1 ﭑ مَن نَشَ لَامَتُنيِ تٌ نَشَن قِندِشِ كّيدِ مَكُنتَنشِ رَ كٌورٍ مَ. 2 مَلٍكّ نَشَ ﭑ مَشْرِن، «عِ مُنسٍ تٌشِ؟» ﭑ نَشَ عَ يَابِ، «ﭑ كّيدِ مَكُنتَنشِ نَن تٌشِ كٌورٍ مَ، عَ كُيَ نْنفْن يَ مْشْحّن، عَ عِفبٌ نْنفْن يَ قُ.» 3 عَ نَشَ عَ قَلَ ﭑ بّ، «دَنكّ سّبّشِ نَ كّيدِ مَ نَشَن مَسٍنشِ بْشِ يِرٍ بِرِن. عَ سّبّشِ مُحّتِ نُن مِشِيٍ نَن بّ، نَشٍيٍ عٍ كَلِمَ وُلٍ رَ، عٍ بِرِن قَمَ نّ كٍرِدٍ يِ بْشِ مَ. 4 مَنفّ عَلَتَلَ شَ مَسٍنيِ نَن يَ، ‹ﭑ يِ دَنكّ رَ سٌمَ نّ مُحّتِيٍ شَ بَنشِيٍ كُي، عَ نُن مِشِ نَشٍيٍ عٍ كَلِمَ ﭑ شِلِ رَ كْنْ عٍ قَ وُلٍ قَلَ. نَ دَنكّ لُمَ نّ عٍ شَ بَنشِيٍ كُي هَن عَ بِرِن كَنَ.›»

5 مَلٍكّ نَشَن نُ وْيّنمَ ﭑ نَ، عَ نَشَ مَكْرّ ﭑ نَ، عَ قَ عَ قَلَ ﭑ بّ، «عَ مَتٌ نَشَن نَ مِنِقٍ يَكْسِ.» 6 ﭑ نَشَ عَ مَشْرِن، «مُنسٍ عَ رَ؟» عَ نَشَ ﭑ يَابِ، «بُسَلِ نَن عَ رَ، حَمَ شَ قٍ حَاشِيٍ نَ نَشَن كُي.» 7 دّرَكٌتٍ بِنيٍ تٌ بَ عَ دّ رَ، عَ نَشَ عَ تٌ فِنّ ندٍ دْشْشِ عَ كُي. 8 مَلٍكّ نَشَ عَ قَلَ ﭑ بّ، «قٍ حَاشِ مِسَالِ نَن يِ فِنّ رَ.» عَ مَن نَشَ فِنّ رَدِن بُسَلِ كُي، عَ قَ عَ دّ رَكٌتٌ دّرَكٌتٍ بِنيٍ رَ.

9 ﭑ تٌ ﭑ يَ رَكٍلِ، ﭑ نَشَ فِنّ قِرِن تٌ. فَبُتٍنيِ فبٌنفبٌي دَاشِيٍ نُ نَ عٍ مَ، عٍ نُ نَ حّرّقٍ كٌورٍ مَ. عٍ نَشَ نَ بُسَلِ تٌنفٌ، عٍ عَ شَنِن كٌورٍ مَ. 10 ﭑ نَشَ مَلٍكّ مَشْرِن، نَشَن نُ وْيّنمَ ﭑ نَ، «عٍ نَ بُسَلِ شَنِنقٍ مِندٍن؟» 11 عَ نَشَ ﭑ يَابِ، «عٍ نَ عَ شَنِنقٍ بَبِلْن بْشِ نَن مَ، عٍ بَنشِ تِمَ عَ بّ دّننَشّ، عَ شَ لُ نَا.»