1 «عَدَ مَ، فِنّ بَرِ دِ،

عَ شَ سِمَيَ دُنكٍ، كْنتْقِلِ فبٌ عَ مَ.

2 عَ لُشِ نّ عَلْ قُفٍ نَشَن مِنِمَ، عَ قَ شَبَ.

عَ لُشِ نّ عَلْ نِينِ نَشَن مُ بُمَ.

3 عِ وَ مَ ﭑ مَنِيَقٍ نَ نَن نَ، عِ شَ ﭑ مَكِيتِ؟

4 ندٍ نْمَ سّنِيّنيِ رَ مِنِدٍ سّنِيّنتَرٍحَ كُي؟

مِشِ يٌ!

5 شَ عِ تَن نَن مِشِ شَ سِمَيَ كْنتِ رَفِرِشِ،

شَ عِ تَن نَن نَتّ تٌنفٌشِ عَ شَ سِمَيَ كْنتِ دَندٍ مَ،

6 عِ شَ فبِلٍن عَ قْشْ رَ،

عَلَكٌ عَ شَ عَ مَلَبُ

عَلْ وَلِكّ عَ مَلَبُمَ كِ نَشّ وَلِ رَحْنيِ.»

7 «شَ وُرِ بِلِ نَ عَ رَ نُ،

عَ نَ شَبَ، عَ شُنتُنيِ مَن فبِلٍنمَ نّ حِنفِ رَ،

عَ سَلٌنيِيٍ مَن قَن.

8 شَ عَ سَنكٍ سَ بُ بْشِ بُن مَ،

عَ شُنتُنيِ تَن نَشَ قَشَ بّندّ كُي،

9 تُنّ بِرّ، عَ مَن نْمَ قِندِدٍ عَ رَ عَلْ عَ سِنفٍ.

10 كْنْ عَدَ مَدِ تَن،

شَ عَ قَشَ، عَ سّنبّ بِرِن حْنمَ نّ،

عَ مُ بَلٌشِ سْنْن.

11 بَا نُن شُرٍ نْمَ شْرِدٍ،

12 كْنْ عَدَ مَدِ لَاشِرَشِ مُ كٍلِمَ،

قٌ كٌورٍ شَ حْن، عَ قَ شُنُ.

13 عَ شْلِ ﭑ مَ عِ شَ ﭑ نْشُن عَلِفِيَمَ،

هَن عِ شَ شْنّ دَنفِمَ تّمُي نَشّ، عِ قَ رَتُ ﭑ مَ.

14 كْنْ عَدَ مَ نَ قَشَ، عَ مَن فبِلٍنمَ بَلٌ رَ؟

ﭑ مَمّ تِمَ نّ ﭑ مَ وَلِ كُي،

هَن ﭑ حْشْي قَ تّمُي.

15 عِ نَ ﭑ شِلِ، ﭑ قَمَ عِ شَ شِلِ رَتِندٍ،

بَرِ مَ عِ وَ مَ نّ عِ شَ دَالِ شْن.

16 يَكْسِ عِ ﭑ سَنيِ تٌنفٌ كِ بِرِن عِفبّمَ.

عِ مُ ﭑ مَ يُنُبِيٍ تٌمَ.

17 ﭑ مَ قٍ حَاشِيٍ نْشُن بّكِ كُي،

ﭑ مَ يُنُبِيٍ شَقَرِ!»

18 «كْنْ فٍيَ بِرَ مَ عَ يٍنسٍن يّ،

قَنيٍ تَلَ عَ يِرٍ،

19 يٍ كِرَ رَبْو فّمّيٍ شْن مَ،

عَ بْشِ بّندّ شَنِن عَ شُن.

عِ قَن عَدَ مَدِ شَشِلِ تِدٍ رَبَمَ نَ كِ نّ.

20 عِ نْمَ عَدَ مَ رَ، عَ قَ قَشَ.

عِ نَ فّ عَ تْورْدٍ، عِ عَ شَنِن عَلِفِيَمَ.

21 شَ عَ شَ دِيٍ بِنيّ سْتْمَ،

عَ مُ نَ كٌلٌن.

شَ بِنيّ بَمَ عٍ مَ،

عَ مُ نَ تٌمَ.

22 عَدَ مَ شَ تْورّ فبٌ دُنِحَ بّندّ قُحِ قَرِ،

عَ بْحّ لُمَ سُننُنيِ كُي.»