1 বনি ইছরাইল জাতি মিসর দেশ থাকি বার অইয়া আওয়ার দুই নম্বর বছরর সময়, দুই নম্বর চান্দর পয়লা দিন, মাবুদে সিনাই মরুভুমিত মিলন-তাম্বুর ভিতরে হজরত মুছার লগে বাতচিত করলা। তাইন মুছারে কইলা, 2 “অখন তামাম বনি ইছরাইলর গুষ্টি আর পরিবার মাফিক এক এক করি হকল বেটাইন্তর নাম লেখো। 3 তুমি আর তুমার ভাই হারুনে বিশ বছর বা এর বেশি বয়সি, মানি যুদ্ধত যাওয়ার জুকা ফৌজি দল মাফিক তারারে গনো। 4 পরতেক খান্দানর একজনে তুমরারে সাইয্য করবা, এরা অইবা নিজর গুষ্টির পরধান মুরব্বি। 5 যারা সাইয্য করবা, এরার নাম অইলো,

17 মাবুদে যেরার নাম কইছলা, মুছা আর হারুনে অউ সর্দার অকলরে খবরদি আনাইলা, 18 আর অউ বছরর দুছরা চান্দর পয়লা দিন হকল বনি ইছরাইলরে একখানো দলা করলা। তারা যারযির গুষ্টি আর পরিবার মাফিক তারার নাম লেখাইলো। বিশ বছর বা এর বেশি বয়সর বেটাইন্তর নাম এক এক করি লেখা অইলো। 19 মাবুদর হুকুম মাফিক সিনাই মরুভুমিত মুছায় এরারে গনিলা।

20 ইয়াকুব উরফে ইছরাইলর বড় পুয়ার নাম রুবেন, অউ খান্দান থাকি যেরার বয়স বিশ বছর বা এর বেশি, মানি যারা যুদ্ধত যাওয়ার জুকা আছিল, গুষ্টি আর পরিবারর পরিচয় মাফিক এরার নাম এক এক করি লেখা অইলো। 21 রুবেন খান্দান থাকি পাওয়া গেল ছয়চাল্লিশ আজার পাচশো জন।

22 শিমিয়ন খান্দানর মাজে যেরার বয়স বিশ বছর বা এর বেশি, মানি যারা যুদ্ধত যাওয়ার জুকা আছিল, গুষ্টি আর পরিবারর পরিচয় মাফিক এরার নাম এক এক করি লেখা অইলো। 23 শিমিয়ন খান্দান থাকি পাওয়া গেল উনুষাইট আজার তিনশো জন।

24 ছাদু খান্দানর মাজে যেরার বয়স বিশ বছর বা এর বেশি, মানি যারা যুদ্ধত যাওয়ার জুকা আছিল, গুষ্টি আর পরিবারর পরিচয় মাফিক এরার নাম এক এক করি লেখা অইলো। 25 ছাদু খান্দান থাকি পাওয়া গেল পয়তাল্লিশ আজার ছয়শো পইঞ্চাশ জন।

26 এহুদা খান্দানর মাজে যেরার বয়স বিশ বছর বা এর বেশি, মানি যারা যুদ্ধত যাওয়ার জুকা আছিল, গুষ্টি আর পরিবারর পরিচয় মাফিক এরার নাম এক এক করি লেখা অইলো। 27 এহুদা খান্দান থাকি পাওয়া গেল চৌয়াত্তইর আজার ছয়শো জন।

28 ইছাখর খান্দানর মাজে যেরার বয়স বিশ বছর বা এর বেশি, মানি যারা যুদ্ধত যাওয়ার জুকা আছিল, গুষ্টি আর পরিবারর পরিচয় মাফিক এরার নাম এক এক করি লেখা অইলো। 29 ইছাখর খান্দান থাকি পাওয়া গেল চৌয়ান্ন আজার চাইরশো জন।

30 সবুলন খান্দানর মাজে যেরার বয়স বিশ বছর বা এর বেশি, মানি যারা যুদ্ধত যাওয়ার জুকা আছিল, গুষ্টি আর পরিবারর পরিচয় মাফিক এরার নাম এক এক করি লেখা অইলো। 31 সবুলন খান্দান থাকি পাওয়া গেল সাতান্ন আজার চাইরশো জন।

32 ইউছুফর পুয়া আফরাইম খান্দানর মাজে যেরার বয়স বিশ বছর বা এর বেশি, মানি যারা যুদ্ধত যাওয়ার জুকা আছিল, গুষ্টি আর পরিবারর পরিচয় মাফিক এরার নাম এক এক করি লেখা অইলো। 33 আফরাইম খান্দান থাকি পাওয়া গেল চাল্লিশ আজার পাচশো জন।

34 আর তান ভাই মানশা খান্দানর মাজে যেরার বয়স বিশ বছর বা এর বেশি, মানি যারা যুদ্ধত যাওয়ার জুকা আছিল, গুষ্টি আর পরিবারর পরিচয় মাফিক এরার নাম এক এক করি লেখা অইলো। 35 মানশা খান্দান থাকি পাওয়া গেল বত্তিশ আজার দুইশো জন।

36 বিন-ইয়ামিন খান্দানর মাজে যেরার বয়স বিশ বছর বা এর বেশি, মানি যারা যুদ্ধত যাওয়ার জুকা আছিল, গুষ্টি আর পরিবারর পরিচয় মাফিক এরার নাম এক এক করি লেখা অইলো। 37 বিন-ইয়ামিন খান্দান থাকি পাওয়া গেল পায়তিশ আজার চাইরশো জন।

38 দান খান্দানর মাজে যেরার বয়স বিশ বছর বা এর বেশি, মানি যারা যুদ্ধত যাওয়ার জুকা আছিল, গুষ্টি আর পরিবারর পরিচয় মাফিক এরার নাম এক এক করি লেখা অইলো। 39 দান খান্দান থাকি পাওয়া গেল বাষট্টি আজার সাতশো জন।

40 আশির খান্দানর মাজে যেরার বয়স বিশ বছর বা এর বেশি, মানি যারা যুদ্ধত যাওয়ার জুকা আছিল, গুষ্টি আর পরিবারর পরিচয় মাফিক এরার নাম এক এক করি লেখা অইলো। 41 আশির খান্দান থাকি পাওয়া গেল একচাল্লিশ আজার পাচশো জন।

42 নপ্তালি খান্দানর মাজে যেরার বয়স বিশ বছর বা এর বেশি, মানি যারা যুদ্ধত যাওয়ার জুকা আছিল, গুষ্টি আর পরিবারর পরিচয় মাফিক এরার নাম এক এক করি লেখা অইলো। 43 নপ্তালি খান্দান থাকি পাওয়া গেল তেপ্পান্ন আজার চাইরশো জন।

44 হজরত মুছা, হারুন আর বনি ইছরাইলর বারো জন মুরব্বি নেতায় অউ মানষরে গনিলা। অউ বারো জন নেতা আছলা বারো খান্দানর সর্দার। 45 আস্তা বনি ইছরাইলর মাজে যেরার বয়স বিশ বছর বা তার বেশি, মানি যুদ্ধত যাওয়ার জুকা বয়স, যারযির গুষ্টি মাফিক তারারে গনা অইলো। 46 গনিয়া হক্কলতায় ছয় লাখ তিন আজার পাচশো পইঞ্চাশ জন পাওয়া গেল।

47 অইলে লেবি খান্দানরে, মানি ইমাম বংশরে এরার লগে গনা অইলো না। 48 মাবুদে আগেউ মুছারে কইছলা, 49 “তুমি লেবি খান্দানরে গনবায় না, গনার সময় বনি ইছরাইলর অইন্য মানষর লগে এরারে হিসাব করিও না। 50 তুমি তারারে শাহাদত তাম্বু, মানি আমার ঘরর সাজ-সরঞ্জাম আর হকলতার দেখা-হুনার ভার দিবায়। তারার কাম অইবো, আমার ঘর আর এর হকল সাজ-সরঞ্জাম বইয়া নেওয়া। তারা এর চাইরো গালাবায় যারযির তাম্বু টাংগাইয়া রইবা আর আমার ঘরর দেখা-হুনা করবা। 51 আমার ঘররে এক জাগা থাকি আরক জাগাত নিতে অইলে, লেবি খান্দানর মানষে ইখান খুলবা, বাদে আরক জাগাত গিয়া এক এক করি জুড়া লাগাইয়া হিরবার বানাইবা। খালি লেবি খান্দান ছাড়া অইন্য কেউ ইতার কান্দাত গেলে তারে জানে মারা অইবো। 52 বাদ-বাকি বনি ইছরাইলে তারার ফৌজি দল মাফিক যারযির তাম্বু টাংগাইবা। পরতেকে যারযির দলর সীমানার মাজে, দলর নিশানা লাগাইল পতাকার তলে রইতে অইবো। 53 বনি ইছরাইলর উপরে যাতে মাবুদর গজব না লামে, এরলাগি লেবি খান্দানর মানষে আমার শাহাদত তাম্বুর পারাদারি করার লাগি আমার ঘরর চাইরো গালাবায় তারার তাম্বু টাংগাইয়া রইবা।”

54 মাবুদে মুছা নবীরে যেলা হুকুম দিছলা, বনি ইছরাইলে ঠিক অলাউ করলা।