1 «سِ يَافِتَرٍ، وٌ شَ وٌ يّتّ مَتٌ،

2 بٍينُ وَشَتِ شَ كَمَلِ،

بٍينُ عَلَتَلَ شَ شْنّ شَ وٌ لِ،

بٍينُ عَلَتَلَ شَ لْشْي شْرْشْي شَ قَ وٌ مَ.

نَ لْشْي دَنفِمَ نّ عَلْ مَالٍ لَفِ قٌيٍ نَشَن تُتُنمَ.

3 وٌ تَن مِشِ مَفٌرٌشِ نَشٍيٍ نَ عِسِرَيِلَ،

وٌ شَ عَلَتَلَ قٍن، وٌ شَ عَ شَ سّرِيّ رَبَتُ،

وٌ شَ تِنشِنيِ، نُن يّتّ مَفٌرٍ قٍن.

تّمُندٍ نَ كُي وٌ نْمَ نّ رَتَنفَدٍ عَلَتَلَ شَ شْنّ لْشْي مَ.»

4 «فَسَ رَبّحِنمَ نّ، عَسِكَلْن كَنَ،

عَسِدٌدِ كٍرِ حَمَ يَ شْرِ، عٍكِرٌن تَلَ.

5 حَشَنكَتّ نَ وٌ بّ،

وٌ تَن نَشٍيٍ سَبَتِشِ بَا دّ رَ،

وٌ تَن نَشٍيٍ كٍلِشِ كِرّتِ.

عَلَتَلَ بَرَ نَتّ تٌنفٌ وٌ شَ قٍ رَ،

كَنَانكَ نَشٍيٍ نَ قِلِسِتَ بْشِ مَ،

ﭑ وٌ شُن نَكَنَمَ نّ هَن مِشِ بِرِن حْن وٌ يِ.

6 شُرُ سٍيٍ قَمَ نّ لُدٍ وٌ شَ بْشِ مَ،

وٌ شْنيِ قِندِ فْورّ رَ شُرُ سٍ دّ مَدٌنيِيٍ بّ.

7 نَ بْشِ قِندِ مَ يُدَيَكَ مِشِ دْنشْييٍ نَن فبٍ رَ،

عٍ قَ عٍ شَ شُرُ سٍيٍ دّ مَدٌندٍ نَا.

نُنمَرٍ تّمُي عٍ عٍ مَلَبُمَ نّ عَسِكَلْن شَ بَنشِيٍ كُي،

بَرِ مَ عٍ مَرِفِ عَلَتَلَ قَمَ نّ عٍ مَلِدٍ،

عَ عٍ شَ مِشِ سُشُشِيٍ رَفبِلٍن عٍ شْنيِ.»

8 «ﭑ بَرَ مٌوَبَكَيٍ شَ كٌنبِيٍ مّ،

عَمٌنِكَيٍ شَ وْيّن بّشُشِيٍ بَرَ ﭑ لِ.

عٍ بَرَ ﭑ مَ حَمَ رَيَافِ،

عٍ بَرَ دَنفِ نَانِنيِ رَ.»

9 «ﭑ تَن عِسِرَيِلَ مَرِفِ عَلَتَلَ، شِلِ شُنفبٍ كَنيِ،

ﭑ بَرَ ﭑ كَلِ مٌوَبَ لُمَ نّ عَلْ سٌدٌ مَ،

عَمٌنِكَيٍ لُ عَلْ فٌمٌرَكَيٍ،

عٍ شَ بْشِ كَنَ، حٌوفٍ حَاشِ نُن قْشّ لُ نَا.

10 عٍ نَ سْتْمَ عٍ شَ يّتّ عِفبٌحَ نَن مَ.

عٍ بَرَ عَلَتَلَ شِلِ شُنفبٍ كَنيِ شَ حَمَ رَيَافِ،

عٍ بَرَ تٍ عَ شَ حَمَ شِلِ مَ.

11 عَلَتَلَ مَفَاشُ، عَ عٍ حَشَنكَتَمَ نّ عَ حَاشِ رَ.

عَ كُيٍ بِرِن كَنَمَ نّ دُنِحَ مَ،

سِ بِرِن قَ عَلَتَلَ بَتُ عٍ شْنيِ.»

12 «وٌ تَن كُسِكَيٍ،

وٌ قَن سْشْمَ نّ ﭑ مَ سَنتِدّفّمَ رَ.»

13 «عَلَ عَ سّنبّ رَ مِنِمَ نّ كْولَ مَ، عَ قَ عَسِرِيَ سْنتْ.

عَ نِنٍوٍ شُن نَكَنَمَ نّ، عَ نَ قِندِ فبٍنفبٍرٍن يِرٍ رَ.

14 شُرُ سٍيٍ لُمَ نّ عٍ دّ مَدٌن نَ نَ تَا كُي،

عَ نُن وُلَءِ سُبٍ مْولِ بِرِن.

يُبّ نُن شُندِ كْي رَدَنفِمَ نّ نَ بَنشِ كَنَشِيٍ قَرِ.

نَادّ نُن وُندّرِ بِرِن كَنَشِ، عٍ شَ وُرِ بَرَ بْرْ.

15 يِ تَا شُنفبٍ نَشَن نُ لُمَ حّلّشِن نَ،

نَشَن بْحّ نُ سَشِ،

نَشَن نُ بَرَ عَ قَلَ عَ يّتّ بّ،

‹ﭑ كٍرٍن نَن تِدٍ فبٌ،›

عَ شُن بَرَ رَكَنَ هَن عَ بَرَ قِندِ وُلَءِ سُبٍيٍ شْنيِ رَ.

دَنفِ مِشِ بِرِن يٌمَ نّ عَ مَ سْنْن،

عَ قِندِ دّءِ سِفِ رَ عٍ بّ.»