1 عٍلِقَسِ تٍمَنكَ نَشَ عَ قَلَ،

2 «لْننِلَ شَ يَابِ نْمَ مَنِيَدٍ قٌيٍ رَ؟

عَ يّتّ عِفبٌمَ نَ نَن نَ؟

3 عَ نْمَ عَ شُن مَقَلَدٍ وْيّنيِ قُقَقُ رَ؟

عَ نْمَ مَسٍنيِ قَلَدٍ نَشَن تِدٍ مُ نَ؟

4 عِ نَ بِنيّ بَقٍ عَلَ مَ،

عِ نَ لِمَنِيَ بَقٍ مِشِيٍ يِ رَ عَلَ بَتُقٍ رَ.

5 عِ شَ قٍ حَاشِ نَن عَ نِيَقٍ عِ شَ وْيّن نَ كِ.

عِ وَ مَ مِشِيٍ مَدَشُقٍ عِ دّ رَ.

6 عِ دّ يَتِ نَن قِندِشِ سٍيدٍ رَ عِ شَ قٍ حَاشِيٍ مَ.

ﭑ تَن مُ عَ رَ.»

7 «عَدَ مَ سِنفٍ عِ تَن نَن نَ؟

عِ سِنفٍ دَا فٍيَيٍ بّ؟

8 عِ عَلَ شَ فُندٌ رَ مّ نّ،

عَلَكٌ عِ شَ لْننِ سْتْ عِ يّتّ كَن بّ؟

9 عِ مُنسٍ كٌلٌن مُشُ تَن مُ نَشَن كٌلٌن؟

عِ قَهَامُي مُندُن سْتْشِ مُشُ تَن مُ نَشَن سْتْشِ؟

10 قٌرِيٍ نَ مُشُ يَ مَ نَشٍيٍ قٌرِ عِ بَبَ بّ.

11 عِ مُ لِمَنِيَ سْتْ عَلَ شَ مَسٍنيِيٍ كُي،

مُشُ نَشٍيٍ قَلَ عِ بّ مَرَقَنيِ رَ؟»

12 «عِ بْحّ تٍشِ مُنقٍ رَ،

هَن عِ يَ بَرَ فبٍيلِ عَ عِ،

13 عِ دّ نُ قَ وْيّنيِيٍ قَلَ شْنّ كُي عَلَ بّ؟

14 عَدَ مَدِ سّنِيّن؟

فِنّ بَرِ دِ تِنشِن؟

15 شَ عَلَ مُ لَمَ عَ شَ سّنِيّنتْييٍ رَ،

شَ كٌورٍ يَتِ مُ سّنِيّن عَلَ يَ عِ،

16 عَدَ مَدِ فٌ، نَشَن بَرَ كَنَ،

نَشَن قٍ حَاشِ رَبَمَ تّمُي بِرِن؟»

17 «عِ تُلِ مَتِ ﭑ نَ، ﭑ شَ نَ تَفِ رَبَ عِ بّ.

ﭑ قٍ نَشَن تٌشِ،

ﭑ شَ نَ قَلَ عِ بّ،

18 لْننِلَيٍ نَشَن مَسٍنشِ،

عٍ نَشَن سْتْ عٍ بَبَيٍ رَ عٍ مُ عَ نْشُن.

19 عَلَ بْشِ قِشِ عٍ تَن نَن مَ،

شْحّ فبّتّ يٌ مُ نُ نَ سِندٍن.

20 مِشِ حَاشِ تْورْ مَ نّ عَ شَ سِمَيَ بِرِن كُي،

كْنتِ سَشِ عَ شَ سِمَيَ مَ.

21 عَ هَلَكِ قٍ مّمَ،

مُحّتِيٍ بَفَنمَ عَ مَ، عٍ عَ شَ بْحّسَ كَنَ.

22 عَ عَ كٌلٌن عَ مُ كِسِمَ،

سَنتِدّفّمَ نَ عَ مَمّقٍ.

23 عَ عَ لِنتَنمَ بَلٌ قٍندٍ،

عَ عَ كٌلٌن عَ مُ رَتَنفَمَ دِ مِ مَ.

24 تْورّ نُن كْنتْقِلِ بَرَ عَ مَفَاشُ،

عٍ فٍرٍ تِمَ عَلْ مَنفّ نُن عَ شَ سْورِيٍ،

25 بَرِ مَ عَ بَرَ عَ يّتّ عِفبٌ عَلَ مَ،

عَ بَرَ سُو سَ عَلَ سّنبّ كَنيِ رَ.

26 عَ بَرَ سُو سَ عَلَ فٍرٍدٍ عَ شَ وُرٍ لٍقَيٍ بُن مَ.

27 عَ بَرَ شُنفبٌ هَن عَ قُرِ شَلّ بَرَ دْشْ،

28 كْنْ عَ قَمَ سَبَتِدٍ تَا كَنَشِيٍ نَن كُي،

نَشٍيٍ نَ بِرَقٍ،

مِشِيٍ مُ نَ دّننَشّ.

29 عَ شَ نَاقُلِ حْنمَ نّ،

عَ شَ بَننَيَ كَنَ.

بَرَكّ مُ لُمَ عَ شَ سٍ سْتْي مَ سْنْن.

30 عَ مُ نْمَ كٍلِدٍ دِ مِ كُي.

عَ بْنسْي قَمَ فَندٍ،

عَ سْنتْ عَلَ كّرّ قٌيٍ رَ.»

31 «شَ عَ شَشِلِ تِمَ قٍ قُقَقُ رَ،

عَ قٍ قُقَقُ نَن سْتْمَ.

32 بٍينُن عَ شَ سِمَيَ شَ كَمَلِ،

عَ قَمَ حَشَنكَتّ سْتْدٍ.

33 عَ لُمَ عَلْ سَنسِ بٌفِ نَشٍيٍ بَمَ عٍ شِندٍ رَ،

عَلْ سَنسِ قُفٍ نَشٍيٍ بِرَ مَ.

34 تِنشِنتَرٍ شَ دٍنبَيَ مُ فبٌمَ،

مِشِ نَشٍيٍ كْبِرِ رَ سُشُمَ تِنشِنتَرٍيَ كُي،

عٍ شَ بَنشِيٍ فَنمَ نّ تّ رَ.

35 قٍ حَاشِ مَحْشُنقٍ قِندِ مَ تْورّ نَن نَ.

نَ مَحْشُنيِ قَمَ عَ كَنيِ يَنقَدٍ.»