، عَ لَن نّ عِ شَ قَشَ، عِ تٌ مُ وٌ شَ مَنفّ كَنتَشِ، عَلَتَلَ شَ مِشِ سُفَندِشِ. عَ مَتٌ بَ، مَنفّ شَ تَنبّ نُن عَ شَ يٍ كُندِ نَ مِندٍن، نَشٍيٍ نُ نَ عَ شُن سَدٍ رَ؟»

17 سْلُ نَشَ دَوُدَ شُي كٌلٌن، عَ نَشَ عَ مَشْرِن، «ﭑ مَ دِ دَوُدَ، عِ شُي نَن نَ كِ؟» دَوُدَ نَشَ عَ يَابِ، «ﭑ مَرِفِ، ﭑ تَن نَن عَ رَ. 18 مُنقٍ رَ عِ نَ بِرَقٍ ﭑ تَن عِ شَ كٌنيِ قْشْ رَ؟ ﭑ مُنسٍ رَبَشِ، نَشَن مُ رَقَن عِ مَ؟ 19 يَكْسِ، ﭑ مَرِفِ، عِ تُلِ مَتِ ﭑ نَ. شَ عَلَتَلَ نَن عِ بْحّ رَتٍشِ ﭑ مَ، عِ شَ سّرّشّ ندٍ بَ عَلَكٌ عَ شَ دِحّ ﭑ مَ. كْنْ شَ مِشِيٍ نَن عِ بْحّ رَتٍشِ ﭑ مَ، عَلَتَلَ شَ عٍ دَنكَ، بَرِ مَ عٍ وَ مَ ﭑ كٍرِقٍ عَلَتَلَ شَ حَمَ يَ مَ، ﭑ شَ سِفَ عَلَ فبّتّيٍ بَتُدٍ. 20 ﭑ مُ وَ مَ قَشَقٍ يِرٍ نَشَن مَكُيَ عَلَتَلَ يَ تٌدٍ رَ. عَ لُشِ عَلْ عِ تَن عِسِرَيِلَ مَنفّ نَ دٌندٌلِ دِ ندٍ نَن فٍرٍقٍ، عَلْ عِ نَ شْنِ شُنشُرِ دِ ندٍ نَن قٍنقٍ فٍيَ مَ.»

21 سْلُ نَشَ عَ يَابِ، «ﭑ بَرَ هَاكّ سْتْ عِ رَ. دِحّ، ﭑ مَ دِ دَوُدَ، ﭑ مُ قٍ حَاشِ يٌ رَبَمَ عِ رَ سْنْن، بَرِ مَ تٌ تَن عِ بَرَ هِننّ ﭑ نَ. ﭑ شَشِلِتَرٍحَ نَشَن نَبَشِ عِ رَ، عَ مُ قَن.» 22 دَوُدَ نَشَ عَ يَابِ، «مَنفّ شَ تَنبّ نَن يِ كِ، عِ شَ كٌنيِ ندٍ شَ قَ عَ تٌنفٌ. 23 عَلَتَلَ مِشِ بِرِن سَرٍ قِمَ عَ شَ تِنشِنيِ نُن عَ شَ كِنِكِنِ نَن مَ. تٌ عَلَتَلَ نُ بَرَ عِ سَ ﭑ بّلّشّ، كْنْ ﭑ مُ تِن عَلَتَلَ شَ مِشِ سُفَندِشِ تْورْدٍ. 24 عِ نِي تِدٍ تٌ فبٌشِ ﭑ بّ تٌ، تِنَ ﭑ قَن نِي تِدٍ فبٌمَ نّ عَلَتَلَ بّ نَ كِ، عَ ﭑ نَتَنفَمَ نّ تْورّ بِرِن مَ.» 25 سْلُ نَشَ عَ قَلَ دَوُدَ بّ، «ﭑ مَ دِ دَوُدَ، عَلَتَلَ شَ عِ بَرَايِ. عَلَ شَ عِ شَ قٍ بِرِن سْونّيَ.» دَوُدَ نَشَ سِفَ عَ شَ كِرَ شْن، سْلُ قَن نَشَ فبِلٍن عَ شْنيِ.