3
عَننَبِ هَبَكُكُ شَ عَلَ مَشَندِ
1 عَننَبِ هَبَكُكُ شَ عَلَ مَشَندِ نَن يَ، نَشَن بَمَ بّيتِ كِ مَ.
2 عَلَتَلَ، ﭑ بَرَ عِ شَ مَسٍنيِ مّ،
ﭑ بَرَ كَابَ عِ شَ وَلِ مَ.
عِ شَ عَ رَفِرِ يِ وَشَتِ مَ،
عِ شَ عَ رَكَمَلِ مِشِيٍ يَ شْرِ.
كْنْ عِ نَشَ نّيمُ عِ شَ كِنِكِنِ مَ عِ شَ شْنّ كُي.
3 ﭑ بَرَ عَلَ سّنِيّنشِ تٌ قَ رَ كٍلِقٍ تٍمَن مَبِرِ،
كٍلِقٍ ثَرَن فٍيَ مَ.
كٌورٍ نَشَ رَقٍ عَ شَ نْرّ رَ،
دُنِحَ نَشَ رَقٍ عَ شَ مَتْشْي رَ.
4 عَلَ شَ يَنبّ سّنبّ فبٌ.
نَءِيَلَنيِ نُ كٍلِمَ عَ بّلّشّ كُي،
عَ سّنبّ نْشُنشِ دّننَشّ.
5 وُفَن قُرٍ نُ عَ حّرّ مَ عَ يَ رَ،
حَشَنكَتّ قَن نَ عَ قْشْ رَ.
6 عَ نَشَ تِ، عَ دُنِحَ رَ سّرّن.
عَ نّقّ عَ مَتٌ، بْنسْييٍ بَرَ هَلَكِ.
فٍيَ نَشٍيٍ تِ دُنِحَ قْلّ رَ،
نٍيٍ نَشَ سّرّن، عٍ عٍ عِفٌرٌ عَلَتَلَ يَ رَ.
قْلّ مُ نَ عَلَتَلَ بّ.
7 ﭑ نَشَ كُسَنكَيٍ تٌ حَشَنكَتَ رَ،
ﭑ نَشَ مَدِيَنكَيٍ تٌ سّرّن نَ.
8 عَلَتَلَ، عِ نُ شْنْشِ نّ شُرٍيٍ مَ؟
عِ تٌ تِ عِ شَ فٍرٍ سٌي يَ رَ،
عٍ نُن عٍ شَ سٌييٍ نُن عٍ شَ فِسٍيٍ،
عِ نُ شْنْشِ نّ بَا مَ؟
9 عِ نَشَ عِ شَ شَلِ رَ مِنِ،
عِ نَشَ تَنبّ وُيَشِ سُشُ.
عِ نَشَ شُرٍيٍ رَبْو بْشِ مَ.
10 فٍيَيٍ تٌ عِ تٌ،
عٍ نَشَ سّرّن.
تُنّ شُنفبٍ نَشَ قَ.
بَا نَشَ عَ شُي رَ مِنِ،
مْرْنيِيٍ نَشَ تٍ.
11 سٌفٍ نُن كِكٍ نَشَ عٍ شَ وَلِ عِتِ
عٍ تٌ عِ شَ تَنبّيٍ تٌ يَنبَ رَ كٌورٍ عَلْ سٍيَمَكْنيِ.
12 عِ نَشَ تِ بْشِ قَرِ،
عِ قَ حَمَنّيٍ رَبٌرٌن حّ عِ شَ شْنّ كُي.
13 عِ نَشَ عِ شَ حَمَ رَكِسِ،
عِ مَن قَ عِ شَ مِشِ سُفَندِشِ رَتَنفَ.
عِ نَشَ بْنسْي كٌبِيٍ شَ مَنفّ بُتُشُن،
عِ عَ شَ سٍيٍ بِرِن قِندِ شُبٍ رَ.
14 عَ شَ سْورِيٍ نَشَ مِنِ مُشُ شِلِ مَ،
عٍ شَ تْورْ مِشِيٍ هَلَكِ حّلّشِنيِ كُي فُندٌ رَ،
كْنْ عِ تَن نَشَ عٍ شَ مَنفّ سْشْ عَ يّتّ شَ تَنبّ رَ.
15 عِ نَشَ كِرَ رَبْو عِ شَ سٌييٍ بّ،
عٍ شَ دَنفِ بَا تَفِ.
16 ﭑ تٌ عِ شَ مَسٍنيِ مّ،
ﭑ بْحّ نَشَ مِنِ عَ عِ، ﭑ دّ نَشَ عِشَرَ،
ﭑ شْرِيٍ نَشَ تَفَن، ﭑ سَنيِيٍ نَشَ سّرّن.
ﭑ نَ لْشْي مَمّقٍ
عِ مُشُ يَشُييٍ حَشَنكَتَمَ لْشْي نَشّ.
17 هَلِ قُفٍ مُ نَ شْرّ بِلِ مَ،
هَلِ وّنِ بٌفِ مُ نَ عَ قِرِ مَ،
هَلِ بٌفِ يٌ مُ بَمَ وُرِ بِلِيٍ كْن نَ،
هَلِ سَنسِيٍ مُ قَنمَ شّ مَ،
هَلِ شُرُ سٍيٍ مُ نَ كُلّ كُي،
هَلِ نِنفٍ كٍرٍن مُ لُ فْورّ،
18 نَ بِرِن كُي، ﭑ عَلَتَلَ مَتْشْمَ نّ،
ﭑ سّيوَ عَلَ رَ، ﭑ مَ مَرَكِسِمَ.
19 ﭑ سّنبّ نَ ﭑ مَرِفِ عَلَتَلَ نَن نَ.
عَ ﭑ مَ حّرّ سْونّيَمَ نّ قٍ شْرْشْي كُي،
عَلْ شٍلِ شَ حّرّ سْونّيَمَ فٍيَيٍ قَرِ كِ نَشّ.
يِ سّبّشِ بّيتِبَ مَنفّ نَن بّ. عَ شَ عَ بَ كْرَ شُي رَ.