1 دَوُدَ نَشَ عَ قَلَ عَ يّتّ مَ، عَ نَشّ، «لْشْي ندٍ سْلُ مَن كَتَمَ نّ ﭑ قَشَدٍ. ﭑ شَ ﭑ فِ عَ يَ رَ قِلِسِتَ بْشِ مَ، عَلَكٌ عَ شَ فبِلٍن ﭑ قْشْ رَ عِسِرَيِلَ بْشِ مَ. نَ نَن نْمَ ﭑ بَدٍ عَ بّلّشّ.» 2 دَوُدَ نُن عَ شَ مِشِ كّمّ سٍننِيٍ نَشَ كٍلِ، عٍ نَشَ سِفَ مَيِ شَ دِ عَكِسِ يِرٍ، نَشَن قِندِشِ فَتِ مَنفّ رَ. 3 دَوُدَ نَشَ سَبَتِ عَكِسِ شْنيِ فَتِ بْشِ مَ، عَ تَن نُن عَ شَ مِشِ كّمّ سٍننِ، بِرِن نُن عَ شَ دٍنبَيَ. دَوُدَ شَ دٍنبَيَ قَن نُ نَ، عَ شَ فِنّ قِرِنيِيٍ، عَشِنٌوَ مَ يِسِرٍيلِكَ نُن عَبِفَيِلِ كَرٍ مٍلٍكَ، نَبَلِ شَ فِنّ قٌرِ. 4 سْلُ تٌ عَ كٌلٌن عَ دَوُدَ بَرَ عَ فِ فَتِ، عَ نَشَ فبِلٍن عَ قْشْ رَ.

5 دَوُدَ نَشَ عَ قَلَ عَكِسِ بّ، «شَ عَ سَ عِ كّنّن مَنفّ، عِ شَ يِرٍ ندٍ سٌ ﭑ تَن يِ رَ، عِ شَ كٌنيِ دِ، ﭑ لُمَ دّننَشّ. عَ مُ لَنمَ ﭑ تَن عِ شَ كٌنيِ شَ لُ عِ سّيتِ مَ مَنفَتَا كُي.» 6 نَ لْشْي عَكِسِ نَشَ سِكِلَفَ تَا سٌ عَ يِ رَ. نَ نَن عَ تٌشِ سِكِلَفَ نَشَ قِندِ يُدَ مَنفّيٍ فبٍ رَ هَن تٌ. 7 دَوُدَ حّ كٍرٍن كِكٍ نَانِ نَن نَبَ قِلِسِتَ بْشِ مَ.

8 دَوُدَ نُن عَ شَ سْورِيٍ نُ سِفَمَ فٍسُرِكَيٍ، فِرِ سِكَيٍ، عَمَلّكِكَيٍ فٍرٍدٍ، بَرِ مَ نٍيٍ نُ سَبَتِشِ كٍلِقٍ سُرُ بْشِ مَ هَن مِسِرَ بْشِ مَ كَبِ تّمُي شْنكُيٍ. 9 دَوُدَ نُ دَرِشِ نَاكَيٍ سْنتْ رَ فِنّيٍ نُن شّمّيٍ، عَ قَ عٍ شَ شُرُ سٍ شُنفبٍيٍ، عٍ شَ شُرُ سٍ لَنمَيٍ، عٍ شَ سٌقَلٍيٍ، عٍ شَ حْشْمّيٍ، نُن عٍ شَ دُفِيٍ، عَ نَ بِرِن شَنِن عَكِسِ يِرٍ.

10 عَكِسِ نُ عَ مَشْرِنمَ، «وٌ فٍرٍ سٌ مِندٍن تٌ؟» دَوُدَ نُ عَ يَابِمَ، «يُدَيَ، يٍرَ مٍيلِ، نُن كٍنِ شَ فبٍنفبٍرٍنيِيٍ.» 11 دَوُدَ نُ نَ مِشِيٍ قَشَمَ نَ نَن مَ، عَلَكٌ عٍ نَشَ نْ سِفَدٍ فَتِ، عٍ سَ دّنتّفّ سَ دَوُدَ شَ قٍ رَبَشِ شَ قٍ رَ. عَ نُ وَلِمَ نَ كِ نّ قِلِسِتَ بْشِ مَ. 12 نَ كُي عَكِسِ نُ لَشِ دَوُدَ رَ، عَ نُ عَ قَلَمَ، «دَوُدَ بَرَ عَ يّتّ رَحَاشُ عَ شَ حَمَ عِسِرَيِلَ مَ. عَ مُ كٍلِمَ ﭑ شُن مَ عَبَدَن.»