আল-জবুর ২
1 হক্কল জাতিয়ে কেনে অস্থির অইয়া চিল্লাইরা,
কিওর লাগি মানষে বেহুদা ফন্দি করের?
2 জগতর বাদশা অকল বিগড়ি গেলো,
রাজা অকল একখানো দলা অইলো,
মাবুদর বিরুদ্ধে আর তান আল-মসীর*2:2 ‘আল-মসী’ মানি, আল্লা পাকর বিশেষ পছন্দ করা জন। জবুর শরিফ লেখার কালো হউ জন আছলা হজরত দাউদ (আঃ)। বিরুদ্ধে।
3 এরা দলা অইয়া কইলো, আও,
ছিড়িয়া ফালাই তারার ডান্ডা-বেড়ি,
তারার বান্দন খুলিয়া স্বাধীন বনি।
4 আরশে-আজিমর কুরছিত বইয়া মাবুদে আসইন,
তাইন ইতারে লইয়া মশকরা করইন।
5 তান গরম দেখাইয়া বেফানা লাগাইবা,
আর গুছায় আগুইন অইয়া অতারে কইবা,
6 আমি স্বয়ং আমার বাদশারে বওয়াল করছি,
আমার পবিত্র ছিয়ন পাহাড়র উপরে।
7 আর হউ বাদশায় কইরা,
আমি খালি মাবুদর অউ হুকুম জানাই,
আইজউ আমি তুমার বাফর লাখান অইলাম।
8 তুমি আমার গেছে চাও,
চাইলে জগতর হক্কল জাতি তুমারউ অইবো,
দুনিয়ার হেশ মাথার দখলও পাইবায়,
9 তুমি লুয়ার লাঠি দিয়া ইতারে ভাংগিবায়,
মাটির পাতিলর লাখান চুরমার করবায়।
10 ও রাজা অকল, সঠিক আখল খাটাও,
জগতর শাসক অকল, হুশিয়ার রও,
11 দিলর ডর-খফে মাবুদর এবাদত করো,
কাপি কাপি 12 তান কুদরতি কদমো চুমা দেও,
তাইন তো চখুর পলকে গুছায় জলিয়া উঠইন,
গুছায় তান গজব নাজিল করলে,
তুমরা মাজপথো আখতাউ বিনাশ অইবায়।
তারাউ তো বড় কপালি,
যেরা তান ছায়াত আশ্রয় লইন॥
*আল-জবুর ২:2 2:2 ‘আল-মসী’ মানি, আল্লা পাকর বিশেষ পছন্দ করা জন। জবুর শরিফ লেখার কালো হউ জন আছলা হজরত দাউদ (আঃ)।
†আল-জবুর ২:7 2:7 হজরত দাউদ (আঃ) অর আমলে আর এর বাদেও, কুনু বড় সম্রাটে যেবলা তান সম্রাইজ্যর কুনু দেশর উপরে একজনরে রাজা বানাইন, হউ সময় থাকি অউ জনরে তান ‘পুত’ কইয়া ডাকিতা। এইন তো হউ সম্রাটর খলিফা, আসল পুত নায়। তেউ ই আয়াতর মানি অইলো, হজরত দাউদ (আঃ) এ যে দিন জেরুজালেম টাউনর পবিত্র ছিয়ন পাহাড়রে দখল করলা, হউ দিনউ আছমান-জমিনর বাদশা মাবুদ আল্লায় নিজর খাছ প্রজা বনি ইছরাইলর উপরে তানরে খলিফা হিসাবে রাখলা, এরলাগি ‘পুত’ নাম দিছলা।