2
Kiomo Awakristo wasugaane wasawe Katonda
1-2 Kutio, owusookere, nyagala mbwe muwe ni muingirizia awantu woona, ni ino-ino awaami alala na awakangasi woona. Muwaisasaamre ni muwasawira, lwona muwaiembere ni muwaikazizia Katonda. Okwo kuuza okugera tumenye mu owulamu owuolu owuwulamo erioga mu owulongoole no owuti.Efee 6:18–19 3 Kuno kulootu kandi kusangaazia Katonda omununuzi iifu,Ezra 6:10 4 oagala mbwe awantu woona wanunulwe kandi wamanye igerera eria kuwuene ku Yesu *Kristo.Ezek 18:23, 32; 2Timo 2:25; 2Pet 3:9 5 Katonda ari omulala engʼene kandi omuntu oreeta empurizanio agati ya Katonda na awantu ari omuntu omulala engʼene.1Kori 8:6 6 Omuntu ono ni Kristo Yesu, owaifumia iye omwene okufwira ekialo kugere awantu woona wasiwulwe mu amawi. Kino ne ekilagano mbwe Katonda yagalanga okununula awantu woona, ekiaikola olwa enyinga ezia Katonda yataao ziatuuka kuwuene.Gala 1:4; Awaib 9:28
7 Kandi nikio ekiagera ni ndowolwa ki *omutumwa owa Yesu Kristo kandi omulanzi, kugere mbe omugerezi owa awatari *Awayaudi, ogerera amangʼana agari kuwuene aga okuwa no okuganya ku Kristo. (Ni mboola otio ngʼambeeya, ni mboola ekiri kuwuene.)Awat 9:15; Awaru 1:5; 9:1; 2Timo 1:11
8 Kutio asi-uasi aa muikumiizie okusawa Katonda, nyagala mbwe awekisaaza wasawe Katonda ni wagingre kungulu amakono ameeru agatakola owuoni ni wawula no okusu namba olusoolo no omuntu.Zabu 63:4; 134:2; 141:2 9 Nintio lwona nyagala mbwe awekikazi waiwoye mu engira endootu elagana owuti. Watawa-uwa awantu awasuka emvwiri nakuwa awaiwooye enguwo ezia iguzi eria kungulu namba awaiwoya ewintu ewia edhaabu ne ewindi ewingʼena-ngʼena ewia amasendi amangi.1Pet 3:3–5, 7 10 Ni, wasugaane waingizie enkola endootu ezisugre na awakazi awaieta mbwe wari awalongoole.1Timo 5:10
11 Omukazi asugaane ategerezie kandi asarigire enyinga ezia amangʼana aga Katonda gagererwa, na aiisiizie ansi. 12 Inze omwene ngʼanganyire omuntu owekikazi okugerera nakuwa okuwa na amaani ku awasaaza ni paka wasarigire. 13 Kane Adaamu ngʼanio owasooka okulukwa, Aawa na akiari?1Kori 11:3–16; 14:34–35Owut 2:7, 21–22 14 Lwona ngʼano omukazi, otari Adaamu, nio owasemereziwua nawuno agwa mu owuoni?Owut 3:1–6, 13; 2Kori 11:3 15 Ni kukawa kutio, omukazi aaza okununulwa na arindre omugawo ogwa omwiwuzi owa awaana, na akorre olutuunyo mu okuwa no okuganya, okuwa no olugonzi na awantu no owulamu owuitengeeke, alala no okumenya owulamu owulagana owuti.1Timo 5:10, 14; Tiit 2:4–5
2:1-2 Efee 6:18–19
2:3 Ezra 6:10
2:4 Ezek 18:23, 32; 2Timo 2:25; 2Pet 3:9
2:5 1Kori 8:6
2:6 Gala 1:4; Awaib 9:28
2:7 Awat 9:15; Awaru 1:5; 9:1; 2Timo 1:11
2:8 Zabu 63:4; 134:2; 141:2
2:9 1Pet 3:3–5, 7
2:10 1Timo 5:10
2:13 1Kori 11:3–16; 14:34–35
2:13 Owut 2:7, 21–22
2:14 Owut 3:1–6, 13; 2Kori 11:3
2:15 1Timo 5:10, 14; Tiit 2:4–5