5
بَننَيَ كٌبِ
تُننَبّشِيَ تْورّ كُي
عَلَ مَشَندِقٍ دَنشَنِيَ رَ
يَكْسِ وٌ وٌ تُلِ مَتِ، وٌ تَن بَننَيٍ. وٌ شَ وٌ وَ شُي عِتٍ، بَرِ مَ فبَلٌي نَن قَقٍ وٌ مَ. وٌ شَ بَننَيَ شُن بَرَ رَكَنَ، وٌ شَ دُفِيٍ بَرَ بْرْ. وٌ شَ شّيمَ نُن فبٍتِ بَرَ شْرِشْرِ. نَ قِندِ مَ سٍيدٍ نَن نَ وٌ شِلِ مَ، عَ عَ نِيَ وٌ قَتٍ شَ فَن تّ رَ. وٌ بَرَ نَاقُلِ مَلَن يِ وَشَتِ، كْنْ وَشَتِ دْنشْي نَ عَ رَ. وٌ وٌ تُلِ مَتِ، وٌ تَن نَشٍيٍ تٌندِشِ وٌ شَ شّ شَبَيٍ سَرٍ قِدٍ. وٌ شَ وَلِكّيٍ وَ شُي بَرَ عَلَ، دَالِ مَنفّ، تُلِ لِ. وٌ شَ دُنِحّءِفِرِ كُي، وٌ مُ تْنيِ دْشْشِ وٌ وَشْنقٍ سٍسٍ مَ. وٌ وٌ يّتّ نَن تُن نَلُفَمَ. وٌ قَ لُشِ نّ عَلْ شُرُ سٍ تُرَشِ عَ كْن نَشَبَ لْشْي مَ. وٌ بَرَ كِيتِ حَاشِ سَ تِنشِنتْييٍ مَ نَشٍيٍ مُ نُ تِشِ وٌ كَنكٍ، وٌ عٍ قَشَ.
نَ كُي، ﭑ نفَشَكٍرٍنيِيٍ، وٌ شَ دِحّ هَن مَرِفِ قَ لْشْي. وٌ شَ عَ رَبَ عَلْ شّسَ عَ رَبَمَ كِ نَشّ. عَ دِحّ هَن تُنّبِرّ، نَشَن عَ نِيَمَ سَنسِ شَ مْ، عَ بٌفِ. وٌ قَن شَ دِحّ. وٌ شَ لِمَنِيَ، بَرِ مَ مَرِفِ قَ لْشْي بَرَ مَكْرّ. ﭑ نفَشَكٍرٍنيِيٍ، وٌ نَشَ قٍ كٌبِ قَلَ وٌ بٌرٍ شَ قٍ رَ، شَ نَ مُ عَ رَ كِيتِ نَ سَ، عَ مُ قَنمَ وٌ بّ. عَ فبٍ مُ لُشِ كِيتِسَ شَ قَ. 10 ﭑ نفَشَكٍرٍنيِيٍ، وٌ شَ لُ عَلْ نَمِحْنمّ نَشٍيٍ كَوَندِ تِ مَرِفِ شِلِ رَ، عٍ عٍ تُننَبّشِ تْورّ كُي. 11 وٌن عَ كٌلٌن بَرَكّ نَ مِشِ بّ نَشَن عَ تُننَبّشِمَ تْورّ كُي. وٌ بَرَ عَ مّ عَيُبَ عَ تُننَبّشِ كِ نَشّ. وٌ مَن بَرَ عَ تٌ مَرِفِ نَشَن نَبَشِ عَ بّ عَ شَ تْورّ دَنفِ شَنبِ. مَرِفِ شَ شَنُنتٍيَ نُن عَ شَ كِنِكِنِ فبٌ.
12 ﭑ نفَشَكٍرٍنيِيٍ، نَشَن دَنفِ قٍ بِرِن نَ، وٌ نَشَ وٌ كَلِ كٌورٍ رَ، وٌ نَشَ وٌ كَلِ بْشِ رَ، وٌ نَشَ وٌ كَلِ سٍسٍ رَ. وٌ نَ «عِيٌ» قَلَ، عَ شَ قِندِ نْندِ رَ. وٌ نَ «عَدٍ» قَلَ، عَ شَ قِندِ نْندِ رَ. شَ نَ مُ عَ رَ كِيتِ نَ سَ، عَ مُ قَنمَ وٌ بّ.
13 مِشِ نَ وٌ يَ مَ نَشَن تْورْشِ؟ عَ كَنيِ شَ عَلَ مَشَندِ. مِشِ نَ وٌ يَ مَ نَشَن حّلّشِنشِ؟ عَ كَنيِ شَ عَلَ تَنتُ بّيتِ رَ. 14 مِشِ نَ وٌ يَ مَ نَشَن قُرَشِ؟ عَ كَنيِ شَ دَنشَنِيَتْي حَمَ كُنتِفِيٍ شِلِ، عٍ شَ عَلَ مَشَندِ عَ بّ، عٍ شَ تُرٍ ندٍ مَسٌ عَ مَ مَرِفِ شِلِ رَ. 15 عَلَ مَشَندِ نَشَن قَتَنشِ دَنشَنِيَ رَ، عَ قُرٍ مَ رَيَلَنمَ نّ. مَرِفِ قُرٍ مَ رَكٍلِمَ نّ. شَ عَ بَرَ يُنُبِ رَبَ، مَرِفِ عَ شَقَرِ مَ نّ. 16 نَ كُي، وٌ شَ وٌ شَ يُنُبِيٍ قَلَ وٌ بٌرٍ بّ، وٌ شَ عَلَ مَشَندِ وٌ بٌرٍ بّ، عَلَكٌ وٌ شَ يَلَن. تِنشِنتْي عَلَ مَشَندِ نَشَن تِمَ، نَ عَلَ مَشَندِ شَ وَلِ سّنبّ فبٌ. 17 عٍلِيَ نُ قِندِشِ عَدَ مَدِ نَن نَ عَلْ وٌن تَن. عَ تٌ عَلَ مَشَندِ عَ بْحّ بِرِن نَ عَلَكٌ تُنّ نَشَ قَ، عَلَ نَشَ عَ شَ دُبّ سُشُ. تُنّ مُ قَ بْشِ حّ سَشَن كِكٍ سٍننِ. 18 نَ دَنفِ شَنبِ، عٍلِيَ مَن نَشَ عَلَ مَشَندِ تُنّ مَن شَ قَ. كٌورٍ نَشَ تُنّ بّحِن، بْشِ سَنسِيٍ نَشَ بٌفِيٍ رَ مِنِ.
19 ﭑ نفَشَكٍرٍنيِيٍ، شَ مِشِ ندٍ وٌ يَ مَ عَ بَرَ نْندِ كِرَ بّحِن، كْنْ مِشِ فبّتّ قَ عَ تِ كِرَ قَنيِ شْن مَ، 20 وٌ شَ عَ كٌلٌن، مِشِ نَشَن يُنُبِتْي بَمَ عَ شَ يُنُبِ قٍ مَ، عَ بَرَ عَ نِيَ يُنُبِتْي شَ كِسِ، عَ شَ يُنُبِ بِرِن بَرَ شَقَرِ.