জবুর শরিফ
জবুর শরিফর পয়লা ছিপারা (জবুর ১-৪১)
আল-জবুর ১
1 সুখি হউ জন,
নাফরমানর ছাল্লায় যে চলে না,
পাপীর পথো যে উবায় না,
মশকরা কররার আড্ডাত বয় না।
2 অইলে মাবুদর দেওয়া হেদায়তউ তার খুশি,
ই হেদায়তরে ধিয়ান করে হে দিন-রাইত ধরি।
3 তার জিন্দেগি তো পানির ফুতর ধারর গাছর লাখান,
যে গাছে সঠিক সময়ে ফল ধরে,
খরার দিনো তার পাতা হুকায় না,
হে যেতাতউ আত দেয়, অতাতউ লাভবান অয়।
4 অইলে খবিছ-বজ্জাতর চলা তো অলা নায়,
ইতার জিন্দেগি ধানর ছুছার লাখান বাতাসে উড়ে।
5 হাশরর দিন উবাইতো তারার অলা সাওস নাই,
পাক-পরেজগারর মজলিছো নাফরমানর নাই কুনু ঠাই।
6 পরেজগার বন্দার চলা-ফিরার পথো মাবুদে নজর রাখইন,
অইলে খবিছ-বজ্জাতর পথো আছে সর্বনাশ॥