1 مَلٍكّ نَشَن نُ وْيّنمَ ﭑ نَ، عَ نَشَ قَ ﭑ نَشُنُدٍ، عَلْ عٍ مِشِ رَشُنُمَ كِ نَشّ شِشْلِ مَ. 2 عَ نَشَ ﭑ مَشْرِن، «عِ مُنسٍ تٌشِ؟» ﭑ نَشَ عَ يَابِ، «ﭑ لَنثُي دْشْ سٍ شّيمَ دَاشِ نَن تٌشِ، بِتِرّ نَ عَ شُنتَفِ، تُرٍ رَ عَ كُي. لَنثُي سٌلٌقٍرٍ فبَكُشِ عَ مَ، تُرٍ فٌرٌدٍ سٌلٌقٍرٍ، تُرٍ رَ سٌمَ نَ لَنثُي سٌلٌقٍرٍيٍ كُي. 3 عٌلِوِ وُرِ بِلِ قِرِن تِشِ تُرٍ بِتِرّ سّيتِ قِرِنيِيٍ مَ، كٍرٍن عَ يِرٍقَنيِ مَ، كٍرٍن عَ كْولَ مَ.» 4 ﭑ نَشَ مَلٍكّ مَشْرِن، نَشَن نُ وْيّنمَ ﭑ نَ، «ﭑ مَرِفِ، مُنسٍ نَ يٍيٍ رَ؟» 5 عَ نَشَ عَ قَلَ ﭑ بّ، «عِ مُ عَ كٌلٌن؟» ﭑ نَشَ عَ يَابِ؛ «ﭑ مَرِفِ، ﭑ مُ عَ كٌلٌن.» 6 نَ تّمُي عَ نَشَ عَ مَسٍن ﭑ بّ، «عَلَتَلَ شَ مَسٍنيِ نَن يَ، عَ نَشَن تِشِ سٌرٌبَبٍلِ بّ، ‹وٌ سّنبّ مُ نْمَ سٍسٍ رَ. ﭑ تَن نَن شَشِلِ نْمَ عَ رَبَدٍ.› مَنفّ عَلَتَلَ شَ مَسٍنيِ نَن يَ.»

7 «فٍيَ شُنفبٍ نَشَن نَ سٌرٌبَبٍلِ يَ رَ، ﭑ نَ قِندِ مَ نّ قِيلِ رَ. عَ قَمَ نّ فّمّ قَنيِ رَ مِنِدٍ بَنشِ تِ سٍ رَ، حَمَ قَ عَ قَلَ عٍ شُي عِتٍشِ رَ، ‹عَلَ شَ هِننّ عَ رَ، عَلَ شَ هِننّ عَ رَ!›»

8 عَلَتَلَ نَشَ يِ مَسٍنيِ تِ ﭑ بّ، 9 «سٌرٌبَبٍلِ بَرَ يِ بَنشِ تِ قْلْ، عَ مَن عَ رَحْنمَ نّ.» نَ كُي وٌ عَ كٌلٌنمَ نّ عَ مَنفّ عَلَتَلَ نَن ﭑ شّيشِ وٌ يِرٍ. 10 ندٍ يٌمَ قٍ قْلّ شُرِ مَ؟ حَمَ نَ وَلِ سٍ تٌ سٌرٌبَبٍلِ بّلّشّ، عٍ حّلّشِنمَ نّ.

مَلٍكّ نَشَ عَ قَلَ ﭑ بّ، «نَ لَنثُي سٌلٌقٍرٍ قِندِشِ عَلَتَلَ يَيٍ نَن نَ نَشٍيٍ دُنِحَ عِحّرّ مَ.» 11 ﭑ نَشَ عَ مَشْرِن عَ مَ، «مُنسٍ نَ نَ عٌلِوِ وُرِ بِلِ قِرِنيِ رَ، نَشٍيٍ نَ لَنثُي دْشْ سٍ يِرٍقَنيِ مَ نُن عَ كْولَ مَ؟» 12 ﭑ مَن نَشَ عَ مَشْرِن عَ مَ، «مُنسٍ نَ نَ عٌلِوِ سَلٌنيِ قِرِنيِيٍ رَ، نَشٍيٍ نَ تُرٍ فٌرٌدٍ شّيمَ دَاشِ قِرِنيِيٍ سّيتِ مَ، عٌلِوِ تُرٍ دَنفِمَ نَشٍيٍ كُي؟» 13 عَ نَشَ عَ قَلَ ﭑ بّ، «عِ مُ عَ كٌلٌن عٍ نَشٍيٍ مِسَالِشِ؟» ﭑ نَشَ عَ يَابِ، «ﭑ مَرِفِ، ﭑ مُ عَ كٌلٌن.» 14 عَ نَشَ عَ قَلَ ﭑ بّ، «مِشِ قِرِن نَن عٍ رَ عَلَ نَشٍيٍ سُفَندِشِ، عَ تُرٍ عِقِلِ عٍ شُنيِيٍ مَ، عٍ شَ وَلِ دُنِحَ بِرِن مَرِفِ بّ.»