আল-জবুর ১১
এবাদত-বন্দেগি পরিচালকর লাগি: হজরত দাউদর মিজমর।
1 আমি তো মাবুদর গেছেউ আশ্রয় লইছি,
তে তুমরা কেনে আমারে কইরায়,
“ও পাখি, তুমার আশ্রয় পাহাড়েদি বাগিয়া যাও।
2 বজ্জাতর দলে ধনুকরে পুরাপুর জুইত করি ধরছে,
সরল মানষরে আন্দারিত মারতো করি তীর লাগাইছে।
3 ভাংগিয়া পড়ি যায় যুদি সমাজর মুল পিলার,
ইলা অইলে কিতা করবো যারা পরেজগার?”
4 মাবুদ তো রইন তান পবিত্র মুকামো,
তান আরশ-কুরছি বওয়াল আছে আছমানো,
আদম জাতিরে রাখইন তান চখুর নজরো।
5 ভালা-বুরা হকলরে যাচাই করইন মাবুদে,
জালিম অকল তান দুশমন, ঘিন করইন তারারে।
6 বজ্জাতর উপরে ঢালিবা তাইন জালাইল গন্ধক আর আংরা,
গরম আগুনির গুল্লাউ অইবো তারার খানি-পানি হামেশা।
7 মাবুদ নিজে পরেজগার, পছন্দ করইন পরেজগাররে,
হক-নিখুত বন্দায় পাইবা তান মুখর দিদাররে॥