আল-জবুর ৪
এবাদত-বন্দেগি পরিচালকর লাগি: তারআলা বাজনাদি গাইতে অইবো।
হজরত দাউদর মিজমর।
1 ও আল্লা, আমার ডাকো কান দিও,
আমারে নির্দুষ কইয়া তুমি তো জাইর করছো।
মছিবতর কালো তুমি আমার জানো আরাম দিছো,
মেহেরবানি করিয়া আমার দোয়া কবুল করো।
2 ও মানুষ অকল, আমার ইজ্জতরে তুমরা আর কতদিন বেইজ্জত করতায়,
কতদিন বেকামা মাতর মায়াত রইতায়, মিছা মাতর খরে খরে ঘুরতায়?
(ছেলা)
3 মনো রাখিও, মাবুদে তান আশিক বন্দারে নিজর লাগি আলগ করছইন,
তে আমি ডাকলেউ তাইন হুনইন।
4 তুমরার রাগ-গুছার সময় কুনু গুনা করিও না,
বিছনাত হুতিয়া দিল দি চিন্তা করো, আর নিরাই থাকো।
(ছেলা)
5 পাক-পরেজগারির কুরবানি আদায় করো,
মাবুদর উপরে ষোলআনা ভরসা রাখো।
6 বউত জনে কয়, “আমরারে খেগিয়ে ভালাইর পথ দেখাইবো?”
ও মাবুদ, তুমার পবিত্র মুখর নুরর দিদার খান আমরার নছিব অউক।
7 বেশ করি ফয়-ফসল পাইয়া তারার যত ফুর্তি যুগায়,
ইতা থাকি বউত বেশি ফুর্তি তো তুমি আমার দিলো দিছো।
8 আমি তো সায়-শান্তি আর আরামে ঘুমাই,
ও মাবুদ, খালি তুমিউ আমারে বসত করাও ছহি-ছালামতে॥